رحلتي في اجازه العيد الى صلالة بجميع تفاصيلها و بالصور بكل تاكيد

[العـوا]

طريق طويل لو رحت بطيارة اريح لك

[مهل]

اعذروني

بكره بحول الله اعدكم بالتكمله ان شاءالله

[ANONYMOUS]

الصبح بدري وعيت على شعور عجيب افتقدته منذ الطفوله
وعيت على ريحه ديزل و صوت غنم تثغي و صوت مازدا تريوس و شي عجيب

لحد الآن

هذا احلا شي في التقرير..



ناطرين صور صلاله..

رحتها مره سنة 95 اعتقد .. وبالسياره... والطريق كان موحش ومقفر ومهلك

ابس اشوف اقدر اسوي ابديت أو انعش الذاكره ولا خلاص انمسحت

[ROSE]

الله يحفظ لك الاولاد يارب

من خلال بداية التقرير شكلها رحلة رائعه

في انتظار باقي التقرير

[الحجاجي]

يعطيك العافيه ..

بداية رائعـــة ..

تجبرنا على أنتظارك ..


خذ راحتك ..

وجيب المفيد من الصور ...

وحياك الله

[mr_qtr]

متابعينك


كمـــــــــــــــــــــــــل

[مهل]

الجزء الثاني

بصراحه من افضل النصايح الي قريتها هي انك تدخل صلاله في النهار لتستمتع بالخضره و المناظر الجميلة .

وفعلا بدت الدنيا تخضر شيء فشيء و نزلت الحراره من 41 الى 26 بعد قطع مسافه 40 كيلو سبحان الله


اذا دخل الجح في خاطري شوي كان باقي شوي و اوقف راعي البيكم




سفوح خضرا مد الشوف تبارك الرحمن




ودك تقدم استقالتك من الشغل و تاخذ لك بيت هناك و تاخذ لك حلال تربيهم و تعيش عليهم و تزوج اربع حريم




بدايه الدخول الى مدينه صلاله .. مدينه نظيفه الشهاده لله و باديين فيها شغل و ترتيب في الشوارع




هنا بدايه معاناتي الثانيه بعد الطريق وهي السكن .. سالت و قالولي السكن متوفر في صلاله لاتحاتي

الواحد لازم يعرف من يسئل ولا يعتمد على الكلام .. دخلت اول شقه و كانت للاسف تعبانه و دخلت الشقه الثانيه و الثالثه و الحال كذلك
وكان الوقت صار الظهر تقريبا شوي بدا التعب ،، ولقينا شقه هاه هاه شوي مقبوله و سكنا فيها ولكن لم يستمر السكن فيها سوى لساعه او اقل

عند دخولي لصلاله كان فيه مثل كشك على الطريق يجب التوقف عنده لوجود مطبات و شخص واقف كنت اظنه رجل مرور او امن و تبين لي انه من هيئه السياحه واعطاني خريطه سياحيه لصلاله وكان مبين فيها الفنادق . اقرب منتجع لي كان كراون بلازا



فندق جديد و خمس نجوم وراقي قيمه الشاليه 3 غرف نوم كان 1800 ولكن للاسف ماكان فيه حجز

استمر البحث لساعات متعبه جدا و ربك هدانا للمكان هذا و كان اختيار موفق

قريه سمهرم السياحيه وهذي البوابة من الشارع العام




منتجع ضخم و شرح وهو نظام شاليهات و يقع على شاطيء البحر




مستوى الفندق مقارب لمستوى شاليهات امسيعيد مع فارق الحجم





خذنا شاليه 3 غرف نوم كل غرفه اجلكم الله بجمام و

مطبخ و صاله كبيره و السعر كان 600 ريال

هذا الشاليه من برى





وهذي صوره للصاله




وايضا خذنا الي يسمونها فيلا .. غرفه بحمام اجلكم الله و كان سعرها 250 ريال ،، معقول بصراحه

وهذي صوره الغرفه من الداخل




البركه شي محترم جدا ومطله على البحر








خوش جاكوزي ،، تحلفت فيه لكن ماصار نصيب




لله الحمد سكنت و استقريت و استرحت و كانت طلعتي الاولى استكشافيه ،، شدتني طبيعه المدينه ،،طلعت اتمشى بدون وجهه ،، و طحت على خوش شارع



قريب منه محلات تبيع فواكه ،، لكن خووووش شي




طبعا تشتهر محافظه ظفار بانتاج ثمار معينه و جوده عاليه مثل جوز الهند (الناريل) و الموز الصغير ما اعرف اسمه



تبارك الرحمن ودي احمل بيكم ناريل




الببايا ايضا من اهم الفواكه المزروعه في صلاله




طبعا لازم تشتري



لكن اوجه لكم تحذير جدي .. شفتو عنقود الموز مادري شسمه هذا الي شريته ،، يوم حطيته في الموتر انكتت علي عناكب و حشرات و نمل مايعلم بها الا الله .




اتجهت لسوق الحافه الشعبي سوق يشتهر ببيع السلع التقليديه و لم اتمكن من التصوير لوجود المتسوقين من النساء و الرجال في السوق .

مما تشتهر به صلالة هو الـ لبان الظفاري وهو مشهور بجودته العاليه




و ايضا البخور




لاحظت قليلا ان الاسعار مرتفعه ولا اعلم هل هذهي هي الاسعا العاديه او لاني سائح

التقيت بشاب يبيع في محل قمه في الاخلاق وطيب جدا و كان سعره تقريبا نص سعر المحلات الثانيه و يستحق الاشاده بكل امانه لما لمست منه من طيب تعامل

هذا هو محله ( بن شيخان) يبيع اللبان و البخور و المداخن




والله انه اخجلني كان يفتح تقريبا خمس اكياس من اللبان كل كيس كيلو عشان ينقيلي افضل كيلو من الخمسه






انتها الجرء الثاني و باقرب فرصه ان شاءالله استكمل معكم الجزء الثالث و الخاص بالرحلات للدويان و العيون وهي احلى مافي صلاله

[ANONYMOUS]

يعطيك العافيه

افتر صوب الخضره..

خلك من المدينه

[موضي قطر]

الحمد لله على السلامة اخوي ..ذكرتني برحلتي لصلالة سنة 2007 .. وبانتظار باقي الصور

يس شرايك في الرذاذ في الليل ؟؟؟

ملاحظة ترى لو مسافر بالطيارة لمسقط احسن واريح وبعدها تاخذ العمانية طيران داخلي لصلالة نقريباً

حول ساعة او ساعة وشي من مسقط

[455]

ماشاء الله تقرير جميل ومتابع معاك كل التفاصيل لاتتاخر علينا