تقرير : رحلة الغطس مع القرش بدبي مول (الاكواريوم )

[فويرط]

بسم الله الرحمن الرحيم

في نصف شهر يوليو 2010 سافرت الى دبي مع اهلي ، وزرنا بعض الحدائق والمجمعات التجارية ، وطبعاً مثل ماتعرفون ان في دبي مول فيه حوض السمك ( الاكواريوم ) ، وعندهم تقريباً أكثر من 33.000 نوع من انواع السمك على كلامهم

وطبعاُ وبما اني من هواة البحر والغطس خاصة ، قررت اني اغطس في الحوض اللي في دبي ، واتصلت فيهم وحجزت لي موعد للغطس

وفي الموعد المحدد ، رحت مع هلي المجمع واتجهت مكان الاستقبال فوووق في الطابق الاخير من المجمع ، طبعاً فوق الحوض ، وسجلت ودفعت الرسوم ، بعدين جاني المدرب وقالي انا اللي بانزل معاك ، والحمدلله طلع الرجال اللي نزل معاي هو الوحيد مسلم من المدربين واسمه (محمد) وهو هندي الجنسية ، المهم شغلي الفيديو وعلمني اشلون اتعامل مع القرش ، وشنهي الاشياء اللي يحبها والاشياء اللي مايحبها القرش ، وبعد ماسمعنا التوجيهات ، طبعاً وقعت على اوراق ان مالهم خص اذا صار فيني شي ... والحمدلله توكلت على الله ونزلنا الحوض ...

وهذه بعض الصور




هذه مجموعة من القروش تمشي مع بعض

------------------------------------------------------------------------------------------------


وهذه اسنان القرش ، شوفوها شلون تخرع

------------------------------------------------------------------------------------------------


وهذه صور ثانية له

------------------------------------------------------------------------------------------------


وهذيه ولدي الله يحفظه قاعد يطالع القرش من برع صوب القزاز منتظر بفارغ الصبر ابوه يدخل الحوض

------------------------------------------------------------------------------------------------



وهذا سرب من الاسماك

------------------------------------------------------------------------------------------------



وهذه لحظة وصولنا المكان وكنت مع المدرب


------------------------------------------------------------------------------------------------



واستقرينا في المكان المناسب والمدرب يشيك معاي اذا كل شي تمام ، والماي طلع بااااااارد

------------------------------------------------------------------------------------------------


وهذا انا اعطي اشارة بأن كل شي على ما يرام


------------------------------------------------------------------------------------------------



وهذا انا قاعد حاط يدي على صدري لآن من الاشياء اللي قالي عنها المدرب ، وقالي لاتفتح يدك ، لأن اذا فتحت يدك القرش عباله ان اكل وبيطيرها لك ، علشان جذيه انا شاطر واسمع الكلام

------------------------------------------------------------------------------------------------




قاعد اشوف سمكة ( الربيب ) واقول يبيلي امسكها واحطها في مخباي حق العشاء

------------------------------------------------------------------------------------------------




وبصراحة ماقاومت ، فتحت لها يدي وعطيتها صبعي قاعدة تاكل عبالها أكل

------------------------------------------------------------------------------------------------




اهنيه قاعد اسلم على اليهال قاعدين يطالعوني برع الحوض

------------------------------------------------------------------------------------------------




هذه سرب من سمكة ( الربيب ) لكن لو تلاحظون المدرب يقولي طالع فوق القرش جاينا

------------------------------------------------------------------------------------------------



وهذيه لحظة وصول القرش عندنا ، وعيالي يطالعون الموقف عن كثب ، بس ماعليكم من الدوائر الملونة هذه الدوائر في المحل اللي مقابل الحوض لكن عاكسة في الحوض وطالعه في الصورة

------------------------------------------------------------------------------------------------



وهذا القرش الثاني

------------------------------------------------------------------------------------------------




وهذا الهامور الكبير ، وعلى قولتهم وزنه 250 كيلو ، أقول يبيله فرد اعطيه في بطنه حق اسبوع كامل

------------------------------------------------------------------------------------------------




بعدين رحنا غيرنا المكان ، وخذينا لفه على الحوض

------------------------------------------------------------------------------------------------




ومرينا على أماكن تواجد القروش ، وهذي اللخمة لاحقتنا


------------------------------------------------------------------------------------------------
وبعد ماطلعت من هذه الرحلة العجيبه واللي استغرقت تقريبا من 30 الى 35 دقيقة

عطوني شهادة بأني غصت مع قرش




وبجذيه خلص تقريرنا لهذا اليوم ، وان شاء الله عجبكم التقرير

وان شاء الله نوافيكم بتقارير في المرات القادمة

[بوحارب]

ما شاء الله علييييييييك اخوي فويرط انا اشهد انك نوخذه

شلون ما خفت من هالقرش ونازل لين عنده

تسلم تسلم يالغالي على التقرير الحلو والله يعطيك العافية على المجهود في طرح الموضوع

والله يخلي لك العيال ويطلعون نواخذه مثل ابوهم

في انتظار جديدك

[ابوعلي]

يعطيك العافية اخوي فويرط على التقرير الطيب

[عيون Qatar]

ماشاءالله عليك صج رهيييب

بس شمسوي لاقدر الله اذا هاجمك القرش المفترس

والعيال يشوفونك.. بعيد الشر عنك

[sara jsm]

وااااااااااااو ^___^
ماشاءالله عليك اخوي ,,
صج تجربة حلوووة وتونس ,,
تسلم على هالتقرير الحلو ,,

[غونان]

وااااااااااااو ^___^
ماشاءالله عليك اخوي ,,
صج تجربة حلوووة وتونس ,,
تسلم على هالتقرير الحلو ,,

تونس ها وناسه صح طيب انزلي وياه امحق وناسة مع قرش
اخوي والله تستاهل اقول لك حمدالله على السلامة صراحه تجربة فريييدة

[**هـتــــــان**]

تقرير حلو ...ورحله ممتعه ووناسه وسعه صدر وذكرى ..وتجربه ماتنسى ..تسلم .

[بوخالد2]

تقرير حلو يافويرط

تسلم على الصور يالغالي

يبيله هههههه

[التيما]

والله شي .. يبي لي اودي ولدي يجرب يغوص مع القروش .. يعطيك العافيه تقرير يجنن

[JN000N]

وانا اقول الاستراحه زفره اليوم خخخ
وين الشبه والسويده بخرو المكان

الفويرط سؤال

شنو كان احساسك وانت وسط الميه واليريور فوق راسك
ويوم قرب منك الهامور ما حسيت ودك تلم عليه ههههههههههههههههه

يعطيك العافيه خوووش تقرير اخوي
وعساك عالقوه ^_^