(( الجلســــه المســــائيه )) 19/4

[مغروور قطر]

بسم الله الرحمن الرحيم



مساكم الله بالخير والعافيه اليوم كان يوم جميل ومنعش بلون الاخضر ان شاء الله يستمر هذا الارتفاع الى اعلى مستوياته ومن الملاحظ ان المؤشر العام كسر حاجز 10 الاف نقطه في الارتفاعات وان شاء الله يسكر حاجر 11 الاف عني انا ماشريت ولا بعت



شاركونا وفالكم طيب



تحياتي للجميــــــــــــــــــــــــع

[قطريه فديتني]

مساء الخيـــــــــــــــــر

إنشالله انشوف السوق دوووووم منور

عني انا شريت في الناقلات

قلت خل الحق قبل لا تطير علي

[altawash]

مساك الله بالنور

فعلا يوم ربيعي جميل ......

من الملاحظات العامة على هذا اليوم :

1- اختراق المؤشر حاجز الـ10000
2- استمرار صعود معظم الاسهم
3- لم نلاحظ اي حركات لتصريف الاسهم
4- ناقلات بدأت تتعافى بزيادة ملحوظة للكميات المشتراه
5- على معطيات اغلاق اليوم نتوقع ان يكون غدا استمرار صعود

ودمتم في رعاية الله ،

[boabdullah]

مغرور

اللله يعطيك العافية

الحمدالله الكل لمس هذا الأنتعاش اللي راح يتواصل بأذن الله واللي بين من المؤشر القوي 10الاف نقطة

واليوم كنت متوقع تحرك العقارية مع أن أمس كان في رغبة بالشراء بس غريبة والله ؟؟؟؟؟؟

الناقلات تبشرنا بالخير بتحركها اليوم واللي أتوقع أنه بيمتد ألى غدا" وأتوقع الخميس أستقرارها بأذن الله

عموما" الأيام المقبلة راح تشهد أخبار طيبة عن الأرباح المالية للربع الأول وهذا يرغب الكثير بالشراء

وبوجود الثقة والمطلوب توفرها بالوقت الحالي

أنا مابعت بس كنت أبي أشتري في السلام وللأسف ماشرولي يالله بكرة نعوضها

ألف مبروك للي شرا اليوم ونصيحتي بعدم ترك السوق هالأيام نظرا" لأي تقلبات قد تحث لاسمح الله

وتحياتي

[boabdullah]

قطرية فديتني

تساهلين اللي شرتيه في الناقلات مع أن لو صبرتي شويه كان أحسن

لكن بأذن الله بكرة أوبعده راح ترجع للأستقرار وهذا اللي بين من عملية اللم اليوم

الطواش

بأذن الله السوق مقبل على الأرتفاع وهذا لاحظناه بوجود اللم والمؤشر القوي

وتماسك الناس مع بعض بعدم العرض للبيع

والخير عند الله

وتحياتي

[الوضع ما يطمن]

انا بعد كان ودي اشتري ناقلات عندي 40 الف ريال .... وابي اخذ ناقلات وترددت اخذ اليوم الربع يقولون ليما الحين انطر شوي يمكن تقدر تاخذهم على 45 ريال ... احسن من 47 ريال

عموما احتمال اخذ بكره لان الوضع مايطمن الظاهر .. فجاة الا العرض زيروووو والطلبات بالهبل
عصفور في اليد ولا عشره على الشجره

[ali]

انا شريت اليوم 7000 سهم
والله اشوف انه مب خساره كان 47 ولا 45
لو نزل بكره ولا بعده
بعد ما شفت الطلب المليوني عليه
قلت خلني اشتري
والناقلات سهم واعد وذهبي
وان شاء الله بيرتفع قريب

يعني مافيه خساره الحمدالله

وما استنكر الايام الجايه يكون العرض صفر
والطلب مليون وهاذا الي شجعني اكثر

[مغروور قطر]

مرحبا فيكم كلكم ونورتو جلستكم ويارب انه كل يوم فرحانيين

تحياتي ولكم

[سيدة أعمال]

مرحبا انا وحده افكر ابيع ناقلات بعضها مب كلها عشان دلاله شتوقعاتكم تسوى ادلاله والا لازم مافرط بناقلات
ولكم الشكر

[$$$]

مرحبا انا وحده افكر ابيع ناقلات بعضها مب كلها عشان دلاله شتوقعاتكم تسوى ادلاله والا لازم مافرط بناقلات
ولكم الشكر

نصيحتي لج....لا تبعين الناقلات حق الاكتتابات الجديده....واسالي الي باع الصناعات للاكتتاب في الغاز....
كلها كم الف والفيزا ما تقول لا.....
حرام اتفرطين في اسهم ماخذتها في الاكتتاب.....