هذي مدرسة .. والا سجن للمجرمين ..؟

[هتـان قطر]

بدت اجواء الدراسة تطل براسها علينا .. واغلب مواضيعنا

بتكون عن المدارس والسلبيات اللي تواجهنا..الله يعين القراء



احدى المدارس الثانوية للبنين اتخذت أمر غريب ولاول مرة الصراحة

اشوف هذا المنظر ...

اتخذت المدرسة سياج حديدى ذو رؤوس حادة كأنها مسامير .. وكأن المدرسة

سجن وليست مكان آمن للتعليم..

فرضا لو قدر الله وان شاءالله ما نتمنى هالشي يصير.. لو شب حريق في المدرسة

كيف بيهربون الطلاب ..؟ وما يوجد منفذ غير الباب الرئيسي

هذا غير الطريقة الغير محببة واللي تخلي الطالب يحس انه مجرم ولابد ينصك عليه

أو كأنه طفل بيهرب.. وين احساسهم بالمسؤوليه وانهم رجال ونتصرف معهم

على انهم رجال يعرفون مصلحتهم..

ترى لو المدير كلمهم بأسلوب تربوي وتواصل معهم بشكل جيد .. ماراح يحتاج

ابدا لهذا السياج الحديدي..



انا صورت المدرسة ولكن يارب تكون واضحة..

[الأغر]

ههههههههههههه علشان محد يشقح معتقل مش مدرسه وكل عام والجميع بخير

[فارس الكلمة]

هناك سرقات حصلت في المدارس لسهولة تسلق السور .. تحصل في الليل و أيام الإجازات ..

فالسبب أمني و تنظيمي و ليس معتقل ..

هناك أبواب و منافذ للخروج و الدخول للمدارس غير تسلق السور ..

[هتـان قطر]

ههههههههههههه علشان محد يشقح معتقل مش مدرسه وكل عام والجميع بخير

وانت بخير وصحة وسلامة

انا هذا اللي فكرت فيه..

[هتـان قطر]

هناك سرقات حصلت في المدارس لسهولة تسلق السور .. تحصل في الليل و أيام الإجازات ..

فالسبب أمني و تنظيمي و ليس معتقل ..

هناك أبواب و منافذ للخروج و الدخول للمدارس غير تسلق السور ..

اذا هذا السبب زين .. ولكن انا فكرت انهم علشان الطلاب

[مساهم فنان]

هناك سرقات حصلت في المدارس لسهولة تسلق السور .. تحصل في الليل و أيام الإجازات ..

فالسبب أمني و تنظيمي و ليس معتقل ..

هناك أبواب و منافذ للخروج و الدخول للمدارس غير تسلق السور ..

السرقات تحصل في المدارس من سنين .. في المدرسة يحطون نواطير زينين مثل الصعايدة ومايصر إلا الخير.
وين حقوق الإنسان عن هذي المدرسة ...
هذي المدرسة تكره الطلاب في المدرسة . من يشوفون طوفتها يكرهونها.

[كش ملك!!]

السور نازل جدا ,,,,,, من المفروض ان يرفع السور أسوة بالمدارس الأخرى,,,,,
مهما كانت النوايا طيبة في هذا السور الا انه اسلوب بعيد جدا عن التربية,,

[صفقه]

هم رجال ويفهمون الكلام

لكن الشرده شرط لابد منه في قاموسهم التعليمي

(( مدرس في ثانويه مستقله ))

[شاهيناز]

كل عام وانتي بخير خيتو هتان
والله يوفق تلاميذناالاعزاء في مدارسهم

اذا كان السياج عشان تسرب الطلاب اعتبر هذا فشل من ادارة المدرسه والمفترض تقدم استقالاتها
لانها ماقدرت تخاطب عقل الطالب وتفرض عليه بالعقل ان يتم خلف اسوار المدرسه فتره الدوام المدرسي

بس في مدارسنا الحكوميه مهما اختلفت اسمائها كل شي جايز

[وطن]

الشباب لما يحسون انهم محبوسين بيدورون الف طريقه عشان يطلعون
لانه تحدي بالنسبة لهم
لكن لو الباب مفتوح على مصراعيه ؟؟
شبيسوون؟

كل ممنوع مرغوب
واذا الطلعه من المدرسة ممنوعه فالطلاب اكيد يبون يطلعون

لازم نحببهم في التعليم لمصلحتهم
بدون حبس وترهيب وضرب واسلوب استفزازي
هذول في مرحلة المراهقه ويبي لهم من يوجههم بطريقه تناسب تفكيرهم وحالتهم النفسية كمراهقين