حلم حياتي
اكيد كل الي داخلين بالاسهم عندهم حلم وطموح يبغون يحققونه
يعني انتي مضارب ولا مستثمر ايش هدفك من الربح
ايش ناوي او ايش تبغي تسوي بالفلوس الي ربحتها
يالله نبي نشوف احلامنا وكل يكتب طموحه ويمكن حد يوصل وحد لا
نبغي نسجل احلامنا ( حصة تاريخ) ونرجع للموضوع بعد سنه او سنتين او عشر وكل وحظه
ونشوف هل قدرنا نوصل ولا لا
يالله من يبدى
السلام عليكم qatar_moon
والله الحلم وردي الحين.. بالأول كان الواحد ينوع مصادر
دخله بس الحين
حلمي اصير هاموووووووور
الا يريووور بو ساطووور
ههههههههههههههههههه اخوي بيزات والله دمك خفيف
زين يعني علشان تصير يريور بوساطور ايش الخطوات الي بتسويها علشان توصل
انا حلمي أأمن مستقبل لعيالي
وأخلي لهم شي
الواحد ما يدري متى بيفنقش
اما الخطوات اختي qatar_moon
انا انشاء الله حاليا انا مهتم بالتنوع في البنز
غير البورصه طبعا..انا حاليا مهتم بألاطلاع على عدة استثمارات
منها الاراضي .. والواحد ما يبي يروح مع السالفه وفي الاخر يطلع كابوووووووووس
ولين الحين نتعلم من الدنيا.. وانشاء لله حتى لو بعد عشر سنوات مو مشكله ((مكه ما اعمرت في يوم))
بس دعواتكم لي
مشكور اخوي واحد في حاله على الرد وان شاء الله تأمن مستقبل عيالك يارب
بس اكيد في شي حاطه جدام عينك ولا لا
اخوي بيزات مشكور على الرد بس ماقلت لي ماعندك حلم معين
ياجماعه ابغي شي محدد عاد
انزين ماسألتوني شنو حلمي
هههههههههههههههههه
المشكله الواحد في بطن حلمه حلم
اشوى ان صايد الاساس بس
انا اهم شي الحين اصير هاموووور وبعدين الحلم يجيني يركض
المهم ما قلتي لنا شنهو حلمج يمكن نغير
سألتني عن حلمي
حلمي ياولد الناس بعد ماكون نفسي بأذن الله واذا الله رزقني ان شاء الله
تكون عندي اقطاعيه في بريطانيا او فرنسا
وتكون فخمه ويكون فيها ساونا وصالة رياضه وغرفه مساج
وحديقه ضخمه مزروعه بكبرها فواكهه
وطماط وبصل ههههههه امزح
بس ويكون فيها ماء عذب
علشان اروح هالاقطاعيه كل ماحسيت اني بحاجه للاسترخاء
اه ادري انه مستحيل بس الله كريم
السلام عليكم
انا بصراحه حلمي بسيط جدا
هو اني افتح لي فرع ثاني للكراج
واتزوج واكون لي اسره
طبعا خبركم مافي بنت تبي واحد الحينعنده محلات لازم وظيفه عشان توافق
تحياتي لكم
qatar_moon
هههههههههههههههههه عاد اقطاعيه مره وحده
يالله انشاء الله.. بعدين عاد نصيف عندكم بلاش
انشاء الله تتحقق احلامك جميعا..ليش لا..
الصعود الى القمر كان حلم
ضوابط المشاركة
