السلام عليكم ورحمة الله وبركاته
مبارك عليكم الشهر والله يتقبل منكم ومنا ان شاء الله
بالنسه للتقرير راح يكون على عدة اجزاء , كم جزء الله العالم بمعني اخر تقريري وكيفي
مدة السفره : اربع ليالي وكانت اخر شهر 7 /2010
على الخطوط القطريه ومدة الرحله تقريبا اربع ساعات ونصف
المنتجع : بصراحه كنت محتار بكذا واحد ولكن بعد البحث والمقارنه في النت اصدرت اوامري الساميه لعمل الحجز على
وبعد تلقيي للاوامر من نفسيارسلت لهم رساله دايركت وطلبت منهم حجز Deluxe Water Villa وجائني الرد بعدم توفر الفلا في الوقت اللي راح اشرفهم بحضرة جنابي
وكان اقتراحهم Spa Water Villa والسعر تقريبا دبل ناقص ثلث الزياده زائد الربع (باقي ريال وين راح
)
ايميل مني وايميل منهم والوقت ضيق قلت مايبيلها اتصلهم واخذ العلم الاكيد
انا : هاي كود يو بت مي ثروا ريزفيشن بليز
هو : ارحب دقيقه طال عمرك
هي : هاي سير هو كان اي هلب يو
انا : ليش ماعندكم الفلا اللي طلبتها بالايميل
هي :قسمة الله , شرايك نطلع اللي فيها علشانك ارسلت ايميل
انا :نايس وذر تودي ازن ات () خبركم نلطف الجو
هي :اقترح عليك الفلا اللي اكبر منها صحيح هي غاليه لكن فيه برموشن لك 200$ يوميا لعمل اي نوع من انواع ال SPA
انا :توكلي على الله وسويلي حجز
هي : تــــــم
عموما سافرت وكان في استقبالنا موظف من الفندق نفسه واخذ الشنط وسوا شيك ان على الطياره البحريه واخذا بسياره للونج الخاص بالفندق في صالة الانتظار للطائره المائيه
اترككم مع الصور :
القاعه الرئيسيه لصالة الانتظار الخاصه بالطائرات البحريه
الونج الخاص بالمنتجع
من الداخل
عطوني البوردنق للطائرة المائيه وكان الاقلاع بعد نصف ساعه تقريبا
قرب موعد الرحله وعطونا هذي
الاستعداد لركوب الطائره
من الداخل ضيقه ومزعجه بس تستاهل التجربه يكفيك المناظر الرائعه اللي راح تشوفها من فوق
اكتشفت ان معنا عبريه فاضطرينا نزلهم في منتجعهم
واقلعنا مره ثانيه
الرحله خذت تقريبا ربع ساعه للمنتجع الاولي وربع ساعه لمنتجعنا
ماصورت لحظه الوصول للمنتجع عموما كان في استقبالنا موظف خاص وهو اللي راح يكون الهوست طول الفتره اللي راح نجلس فيها حتى اللي كانوا ويانا في الطياره الكل له موظف خاص
خوينا اخذنا للوبي وزغطونا بالعصاير مره ثانيه
صوره على الطاير
المهم قال الفلا جاهزه بس خلص عصيرك واذا مطول اخذه معك
صوره للفلل
وهذي فلتنا
انتهى الجزء الاول
في الجزء الثاني صور الفلا من الداخل وجوله خفيفه في الجزيره
صوره لزوم التشويق
وهذي تحت الماي
وسلامتكم ان شاء الله بكره الجزء الثاني
تشاو
|
رد مع اقتباس
