السلام عليكم ورحمة الله وبركاته ..
عندي استفسار بخصوص فتح (( دكان )) صغير ..
1- كم بيكلفني فتح دكان صغير ؟
2- وكم اقل ربح اقدر احصله فالشهر ؟
3- وشنو المطلوب لفتح دكان ؟
ويعطيكم العافيه ..
السلام عليكم ورحمة الله وبركاته ..
عندي استفسار بخصوص فتح (( دكان )) صغير ..
1- كم بيكلفني فتح دكان صغير ؟
2- وكم اقل ربح اقدر احصله فالشهر ؟
3- وشنو المطلوب لفتح دكان ؟
ويعطيكم العافيه ..
الدكاكين في الفرجان بتتسكر
والسوق مليان سوبرماركت
خذ نصيحة
وجع راس
وماتدر تعرف اذا العامل يسرق اول لا
شيء متعب
خلك مع البورصة احسن لك
واذا قدرت تتفق مع تاجر اجنبي تعطيه سجل تجاري لسوبرماكت وتاخذ مبلغ شهري يكون افضل لك
وبالتوفيق
اعتذر عن عدم القدرة على الرد ... لاني سأتوقف نهائيا عن الكتابة بالمنتدى
مع تمنياتي للجميع بالصحة والتوفيق
لا اله إلا انت سبحانك إني كنت من الظالمين
اذا فتحت الدكان ممكن اساعدك في التواصل مع الشركات
لاني انا احين فتحت سوبر ماركت صارلي شهر والحمد الله ماشي
لكن تعبت لين ماحصلت ارقام الاشخاص اللي في شركه علي بن علي وغيرها
لآاله الآالله وان محمد رسول الله
موفقين يارب
اللهم لك الحمد والشكر والقضل والمنة
مشروعي الجديد
Glitter oud انستغرامي glitter.oud
Glitter abaya انستغرامي glitter.abaya_
ارقامي ٥٥٦٩٩٠١٢ قطر
٠٠٩٧١٥٦٨٨٩٩٩٩١ الامارات
مرحبا
اذا كنت تقصد سوبر ماركت او بقالة
المطلوب اولا اختيار الموقع المناسب والمقصود
في ذلك تختار شارع تجاري مناسب وعليه حركة وقريب من مناطق السكنية
والايجار في هاذي الحالة ماراح يقل عن 10000 ريال
لأن المحلات او الدكاكين الرخيصة اللي في الفرجان
وهي جزء من المنازل القديمة بصدد الاغلاق
بالنسبة لهامش الربح في السوبرماركت يصل الى 20% كمتوسط
لان المواد غذائية هامش الربح فيها بسيط والمنافسة فيها قوية وباقي المواد
الجافة والاواني المنزلية ومواد البلاستيك هامش الربح فيها اعلى
يعني اذا بعت بمبلغ 100,000 ريال راح تحصل على صافي ربح منها
مبلغ 20,000 ريال .
والمطلوب لفتح دكان انك تلقى شخص خبرة في مجال البقالات والسوبرماركت
وتلقى محل مناسب بموقع مناسب مثل ماقلنا والباقي سهل مجرد اجراءات بين البلدية
والسجل التجاري.
وبعدين الموردين اللي راح تشتري من عندهم المواد واكثرهم راح يطلب ضمانات
يعني لازم تعرف كل صنف ومنهو المورد له او وكيله في الدوحة وتمر عليهم واحد واحد تطلب انك تفتح حساب توريد معاهم
اذا كان المحل صغير هناك في السوق مجموعة من الموردين يسمونهم موردين سيارات الفان وهاذول يشترون كميات كبيرة من الوكلاء ياخذون عليها خصم ويوزعونها على المحلات لصغيرة.
وغالبا 99% من انشطة السوبرماركت والبقالات من اختصاص الجنسية الهندية
من منطقة كيرلا والقطري في هاذي الحالة كفيل يحصل على مبلغ شهري لايتجاوز
2000 ريال بالنسبة لسوبرماركت صغير او بقالة.
الخلاصة اذا ماتبي كل هالحوسة شوف لك هندي مناسب وافتح له النشاط واتفق معاه على مبلغ شهري وخلك قريب منه اعرف تفاصيل الشغل وبعدين تقدر تفتح على اكبر مكان ثاني
وبالتوفيق ان شاء الله