أخوي صاحب الموضوع...
أول شي الله يشفي مريضكم أو مريضتكم. بس أنا بقولك شي.
المرهم الأسود إسمه ICHTAMMOL OINTMENT BPC وسعره 7 ريال ونصف وموجود في كل الصيدليات. مهمة المرهم إنه يجمع كل الوسخ الموجود في الدمل ويفقعه.أخوك مجربه من الألفين وستة 2006.
الدمامل تطلع في المناطق التالية: الأبطين، المناطق الحساسة تحت و الأرداف. بالنسبة للإبطين تروح المستشفى ويفتحوها وبعدين يحطوا فيها "فتيلة" شاشة علشان تسحب كل الوسخ من داخل وتم تراجع المركز الصحي وتغير على الجرح لمدة إسبوعين تقريباً مع أخذ الأنتي بيوتك. أما بالنسبة للأرداف فواحد مصري سواها في مصر، قالي إنهم فتحوها وبعدين خلوه كل يوم يقعد في حوض في ماء حار علشان يدوب وينظف الوسخ.
هل الدمامل إلي تطلع عبارة عن دم فاسد أو صديد ووسخ أبيض ولا شعر؟ لأن الدكتور ممكن يحدد العلاج المناسب.
أعتقد الدكتور كتب للمريض دواء إسمه "أجمنتين 500مل". أنا أخذته قبل وما جاب بنتيجة وبعدين خذيت سفلكسين ونفس الشي. ورحت على العيادات الخارجية وقابلت دكتور الجلدية وقالي إنه ممكن يسويلي عملية ترقيع وممكن ترجع الدمامل مرة ثانية. وعطوني إبرة بنسلين لمدة 6 أشهر و آخر شي عملولي مزرعة دم وكتبولي دواء إسمه Ciprobay 250 حبة كل 12 ساعة بعد الأكل. بعد ما كان يخلص الكورس مال الدواء كانت الدمامل تروح بس لين أعرق أو يصير الجو حار ترجع مرة ثانية. فيعني أهم شي النظافة الشخصية. خلي مريضكم يتسبح كل يوم إذا يقدر مرتين في اليوم.
على فكرة شي، كيف وزن المريض؟ عنده سكر؟ ولا عنده ضغط؟ الأشياء هاي كلها تأثر. ممكن تسوي حجامة، ممكن تفيد.
ملاحظة: كل إلي كتبتها فوق من معاناتي الشخصية للموضوع ولحد الحين أعاني منها وزود بعد. مع العلم إني قمت ما آخذ أي دوا لأن كثرته مضرة. الدمامل إلي تطلع عندي عبارة عن دم فاسد مب قادر يهرب فيتجمع وبعدين أنا أفقعها وغير عليه في البيت.
إن شاء الله يشفي كل المرضى آميين.
أخوكم
Abo Ahmed