أكوا بارك قطر - الحديقة المائية في قطر لاتفوتكم الصور aqua park qatar

[الجــــــآدل]

سمعت انه غيروا وصار يوم النساء الجمعه ؟؟؟


احد عنده فكره

[الـقـاسـي]

اتوقع اهل قطر متحاملين على الاكوا بارك هذي لانهم كانوا يتوقعون شي كبير ومرتب ,,

خصوصا ان اي شي في قطر تسبقه عاصفه من الدعايات والاعلانات المعتاده أكبر واضخم واروع والاول من نوعه في العالم او الشرق الاوسط ,,

فـ بعد هذا الانتظار يطلع زرع حاطين فيه بركه وكم لعبه شارينها من اللولو ولا كارفور ويقولون مدينه مائيه ,,

شي طبيعي ان هل قطر بيتحلطمون وبينتقدون على قولة المثل تمخض الجبل فولد فأرا .. الحين هذي مدينه مائيه والله فيه بعض العزب والمزارع اعرفها لو تروحون لها أتوقع بتستانسون فيها أكثر من الاكوا بارك ..

عموما اتمنى يعتبرون اللي صار غلطه ومايفكرون يسوون مدينه مائيه مره ثانيه ويكنسلون هذي اللي مبين من الصور انها شغل صيني اي كلام احس مالت شهرين وخلاص ..

بعدين انا مستغرب من التكلفه 50 مليون اولا المبلغ قليل لانشاء مدينه مائيه ثانيا المبلغ احسه كبير على الزرع اللي مسوينه ..

[MLAAS]

وانا الي قلت هالحديقه الي بتغير معالم قطر .. اثاريها طلعت لعبتين ومش حالك


الا فيها رشاش ماي ؟؟؟ على الاقل انثور عالبزران هههههه


والله فشله .. وين اودي ويهي من الناس >.< يا اسوي شي مقنع او مافكر من الاساس
يحسبونا هبلان بنقط فلوسنا في اي شي

[دلال قطر]

حرام والله يعني ندفع 100 عشان هالكم متر بس؟

لا وبعد صاير حادث لولد صغير وفاقد كليته سبتهم مسكين الله يعافيه

صراحه مشروع اشوفه فاشل مع اني سمعت انه لين الحين مااكتمل

لو بفلوس هالمشروع مطورين حديقة الحيوان وايد احسن !!!

[الوفـى طبعي]

فدددددديت جنة دلمون والله


اروووح البحرين عشانها بس

[طاش]

مشكور

[بـداع]

توني راد منها

مميزاتها : حلوة + ممتعه

مشكلتها : صغيره + العابها شوي


بس لو يبطلون بدري الله يهداهم الصبح الساعه 10 مثلا يكون أحسن

وملاحظة ثانيه بعد

حاطين صور ارشادية (للرجال) للالتزام بلبس الشورت الى حد ( الركبه) شي حلو

زين الحريم ؟؟ بكيفهم يعني؟؟!!!

عــــــــــــــــــــــــــــــــــــــــــــــــج ــــــــــــــــــــــــــــــــــــــــــــــــــ ــب

[^امـ نواري^]

كنا نتمنى حديقة مائية كبيرة وضخمة ومرتبة ((ونظـــــــــــيفة ))

بس هاذي للاسف من اللي قاعدين نسمعه عنها الوضع كلش مايشجع ..
ولا فيه سيطره على الاوضاع ولا سكيورتي ولا نظافة ولا تعقيم ..
مثل ماقالو زرع خاص وحاطين فيه جم لعبة ..

فيعني انا اسال نفسي واسالكم :
انتو من صجكم تروحون للاكوا بارك ؟؟

الماي وانتو وبكرامة مياه مجاري مجاري معاد تكريرها وفيه رييييييحه !! شلون تتسبحون فيه ؟
انتو ماتقرون جرايد عن اللي صادهم التهابات وتهيجات جلديه من هالاوساخ في الماي ..غير اللي انشق بطنه في اللعبة وغير قلة الادب وعدم احتشام الفتيات هناك والكثير الكثير ..
البلاد قاصره هالشي يعني ..

الله المستعان

[وناسة]

والله مب ذاك الزود...و وجودها و عدمها واحد...الله يرحم ايام علاء الدين....

[MiSs_toTo]

انا احس مالها اي داعي
وانا رحت وتمنت اني مارحت
لو قاعدة ف البيت ولاطالعة مكان ثاني احسن لي