يــــا اهل الخبـــرة ,, مشروع (مغسلة ملابسـ )ياليت تفيدوني ..

[vip-000]

السلام عليكم ورحمة الله وبركاته

وكل عام وانتو بخير اعزائي الاعضاء بمناسبة العيد

اعزائي الاعضاء انا حبيت استفسر عن بعض الاشياء والامور الي تخص مشروعي انا نويت
افتح مغسلة ,, وخذت لي خلفيه عن الموضوع لكن عندي بعض اسالة ياليت اهل الخبره والي فاتحين
مغاسل يفيدوني وبكون شاكر لكم

وانا حاط ف بالي راس المال يكون بحدود 150-200 انتو شرايكم ؟
وعلى ماعتقد المشروع يبي له وقت عشان ينجح يعني لازم اصبر عليه اقل شي 6 شهور
لتجهيزه واصبر على مدخول ف البداية لانه بيكون بسيط .

1-راس المال كم تنصحوني يكون ؟
2-المعدات كم تكون تكاليفها (الغسالة .العصارة .مكينة التجفيف.الكواية الخ...؟
3-كم حجم المعدات وايش افضل كوالتي للمعدات ؟
4-كيف اجهز المكان بالكهربا والماي؟
5-الموقع المناسب للمكان (بعض اسامي المناطق )
6-حجم المحل ؟ واذا بحط المعدات فيه كم بيكون حجم المحل تقريبا؟
7-كم بيكلفني تجهيز المحل مع واجهة الزجاجيه والبنر والديكور؟
8-سكن العمال وين يكون ؟ وكم رواتبهم ؟ وايش افضل جنسيه
9-الاجار كم بيكلفني مع الخلو
10-كم اجر المدير الي بيكون مسؤول على العمال
11-قوانين البلدية يعني تفيدوني بالقوانين المسموحه هل اقدر اخلي معدات ف المحل؟وبعض القوانين الرئيسيه الي لازم انتبه لها
12-مواد الغسيل شنهي المواد المطلوبه بضبط؟ ومن اي شركة اتعامل ؟
13-العلاليق واكياس البلاستك من وين ايبهم ؟

السموحة يالغالين ادري ثقلت عليكم .. بس انا حبيت ادرس الشغلة بالتفصيل الممل
عشان اعرف المشروع اذا بخسر فيه ولا بربح وعشان اخذ احتياطاتي من جميع النواحي
وربي يكتب لي ولكم الخير يارب .

و يجزاكم خير وعيدكم مبارك ..

[qatarlands]

السلام عليكم
انا خبيت افيدك بالخبره الاي عندي لانه انا عندي مغسله وبعتها لاني مش فاضيء لها


1-راس المال كم تنصحوني يكون ؟
راس المال يختلف على حسب المغسله الاي تبي تفتحها ومكانها
ولكن مش اقل من 200 الف اذا كانت مغسله متطوره
واقصد متطوره مش مغاسل الفرجان الااي هي مكواه وطاوله

2-المعدات كم تكون تكاليفها (الغسالة .العصارة .مكينة التجفيف.الكواية الخ...؟
التكلفه اخوي كلها في المعدات واجار المحل
3-كم حجم المعدات وايش افضل كوالتي للمعدات ؟
والله حجم المعدات على مساحة محلك والكولتي الحين الصين غرقت السوق كله صيني وكله عليه ضمان ... بس انت ممكن تبداء تتدريجي
4-كيف اجهز المكان بالكهربا والماي؟
الكهربه عادي كهربائي اما الماي شوف شنو المكاين الاي تبي ماي وبعدها تجيب بيب فيتر ويضبط لك الموضوع
5-الموقع المناسب للمكان (بعض اسامي المناطق )
السد - الريان - مناطق مافيها مغاسل - الدفنه - الهلال وسط - السلطه - زعوى
6-حجم المحل ؟ واذا بحط المعدات فيه كم بيكون حجم المحل تقريبا؟
والله المحل كل ماكان كبير وميزانين كان احسن لك

