اللي يبي يصير تاجر يدخل ويحط مشروعه

[بعيد الدار]

السلام عليكم ورحمة الله وبراكاته

نبي من كل واحد يحط مشروعه اللي يفكر فيه او المشروع اللي ناقص
الدوحه اللي تتمنى انك تشوفه بالدوحه ونتشاور فيه ونشوف
منهو اللي فكره تجاري بحت يعني المشروع اللي
تحتاجه الدوحه هاه ويالله شدوا حيلكم
ونشوف مشاريعكم

[غشيم]

عندي مشاريع اتدخل ذهب بس والله مب فاضي لهم
وترى الناس ما يقولون افكارهم يمكن غيرهم ينفذونها
عموما انا المشاريع اللي ما استوت في الدوحة وخاطري اسويها كثيره
بس عشان خاطرك بعطيك منهم مشروعين
وحلال عليكم اللي يبي يسويهم يسويهم
اول مشروع مطعم اكلات بحرية وفي نفس الوقت تقدر تقدم اكلات عادية بس
بيكون الشي الرئيسي في المطعم هو الاكلات البحرية

واهم شي في المطعم الديكور .. ويكون مدخل المطعم اول ما تدخل على اليمين
وعلى اليسار احواااض كبيره كلها سمج وربيان وام الربيان وقباقب وخثاثيق كل شي حي يلبط
وانت كزبون اول ما تدخل عندك خيارين اول خيار انك تنقي اللي تبي تاكله من الحوض وينشال جدام عينك وينطبخ
وثاني خيار انك تقعد على طاولتك وتطلب اللي تبيه من المنيو .. هااااااا شرايك في المشروع ؟

المشروع الثاني الله يسلمك تسوي لك محل متخصص في ملابس ( الحمل )
لين الحين ما عندنا في قطر محل متخصص حق ملابس الحامل واذا ما تصدقني اسأل الحريم
وشوف شبيقولون لك بعضهم يتعنون ويروحون الدمام عشان يشترون ملابس لهم اذا حملو


عاد لا تنسى تقول لي مخي تجاري ولا لا ؟

[بعيد الدار]

هلا والله اخوي غشيم مرحبا والله بردك
والله مشروعك الثاني حلوو وصج مافي بالدوحه محلات متخصصه لمستلزمات الحوامل ونشوف همت الشباب بالماشاريع
انا بقولك مشروعين لي بعد وانشاء الله انهم بيتنفذون

المشروع الاول : هو بناء مجمع كبير ومقسوم نصفين نصه للحريم وله مدخله الخاص ويكون فيه اللي يبيعون حريم والسيكيورتي حريم واللي يشترون حريم وفي محلات من اكبر المحلات النسائيه يعني المره ممكن تدخل المجمع من اوله لين اخره وهي تتمتع بحريتها تقدر تشل الغطوه وتقدر تفصخ العبايه ودور تحوس السوق حوس بدون ما تخاف من المعاكسات ولا النظرات البايخه يعني تاخذ حريتها ويكون فيه سوق ما فيه هندي ولا عامل كلهم نسوان
والقسم الاخر للرجال فيه كل مستلزمات الرجال ولا فيه اي شي للمرأه يعني الرجال يقدر يفتر في مكان بدون مرته ما تقوله ابي ذيه ولا ذيه يعني يفتر ويفك مخه من التفكير بحرمته


اما مشروعي الثاني: هو بناء محل أو شركه يختص بمستلزمات الامان والانذار والمراقبه من السرقه ومن الحريق لان ما شفت انا بالدوحه اي يختص بهالشي وخاصه ادوات اليزر والكاميرات المراقبه الصغيره والكبيره لان مثل ما اعرف مافي بالدوحه وكلاء حق هالاشياء ومثل ماتعرف ان الدوحه جايه لنمو سريع ومحتاجه مثل هالمشروع وبيكون الطلب تمام وشغال عال العال


وترى يا شباب مسموحين اللي بياخذ اي مشروع منهم لان هدفنا انا ننمي الدوحه ونرفع اسمها فوق والله يعطيكم العافيه على جهدكم

[غشيم]

