تعرف على التكييف المخفي الدكت ( كونسيلد )

[فلان]

هذا يصير بعد 10 سنين تقريباً او اكثر ، وطريقه تنظيف الدكتات سهل جداً يجيبون شئ يحركونه بالريموت كنترول داخل الدكتات .. وينظف مضبوط لاتحاتي



والله انا لحين في مرحلة التشطيب
وقعت العقد
وباقي دفعه لتركيب الدكتات وتركيب الوحدات الداخليه ومن ثم اركب الجبس ومن ثم تركيب الوحدات الخارجية وآخر شئ يبدأ التجريب



الفلاتر تكون داخل الجهاز الرئيسي الي في الحمام وتكون هناك فتحه في سقف الحمام 60×60 او 40×40 مش متأكد بالضبط
لتبديل الفلاتر وتبديل قطع الغيار و و وإلخ

الله يعطيك العافية ع هالمعلومات الطيبة

ممكن معلومات عن الأسعار (السعر vs. المساحة) و كم تكلفة عقود الصيانة؟

[Chambray]

والله انا خذت حق الصالات الي تحت والمجلس والصاله العلويه
يعني حق المساحات الكبيرة
8 طن - 7 طن - 4 طن
مع الدكتات وكل شئ طلع علي ب 63 الف تقريباً

بس يغطي 80% من الطابق الاول لان الطابق الاول كله صالات بستثناء غرفه عائلية وغرفه ضيوف وغرفه العاب للاطفال ، هذيلن ركبت فيهم سبليت بس
والطابق الثاني كل الغرف سبليت بستثناء الصالة الي فوق والممرات ، فهي دكت سبليت ..

كنت ابغي اركب موتسبيشي لعشقي لهالماركة ... لكن الميزانية تحكم بعض الاحيان
وركبت دايكن
الدايكن ممتاز ايضاً
حتى الاسبليت ركبت دايكن
وكيلهم تدمــــر

[PGR]

تسلم على المعلومات و الله يهنيك ان شاء الله

سؤال لو سمحت: اشلون نظام الفلاتر اللي فيه (اذا فيه) و اشلون تنظفها؟

مثل ما قال اخوي ,, الفلاتر تكون في الوحدات اللي في الحمام ( الله يعز السامعين) وتنظيفها سهل ومالها خص في الدكتات اللي في الغرف او الصالات