7-كم بيكلفني تجهيز المحل مع واجهة الزجاجيه والبنر والديكور؟
يعني من 20 الى 35 الف
8-سكن العمال وين يكون ؟ وكم رواتبهم ؟ وايش افضل جنسيه
سكن العمال يكون قريب من المغسله - رواتبهم بسيطه على حسب الجنسيه والمدير له نسبه من الربح عشان يشتغل صح - وافضل الجنسيات والله ياخوي حظك نصيبك هالايام العمال
9-الاجار كم بيكلفني مع الخلو
شوف الخلو يختلف من محل والمنطقه بس لاتوقع انه اقل من 100 الف واجار المحلات انت عارف هالايام اقل شيء 10 الاف
10-كم اجر المدير الي بيكون مسؤول على العمال
والله لازم تعطيه راتب يريحه عشان يشتغل ويخالف من 3000 الى 4000 الاف على حسب الشغل
11-قوانين البلدية يعني تفيدوني بالقوانين المسموحه هل اقدر اخلي معدات ف المحل؟وبعض القوانين الرئيسيه الي لازم انتبه لها
والله القوانييين ناسيها بس ترى قطر مافيها هالتنظيم القوي لهذه الامور
12-مواد الغسيل شنهي المواد المطلوبه بضبط؟ ومن اي شركة اتعامل ؟
والمواد والله بسيطه ولكن ماذكرها وسهل توفرها .
13-العلاليق واكياس البلاستك من وين ايبهم
مصانع كثيره توفرها وهم بيجونك اصلا المغسله من تفتح بيجونك ناس يدورون بروحهم

وفي النهايه ربي يوفقك واسف اذا شيء طلع غلط او اخطائت فيه

[البدع]

نصيحة ياخوي

ابتعد عن هذا المشروع

صداع راس

اسال مجرب

ولاتسال طبيب

خلك مع البورصة

او الاسثمار في محافظ البنوك

او استيراد وبيع

والله يوفقك

[Diamond]

صبحك الله بالخير اخوي.......الله يرحم والديك على هالموضوع
لاني انا بعد خلاص نويت افتح مغسله وقاعد ادرس الموضوع.....بس المشكله انصدمت ان بين كل مغسله ومغسله مغسلتين.....انا ساكن ف خريطيات وقلت بفتح مغسله في فريجنا ..بس الوضع مب طبيعي مغاسل بالهبل وترددت بس الكل قاعد يشتغل والكل قاعد يربح...لان ماعمري رحت مغسله وقالي تعال بكره الكل يقولي يومين او ثلاثه ...وبعدين انت بشغلك الحو تقدر تجذب الزباين لان في مغاسل تضيع الثياب وفي مغاسل ما تكوي عدل....يعني انا خذت ثوبي من الخياط مفصله ب 300ريال وديته الدوبي انصدمت اول يوم بالعيد ان الثوب فيه ايل واخوي نفس الشي ضيع ثوبه مال المغسله شوف هالاشياء البسيطه تلعب دور يعني الحين هالدوبي خسر زبونين كل يوم يغسلون عنده شي اكيد ما راح نغسل عنده مره ثانيه....بس نفس ما قالو الاخوان دور اماكن في مغاسل شوي ....

بعدين ياطويل العمر انا رحت عند راعي مغاسل الريس اعرف عياله استغربت قالي راس المال اكثر من 300الف انا كنت حاط ف بالي 150الف...والشغله الثانيه الي قالي عنها لو شتسوي مار راح تقدر تضمن ان المسؤل ما يبوقك قالي انا حطيت كيمرات بعد مافي فايده بالذات بالمستعجل بيغسل وبيسلم الملابس وبيحط الفلوس ف مخباه...عشان جي مغسلت الريس ماتغسل بالمحل عنده مخزن بالصناعيه والغسيل والكوي هناك وهو معتمد ع العقود (الله يزيده ويبارك له)......وبعدين الاجارات وايد غاليه اقل اجار حصلته 10الف
....بخصوص تجهيز المغسله انا سمعت ان فالرياض في شركات لتجهيز مغاسل بس توني ما تأكدت..