هلا اخوي

اول مشروع زوين بس يبيله راس مال جاااامد

وثاني مشروع

اما مشروعي الثاني: هو بناء محل أو شركه يختص بمستلزمات الامان والانذار والمراقبه من السرقه ومن الحريق لان ما شفت انا بالدوحه اي يختص بهالشي وخاصه ادوات اليزر والكاميرات المراقبه الصغيره والكبيره لان مثل ما اعرف مافي بالدوحه وكلاء حق هالاشياء ومثل ماتعرف ان الدوحه جايه لنمو سريع ومحتاجه مثل هالمشروع وبيكون الطلب تمام وشغال عال العال

في اعتقد 3 شركات في قطر مختصين بمثل هالامور وانا مرة زرت وحده منهم على الدائري الثالث اسمها على ما اظن الخليج للأنطمة الأمنية .. وهذي اللي الوزارات يشترون منهم كيمرات المراقبه وانظمة تسجيل الحضور والغياب

[مهندس]

بعيد الدار

مشروعك الأول مشروع إسلامي

[بعيد الدار]

هلا وغلا اللي دشو وشاركو ا أخوي المهندس وخوي الغشيم
الغشيم انا قصدي بالمشروع الثاني اكون وكيل لهذي المستلزمات وانا بعد بمر اشوف والله انت فتحت عيوني على شي ما اعرفه بسأل وبستفسر وتسلم على مرورك يالغالي



اخوي المهندس تسلم والله على مرورك وانا كان قصدي الاول راحت المرأه أكثر وهو اسلامي طبعا ولو تلاحظ لين اللحين في ناس يخافون يخلون حريمهم بسوق خوفا من هالأمور بس اذا وجد في سوق مثل هذا لا الواحد منا بيرتاح وبيفتك من قرقت زوجته يعني عطها فلوس وخلها تفتر في السوق لين تتعب لانك اذا معها بتقول اشتر لي هذا وهذا وهذا لين تخلص اللي تبيه كله بس اذا وهقتها وخليتها تفتر بتفتر على قد فلوسها ههههههههههههههههه

وهذي مزحه لا يزعلون علينا بعدين البنات بعدين ما يشاركون معنا



ولكم جزيل شكري وتقديري

[حمد]

والله اكون صريح معاكم ... ودي بمشروع ... بس دايما اخاف اخسر ....

ولا اعرف احسن مشروع

يالله على يدكم

حمد

[المخلب]

انشاء الله اذا الله رزقنا طولت العمر والمال الوفير

اول مااسويه طبعا اتصدق

وبعديييييييييييين

افتح سلسله مطاعم !

يااخي من زماان وانا نااوي افتح مطاعم اسلاميه تذبح الدجاج والخرفان على الطريقه الاسلاميه

يعني تعرف وش تااكل مب تجيب من بره ويجييك اسهال

[بعيد الدار]

تسلمون اخواني حمد والمخلب على المرور


اخوي حمد الله يرزقك من عنده من حيث لا تعلم تبي المشروع اللي ما يخسر يعني شي حلو اشتر لك عماره واجرها ههههه والله اعرف ناس تسلفوا وشرو عماير طبعا سلف واول سنتين سددوا السلفيه بدون ما يدخلون شي في مخابيهم ولحين عايشين لا سلفيات ولا شي والارباح في مخابيهم ترى مشروع حلو بس يبيله طولة بال


اخوي المخلب انت سويت مشروعين مشروع للدنيا الاخره ومشروع هالحين مشروعك الاول ربحان ميه الميه ومشروعك الثاني حلوووو والله صج ماأخبر بالدوحه مطاعم تذبح من نفسها والله شغل عدل والله يوفقك




وتسلمون اخواني على المرور ويعطيكم العافيه والله يفيد بكم البلاد

[$$$]

كل وقت وله مشاريعه واهتماماته.....اوموديله................لو شفنا من حولنا شنو الي شائع في هالايام.....البورصه.........فكر في اي شي له علاقه بالبورصه وشرط اتكون ربحان..........ياخوان البورصه صارت مثل المجبوس اوالفلفل اغراش ....في كل بيت تحصله......واذا مب غداكم مجبوس اليوم اكيد امس كان ...او بكره بيكون.....واذا مب عندكم اليوم اكيد اخوك او ولد عمك او نسيبك او دريولكم........

يالله بارح اتغداء......جوعتوني