أكوا بارك قطر - الحديقة المائية في قطر لاتفوتكم الصور aqua park qatar

[غزلان]

اهم شي الألعاب صاغ سليم

[مرتبش]

كانكم شوي متحاملين على الاكوابارك..كله تشتكون نبي ومافي شي في الدوحة وملل..
مصير سعرها يتعدل. ونشوف اللي جربوها واراءهم

[وحيد-الشوق]

امحق حديقة وامحق سياحة

والله اني غاسل يدي من سياحة الدوحة كله كلام وتطبيل في تطبيل اكبر واحسن وافضل والخ تسمع شيء وتشوف شيء ثاني

مافي غير سوق واقف الي صار مرتع للشاميات والمفاصيخ لدرجة الواحد قام يستحي يدخله

طبعا ماننسى المتحف الاسلامي الي بتدخلة مره وحده في حياتك وخلاص

شوفوا الامارات ياعالم ملاهي فيراري اكبر ملاهي مغلقة في العالم وحدائق مائية على مستوى اما ربعنا مسوين بركة في مزرعة ويقولون حديقة مائية ههههههههههههههههههه عشنا وشفنا

لحد يلومني من القهر يا جماعة

[simsim1963]

ايش هذي والله كأنها حديقه مائيه مال فيلا خاصه . ياناس يا سياحه يا بطيخ الظاهر ما تعرفون انه فيه قوقل وفيه انترنت والناس تسافر كل مكان وشايفه حدائق مائيه افضل واحسن واكبر وشئ راقي . اذا والد وادي مال دبي من عشرين سنه واحسن منكم الحين ايش هالعبط . فاااااااااااااااااشششششششششششششله

[نيساني]

ولاتتقارن مع جنة دلمون في البحرين!

[الواعد]

أحد راح لها من الأعضاء ؟ يكتب لنا تقرير اليوم

[ام علي1981]

امم انا مستغرب ليش كثير منا تفكيرهم سلبي زياده عن اللزوم.. اولا انا ما ادافع عنهم بس معروف دائما انه البدايه لكل مشروع لازم بتكون نوعا ما مصاحبه لمشاكل لانه الخبره صفر ،، وهذا معروف كل مشروع جديد لازم يواجه مشاكل بالبدايه ..

على الاقل نشكرهم على المشروع وحتى لو مشروع فاشل بالنهايه احسن من لاشيء.. واتمنى التوفيق لهم بالمراحل القادمه...

هذي وجهة نظري وانا احترم كل وجهات نظر الناس..

اتفق معك اخوي عبدالعزيز
داااااااااائما ينتقدون مافي موضوع ينفتح الا وطلعو فيه كل علل الدنيا
الحمدلله اللي في مشاريع حلوة وسياحية

[حمد]

اقول بوحروب

تخيل شخص عنده اكثر من ولد
ومتزوج زوجتين
وعنده اكثر من خدامه

وودي يروح الحديقة

يعني يأجل قسط سيارة
وقسط شخصي علشان يقطع التذاكر
ويلعب اطفاله

احسبها بطريقة ثانيه اخوي

اذا ماعنده فلوس .. ليش يجيب كم ولد .... يكتفي بواحد

واذا ماعنده فلوس .... ليش يتزوج ثنتين .... فيكتفي بوحده

واذا ماعنده فلوس .... ليش ايجيب اكثر من خدامه ... خل يكتفي بوحده

واذا ماعنده فلوس في الاساس ... ماله داعي يروح الاكوا بارك

طبعا ان مالي علاقة بالاكوا بارك ولا اعتقد اني باروحها في يوم

بس السؤال

ليش دايما .... انحط الاسباب على الناس او الجهات .... والسبب الحقيقي هو عدم تخطيطنا .... لحياتنا ومصاريفنا .

ليش احنا نتكلم عن الاكوا بارك ... وكانها شي من الضروريات .... او الاولويات .... لاهي بيت ولا اكل ولا شراب .... الا حديقة مائية

لتروحونها .... ومردهم .... بينزلون اسعارهم

[ميمي 88]

بينها وبين السعودية
40 دقيقة يعني

موهنيه الغمنده
هم يبون يضربون عصفورين بحجر
ويجمعونا على خير احنا واخوانا بالحسا
يعني حلال عليكم كل اسبوع طابين الحسا
هالحديقه جات قريبه لهم عشان يكون فيه تبادل زيارات
الحساويين يسبحون عندنا واحنا نروح نجيب تمر وهيل

الحديقه مكانها زين
يعني الحين قلتو مكشوفه للشارع شلون نودي عوايلنا طيب لو وسط البلد شبتقولون !

انا يوم شفت الصور جاني احباط الالعاب قليله وماتجي شئ عند الالعاب بالدول المجاوره

بخصوص الاسعار !
الخادمه ليش ادفع لها 60ريال بتطب رويسي مثلا !
هي مرافقه لليهال لااكثر مفروض دخولها مجاني

وبخصوص الاخ الي متوهق بزوجاته
يعني افهم انك متوهق لانك بتوديهم مع بعض والمبلغ بيكون جامد عليك !

طيب ودهم دفعتين هالشهر للاولى والشهر الجاي للثانيه
او انسى الموضوع وحبو الراحه

[المولع22]

طيب لو بخصوص يعني ان كان فيه يوم فقط مخصص ( للنساء )

اشكره يعني اللي بيكون على الزحلاقيات مكشووووف على الشارع العاااااام

يعني اقعد بالشارع العام او صف الموتر بالباركات وبتشوف اللي داخل كلللللهم وهم يلعبون

اللي يبغي يخصص يوم للنساء في مثل هذي الاماكن المفروض على الاقل يرفع السووور بشكل عالي جدا

وغير هذا من حلااااات الجوووووو يعني

اما رطوبة وحررررر

والا برررررررد وثلللللج

وين الواحد يسبح مثلا ؟؟