عالعموم انا متابع موضوعك وراح افيدك باي معلومه تجيني

[Diamond]

من ناحية المسئول والبوق انا حصلت حل ....انت اذا نويت تفتح بقولك شلون تسوي كنترول وراح تريح راسك ...الله يوفقك ويسر لك ويرزقك من حيث لا تحتسب....اللهم آمين

[vip-000]

qatarlands

وعليكم السلام ورحمه

ياهلا اخوي والله يشرفني حضورك وتواجدك وفعلا انت افدني ف اشياء بسيطه بس مهمه هي عشان يكتمل المشروع ,, والله يجزاك الف خير ويزقك الحلاال ويوفقك بدنيتك واخرتك ..

اخوي بعد اذنك اسمح لي انا شوي بثقل عليك في عندي استفسارات بسيطه ياليت تفيدني اذا ماعليك امر..

المغسلة الي كنت فاتحها هل كانت تدخل لك ربح ثابت ولا في خسيار كبيره ؟

بالنسبه لراس المال ان شاء الله بدرس راس المال عدل وانا المشروع بفتحه مع شريك ف طبعا راس المال بيزيد بس انا ماكل هم الموقع والاجارات والخلو ماينصحوني فيه لانه لو مشروع مانجح بكون دفعت فلوس
على الفاضي

ونقطه مهمه الموقع لازم احصل موقع يكون بين فرجان وايضا يطل على شارع رئيسي عشان ما اقتل المشروع..

وبالنسبه لسكن العمال لازم يكون السكن فيه حوش ولا مو ضروري لانه سمعت انه المعدات ممنوعه تكون بالمغسله ..

وفي نقطه تهمني هل اقدر احط بعض المعدات للغسيل السريع لانه اهم شي ف قطر الغسيل السريع كل واحد يبي
يغسل ثيابه بسرعه

ياليت من خلال خبرتك تعطيني تقدير بسيط للتكلفه الي راح تلكفني المعدات انا ناوي على محل يكون متوسط الحجم يعني ف البدايه ببدا بمعدات بسيطه بس مو مغاسل الفرجان الي تكون بسيطه جدا
وعقب ناوي اوسع المشروع اذا دخل لي ربح

واخيرا احب اشكرك فعلا على مجهودك في الرد والله كفيت ووفيت وماعليك قصور يالغالي ربي يرحم والديك

[vip-000]

البدع

ياهلا اخوي نورت مشكور على النصيحه وتسلم على مشورتك لي بس ليش التشائم
مافي يأس دام العقل يفكر كل واحد ويقدر يبتكر له طريقه تزيد ربحه بالمشروع
ويطور نفسه وانا ماحب ادخل فلوسي بالاسهم وهسوالف مادري ماحس انها مضمونه
انا ف خاطري مشروع يدخل لي ربح ثابت ويزيد الربح مع تطور المشروع
مشكور يالغالي على مرورك واتمنى تقبل كلامي براحبة صدر ربي يرحم والديك

[vip-000]

