خبراء شقق لندن

[ابـو مــحــــمـــــد]

السلام عليكم ورحمة الله وبركاته

اخواني الي يعرف شقق نظيفه وغرفها واسعه واهم شي مدخلها مايكون
عسر للكرسي المتحرك
في شارع كروم ويل رود او جلوستر
واهم شي السانسبري ماتكون بعيده
يفزع لي باالارقام لاني بروح نهاية العيد وابي قريب من المكتب الطبي


شاكر لكم

[الزجاجي]

شقق نظيفه انسى

افضل انك تكلم الملحق الطبي هناك وهم يساعدونك في كل شي من حجز وتسجيل وتوصيل

[ابـو مــحــــمـــــد]

يعطيك العافيه اخوي الزجاجي

عارف ان اغلب الشقق مب نظيفه
ولكن فيه شقق جيده وممتازه ولكن الواحد يتهب لين يطيح عليها
وانت عارف الحين الغالبيه راجعين من السفر فا اكيد فيه حد عنده فكره عنهم
ولا انا حاط ببالي اول اسبوع بسكن في فندق هوليدي ان ولا كراون كنسينغتون

والله يكون في العون لين نطيح على شقه سنعه

شاكر لك اخوي

[ولد قطر 3]

والله أنا أقولك سوجذي وروح دور ترى في صوب المكتب الطبي شقق حلوة وتى الجماعة في المكتب ما راح يقصرون معاك
والله يوفقك

[روكي]

انا اشوف العمارة الحمراء انسب الحلول مشاهدة مستشفى كروم ويل وقريب كل الي تبيه

[ابـو مــحــــمـــــد]

والله أنا أقولك سوجذي وروح دور ترى في صوب المكتب الطبي شقق حلوة وتى الجماعة في المكتب ما راح يقصرون معاك
والله يوفقك

الله يوفق الجميع اخوي ولد قطر
وانا عارف ان هذا الافظل لكن بعد الواحد مايبي يجلس يدور بين الشقق
والمعروف ان اغلب الشقق في كروم ويل نفس المستوى تقريبآ الممتازه صعبه تحصلها

انا اشوف العمارة الحمراء انسب الحلول مشاهدة مستشفى كروم ويل وقريب كل الي تبيه

هلا اخوي روكي
العماره الحمراء سي فرشها انا اخر مره سكنت فيها في 2004 مدري الحين كيف مستواها

[khaleeji]

العماره الحمرا حليوه بس فيها بوق

[السهم الذهبي 2007]

تلفون المكتب الطبي بلندن

00442073706871
اتصل بهم يمكن يساعدوك والله يوفقك

[ابـو مــحــــمـــــد]

العماره الحمرا حليوه بس فيها بوق

تسلم اخوي خليجي
العماره الحمراء عندي خبره فيها ومخليها اخر شي
يعطيك العافيه

تلفون المكتب الطبي بلندن

00442073706871
اتصل بهم يمكن يساعدوك والله يوفقك

مشكور اخوي السهم
الجماعه الي في المكتب الطبي اغلب شي يدور على مكاتب اصحابه
لان له كميشن وانا ادور على العماره الي ماعليها دوس واجد
انا محصل وحده الحين عبر النت في جلوستر ان شالله تكون على مستوى الطموح

يعطيك العافيه اخوي

[روكي]

والله في شقق قريبة من الهلتون متربول في اخر اجور رود عندالجسر بس روعه ونظيفة وكل شي قريب من السوق قريب