تقرير رحلتي فرنسا/باريس بلجيكا/ بروكسل المانيا/ميونخ النمسا/ زيلامسي وفينا بالتكاليف

[خشوف]

مملكة بلجيكا

7/7/2010













هذا جدول أسعار الاماكن السياحية في بلجيكا من اعدادي



جمعنا معلومات عن بلجيكا وطبعتها بقطر

وكان قرارنا نروح بلجيكا ونرد نفس اليوم طبعاً كنا حاجزين قطار تولس من موقعهم هذا الرابط

http://www.thalys.com/

و هذي بطاقة صغيره فيها الاسعار تنحط بالبوك


هذي الورقة بها المختصر عن بلجيكا


تنكفس الورقه ونحطه بالشنطة




يتبع

[خشوف]

نشينا من الرقاد الساع 8 وتفطرنا فطورنا كالعاده جبن وشاي



قطارنا كان الساع 10 طلعنا متأخرين الساعه 9:30 من الفندق التاكسي يرفع الضغط يتمشى على راحته ودانا من طريق طوووويل نقول اسرع بيطوفنا القطار يقول زحمة شسوي هو نصاب تمنينا لو رحنا بالميترو ابرك لنا

وصلنا 10:15 وخذا علينا التااكسي 35يورو


تحرك القطار رحنا كلمنا مكاتبهم قالوا لنا روحوا عند القطار واسألوا المدير اذا في مكان كل واحد يحولنا على مقطوره بالنهايه دفعونا 88يورو تذاكر جديده حق الروحة وقالوا لنا دورا بالقطار لين تلاقون مكان

صوره التذاكر


بالبداية لقينا اماكن مفرقه بس مستحيل اكون بمكان وزوجي بمكان اخاف
كملنا المسيره من مقطوره لين مقطوره لين لقينا لنا كبينه فاضيه وتمينا فيها

القطار فيه فيش كهرباء وايرلس

صوره من شباك القطار


كراسي القطار


وصلنا محطة ميدي


شرينا تذاكر يوم كامل



وكان الموظف تونسي فقلنا له شلون نروح محطة سنترال الي فيها الباص السياحي كتب لنا الورقه بالعربي


يتبع

[خشوف]

وصلنا المحطة الي نبغيها السنترال الي فيها الباصات السياحيه

شرينا تذاكر الباص وركبنا الباص السواقين كانوا عرب قالوا بنحسب لكم انكم طلبه شخصين 30يورو



هذا الباص



وهذي صور من الباص معالم بروكسل
























هذا صوره وحنا رايحين الاتوميوم




وهذا الاتوميوم








شرينا تذاكر ركوب الاتوميوم والميني يور







صوره وحنا صاعدين اللفت


صور من فوق الاتوميوم









الميني يورب من فوق



بعد ما طلعنا من الاتوميوم رحنا مشي الى الميني يورب لانه قريب بس الجو كان حار





الميني يورب






دخلنا الميني يورب وصورنا عند الباب مع ميني يورب

جولة في مجسمات ميني يورب
























قوس النصر المصغر






وهذي تحط راسك فيه وتصور






بعد مالفينا الميني يورب رحنا نشوف صورنا وخذنا الصور والمدليات عليها صورنا اضني ب7يورو


تعبنا ورحنا شربنا عصير مثلج وريحنا نتريا الباص الي بياخذنا


ركبنا الباص الاصفر لانه الاصفر والاخضر شركة وحده بس للاسف الباص طلع خربان وكل دقيقه يوقف بالشارع وقام يطوف المحطات على كيفه




رجعنا محطتنا الاخيره ودرنا بالمجمع وتسوقنا من المحلات وشرينا كافي

وركبنا الميترو ورجعنا محطة الميدي

وكان باقي على الرحله ساعتين خايفين يطوفنا القطار ونتوهق

قعدنا بمطعم



وشربنا عصير برتقال فرش بالفروله لذيذذذ وروعه مع كرسون



بعد ساعه طلبنا من مطعم كويك تعشينا ورحنا قطارنا الى باريس


وصلنا باريس وركبنا تاكسي ووصلنا ب28 يورو من طريق مختصرعكس الي ودانا التكسي النصاب الصبح

رحنا السوبر ماركت وتسوقنا وشرينا ماي اضني غازي مانفعنا بشي



المشتريات




عقبها رقدنا

[خشوف]

ماشاء الله تقرير اكثر من رااااااااااائع
واحلى شي التخطيط
بانتظار التكمله خشوف

تسلمين تابعينا وفالج طيب

[خشوف]

ما شاء الله تبارك الله ،،
في العادة نادر ما ارد في التقارير السياحية الا المميزه ، واسلوبك في طرح التقرير والتفاصيل الدقيقه والرائعه التي ذكرت في التقرير تجبر اي شخص على ان يصفق لك طويلاً .

شكرا على هذا التقرير الرائع ،، ومتابعين لك وبقوه .

أخوك/
رجل شرقي
قطر

لي الشرف اخوي رجل شرقي مرورك على تقريري وشهادتك اعتز بها وانا استفدت وايد من ملفاتك القيمة خاصة ملف النمسا وايد فادني

[خشوف]

روووعة ماشاء الله... كفاية إن المخضرم رجل شرقي رد عليج..

أنتظر زيلامسي!!

تابعنا وفالك طيب

ماشااااااااء الله

روووووووووعه التقرير

تسلمين

يآآآآآي رووووووعه..

فخاطري اروووح باريس..^_^

الاروع مرورك وان شاءالله تروحين باريس

[خشوف]

احب اتابع تقاريرج اختي خشوف
فيها المتعة والفايدة لانها بالتفصيل
ومتابعين معاج للاخر

تسلمين الغاليه وتابعينا وفالج طيب

[mr_qtr]

التقرير رووووووووووووووووووووووووووعه

والتخطيط ارووووووووووووووووووووووع

والارووع ان التخطيط بالتكاليف

يعني الواحد يروح ويعرف اللي له واللي عليه


يعطيك العافيه اختي

[مدير]

ما شاء الله .. تقرير مرتب

انا ان شاء الله رايح بلجيكا في العيد

في انتظار التكملة

[Abo Ahmed]

الشيخة ما وصلنا منك شيء على الخاص.

أخوكم

Abo Ahmed