المشاركة الأصلية كتبت بواسطة النائب
الحين وين الغلط في كلامنا؟؟ انتوا متسببين ولا وشسالفتكم؟؟ الحين انتوا تجزمون ان هالبرامج بدون مقابل؟؟ اغلبكم مايدري ان كانت بمقابل او بالمجان وهناك مشايخ كثر قالوا انهم يقدمون برامج تلفزيونيه بمقابل وهذا مب غلط فمافي داعي للتشدد المبالغ لان لو كان العريفي ياخذ مقابل ماعتقد ان هالشي غلط بالعكس هذا حق وهذا عمل وله اجر عليه .. وبعدين انت اللي صوم واترك عنك مذهبك وهالخرابيط
الشيخ كان يستلم رمضان الي فات 25 الف عن كل حلقه يقدمها غير السكن والمواصلات وهالسنه طلب 30 الف لكن التلفزيون رفض
حتى لو طلب يحق له
برامجه تدخل مبالغ كبيره على القنوات بسبب شعبيته الكبيره ومن الطبيعي ان يكون له نسبه من الربح
وفي النهاية الموضوع عرض وطلب ومب المفروض هاي يزعل حد .. يا يوافقون يا ربك يفتح
وهذا اللي كنا انقوله ان لو الشيخ طلب فهذا من حقه والمفروض لا يبخل على المشايخ والعلماء لان الناس في حاجه لهم ولبرامجهم فلو اطلبوا مبالغ كبيره من المفترض ان تلبى مطابهم ففي الاخير نحن المستفيدون لان هم اولى من المطربين والممثلين اللي تندفع لهم ملايين على مهازل وكلام فاضي .. في الاخير نتمنى من تلفزيون قطر وكما عودنا في استضافة الكثير والعديد من المشايخ والعلماء ان لا يبخل علينا في تقديمهم وتقديم علمهم
الله يحفظك يا شيخ محمد العريفي وينور قلوبنا مثل ما نور قلبك بالطاعة والمغفرة
ويرحمنا برحمته
احنا محصلين نكون نفس هالمشايخ والعلماء الكبار
الله يهدينا بس ويجعلنا من القائمين على صلاته والمودين لزكاته والبارين بوالدينا
الله يغفر لنا ويرحمنا يارررب
اللهم استر علينا فوق الارض وتحت الارض ويوم العرض
مَھْمَـاَاَ פـٌٍدَثْ لٱ تَبْگِيّـے }.. ۈلَگِنْ ٱبْتَسِـم
Dιиια мαтιѕιωα
العريفي تعاقد مع قناة دبي هذا الي سمعته
اكيد مشغول بانشطة اخرى
العريفي مش احتكار لقطر
الكلام صحيح انه طلب اكثر وهالشي مب عيب لانه مطلوب ومب شرط انه الدنيا تهمه فالنهاية هو درس وتعب واللي يطالب التلفزيون انهم يصرفون مبلغ على شيخ معين
انا ضد هالفكرة .. في مشايخ قطريين متميزين ان شاء الله بيطلعون في الايام الجاية
والكل يستاهل الصرف عليه لكن كل شي وله حدود
وهل الدعوه في سبيل الله اصبحت مهنه او وظيفه !! يعني ممكن يكون هناك وظيفه يطمح لها
شباب المسلمين ومربحه جدا بأن يدرس الشريعه ويتخرج داعيه ! ويحاول يعتمد على اسلوب دعوي
محبب لنفوس المشاهدين حتى يذاع صيته ويشتهر في الفضائيات وتتهافت عليه من كل حدب وصوب !!
وتكون الدعوه في سبيل الله براتب ويشترط الداعيه مبلغ معين وممكن ان يرفع من القيمه كل ما زادت
شهرته وهكذا !!!!!! ؟؟
هل هذه الامور ظهرت حديثا وهل الدعاه سابقا كانوا بمثل دعاة اليوم ام كانوا يتقاضون مبالغ رمزيه
وبجانب وظائفهم الرئيسيه كانوايزاولون الدعوه في سبيل الله في الاذاعه والتلفزوين ولم تكن المسأله
ربحيه بالنسبه لهم بزياده ونقصان !!
اعتقد فيه شي غلط ام ان لكل زمان دوله ورجال
ماعتقد
ضوابط المشاركة
