السلام عليكم اليوم ببدا تجمبع طلبات على صحون الحلى الزجاجيه
حق المناسبات الحلوه
ويومين بيكون الطلب عندكم
للحجز الرجاء ارسال مسج بالعدد الطلوب والشكل
مع ذكر الاسم والمكان 55980459
ام خالد
اليوم جبت لكم طريقة حلى البرنسيسه بالصحون الزجاجيه للبنات اللي حيسألواشيحطون ويقدمون فيها اتمنى تفيدكم وترفعون الموضوع بدعوه حلوه
المقادير:
للعلم))
لنتائج افضل يستحسن يكون عندج الأواني الزجاجيه مثل اللي استخدمتها ، في حال ماتوفر لج ممكن تستخدمين أواني الشموع اللي تجيج صغيره ، حلاتها بصغر حجمها ، لاتغركم مبين بالصوره كبيره بينما هي عكس ذلك , حجمها مطابق تقريباً مثل الفنجان
الكميه تكفي 12 مله لـ 12 شخص .
كيك بالشوكولاته ( استخدمت نصف كيكة امريكانا ) شخصيا افضل اصلح الكيكه بنفسي بس هالمره عشان التصوير استخدمت امريكانا <== خايفه تتهمونها بحب الشقاء ..( بنات مره مره تغيرت بعض الماركات عندنا يستخفون بنا .. ممكن تستخدمين بيتي كروكر , sara lee ( سارا لي ),لأن أمريكانا تغير بالحيل بس مايبين بالحلى )
12 حبة بسكوت بالسمسم ( اولكر)
( كيس أوريو واحد) أبو 6 حبات منزوع الكريمه ( يعني بيطلع معنا 12 شرحه)
حليب للتغميس
مقادير صوص الشوكولاته :
علبة قشطة.
4 اصابع تويكس
1 شكولاته فليك
ظرف بودرة كريم كراميل
2 حبه بسكوت اوريو ( منزوع الكريمه يعني 4 شرحات )
للزينه :
شوكولاته مره
الطريقه}
نقطع الكيك قطع عشوائيه ونرصها أسفل كل وعاء
نضغطها بالاصبع
نغمس بسكوت السمسم بالحليب ونضعه فوق الكيك ( بعد مو تخلينه يسبح على كيفه ؟؟ بسكويت السمسم بسرعه يتفتت بس ذوقيه الحليب .. غمسه وحده ونزليه بسرعه )
ايضاً نغمس بسكوت الأوريو ونرصه فوق بسكوت السمسم
نخلط مقادير صوص الشوكولاته بالخلاط الى ان يتجانس .
ياكتاكيت عارفين كلنا أن التويكس يابس , فـأفضل طريقه أنج أول ماتبدين بالتحضير تخلطينه , وكل شوي دز دز دز ( مسموح التعذيب هنا ) ..
وأحرصي أن المكونات تكون على درجة حرارة الغرفه عشان لا تتعبين بالخلط ..
نصب الخليط فوق كل اناء حتى نغمره
نزينه ببشر شوكولاته مره أو اي نوع شوكولاته ، بس يستحسن تكون مره عشان تعدل النكهه ، وتعطي شكل أحلى .
و تقدم عليكم بالعافيه
للعلم يا بنات الصحون ممكن تستخدمينها للحلى البارده والتشيز كيك وبعد للافطار تحطين فيها الزبده او المربى او اللبنه واجمل تحيه لكم
|
رد مع اقتباس
المشاركة الأصلية كتبت بواسطة 00soma00