Diamond

ويصبحك بالنور وسرور ووالديك يالغالي ويرحمنا اجمعين .. بصراحه ردك مشجع لي وكلامك
يدل على طيبتك ياالغالي ,, ومن خلال كلامك يبين انك دارس المشروع بس مثل حالتي نحتاج حد
عنده خبره ومثل ماقلت منتشر هالمشروع بس عندي لك فكره انت لاتفتح بالخريطيات لانه خريطيات مدينه
بدت تكبر ويصير فيها الخدمات حاول تفتح بالمدن الثانيه القريبه يعني ادرس لك منطقه مناسبه
وبنسبه للمغاسل في بعضها شكل على الفاضي وفي بعضها شكل يخليك تبتعد بس المضمون يكون ممتاز
يعني مثل ماقلت حارق لك ثياب العيد ههههـ وماخلاك اتهنى بالثوب يالله معوض بس تدري انا اتعامل مع دوبي
وهدوبي هو الي خلاني احط مشروع ف بالي لانه دوبي صغير وبنفس وقت يوم اودي له الملابس مايقول لي تعالي بعد 3 او 4 ايام يقول لي تعال بكره ساعه 10 تلقى الثياب جاهزه واظن هو يا يتعامل مع مغسله او
عندهم مكان يغسلون ويجففون فيه ويكون والمحل يكون للشغل المستعجل مثل الكوي وهسوالف حتى درجة انه في ناس تبدل ثيابها
داخل المغسله هههههـ

وبنسبه لمغسلة الريس انت تقدر تتعامل معاها انك تودي بعض الملابس الي ماتقدر تغسلها بمغسلتك
وانت ترفع المبلغ شوي عشان الربح ,, والكل صاير يسوي هالحركه بس اذا يبت معدات من عندك بتحقق
ربح اكثر وبنسبه للمعدات صح كلامك ف الرياض ارخص واضمن وبجوده وتكون صناعه امريكيه

والاجارات غاليه اقل شي مثل ماقلت 10 او 11 هاي شي طبيعي ههههـ الله يعين
بس انت حصل لك موقع مناسب وربك بيفرجها عقب


بالنسبه للمسؤول هاي بدرس موضوعه ههههـ لاني افكر انه يكون صديق هو مسؤول عليهم
لانه خبرك هنود وحتى تحط كاميرات ببقون من عندك ف تخلي واحد ثقه على راسهم

وانا بعد ما استغني عن فكرتك واذا فتحت مشروع اول شخص باخذ مشورته ف الاداره والكنترول هو انت

ويرزقك من حيث لا تحتسب....اللهم آمين

امين ووياك يالغالي

وانا حاضر لك باي شي تبيه ومن عيوني ,, وربي يرزقك الحلال ويوفقك يارب ويسعدك
واتمنى لك كل الخير وتوفيق وكل عام وانت بخير ,,

[qatarlands]

هلا اخوي ...
المغسله فيها ربح وربحها وايد زين واكثر شيء مربح شفته ... نعم اول الايام ممكن تخسر وبعد اول 6 شهور بتمشيء صح
وبالنسبه للمعدات ممكن تخليها داخل المحل بعض الغسالات الصغيره ممكن والحين لو تروح اكثر من مغسله بتحصل انه عندهم معدات داخل المحلات ...

وبالنسبه للبيت السكن ممكن بحوش ومممكن من غير حوش الحوش ممكن مستقبلا تتوسع بالنشاط وتحتاج الحوش
ودايما خل لك خطه بعيدة المدى سوى بالتطوير وغيرها

[البدع]

البدع

ياهلا اخوي نورت مشكور على النصيحه وتسلم على مشورتك لي بس ليش التشائم
مافي يأس دام العقل يفكر كل واحد ويقدر يبتكر له طريقه تزيد ربحه بالمشروع
ويطور نفسه وانا ماحب ادخل فلوسي بالاسهم وهسوالف مادري ماحس انها مضمونه
انا ف خاطري مشروع يدخل لي ربح ثابت ويزيد الربح مع تطور المشروع
مشكور يالغالي على مرورك واتمنى تقبل كلامي براحبة صدر ربي يرحم والديك

انا مب متشائم

ولكن دوم احذر الشباب من تجارة المحلات

لانها صداع راس وتعب

ويبيلها مراكض

والعمال يسرقونك

لو تتفق مع عامل (ويكون على كفالتك)

يشغل المغسلة ويعطيك مبلغ ثابت يكون افضل لك

اتمنى لك التوفيق اخوي