صالون اطفال

[clouds]

انا حابه افتح صالون للاطفال بس مش عارفه سشلون ابدا؟؟ابي حد يساعدني بليز
ثاني شي ابغي اعرف كم عامل احتاج؟؟وكم رواتبهم تقريبا؟؟لان لازم اسوي دراسه جدوى وانا ميييح في هالسوالف
ولو بغيت المحل في مجمع كم اجار المحلات في المجمعات؟؟ولو برا وين تفقترحون ادور؟انا عندي افكار مميزه للصالون بس ابي اعرف الاسعار كيف وكم ممكن يكلفني وشلون ابدا

[شموخ دائم]

,


,


مرحبا

فكره طيبه

ومع ذلك هي موجوده بالدوحه

المشروع هذا مشكلته الوحيده هي ( العمال )

ما يشتغلون زين بالراتب وراح يتسببون بخساره المحل

وما انصحك بالمجمعات لارتفاع التكلفه للاسف

عندك الشوارع التجاريه الي قريبه منها كثافه سكانيه

والاحسن يصير اتفاق مع العامل ( نسبه معينه )

واتمنى ما تصرفون مبالغ كبيره على الديكور لان هذا النوعيه من النشاط

الربح منه يعتبر ربح بسيط

والطريقه المتبعه الان في قطر

من يعمل بالصالون يدفع للقطري صاحب الرخصه مبلغ 3500 ريال شهريا

بالمتوسط ممكن يزيد وممكن يقل على حسب موقع وشطاره العامل

ووضع راس مال كبير بهذا المشروع يعتبر مضيعه للمال

راس مال الصالون الرجالي يكون بحدود 70 الف ريال بالمتوسط شامل الديكورات والاثاث

والاهم طبعا كراسي الصالون و 3 حلاقين بالمكان

مصاريف الصالون الرجالي الشهريه تكون بحدود من 7000 ريال الى 10 الاف ريال

واذا زادت عن هذا الحد تعتبر اقرب الى الخساره من الربح

ودائما نلاحظ صاحب الصالون ياخذ 3000 شهريا لمده سنتين

ويرجع راس ماله 3000 * 24 شهر = 72 الف ويقوم ببيع المحل مباشره بعدها بمبلغ 100 الف

ويحتفظ باحد العمال ويكرر العمليه ويعمل محل جديد صالون رجالي ... الخ

طبعا الربح قليل ولكن لو تركنا ال 70 الف بالبنك راح نصرفها بدون ما نحس

راتب العامل بالصالون 850 ريال واذا عامل جيد 1000 ريال ( الاسيوي )
العربي 1500 ريال والتركي 1000 دولار

تجهيز المكان والمعدات في شركات متخصصه بالدوحه تجيك الى الصالون وتجهزه لك بكل ما يلزم وبعدها

تجيك كل 10 ايام مره سياره وفيها كل ما يحتاجه الصالون تشتري منه الي ناقصك من كريمات ووستشوار وجل ... الخ

بالتوفيق لك والله يرزق الجميع الرزق الحلال

,

,


اخوك


شموخ دائم

[clouds]

شكرا اخوي بس انت تكلمت عن صالون رجالي بس انا ابي للاطفال فقط..ومن بحثي في النت اكتشفت ان احسن شي اجيب عاملات بدل عمال فافكر اجيب عاملات من برا مش من قطر لان هني بيكونون شبعانين وطمعانين وممكن تذكر لي الشركات المتخصصه؟؟اعتقد النزيه والمحل الثاني اللي هو مكان الصالون الازرق القبلي صح؟؟طيب والشوارع التجاريه ممكن تذكر لي وين الششوارع المهمه عشان افكر فيها واحطها في بالي لما ادور على محل

[كركم]

اختي مشروع جيد لكن بحسبة بسيطة تحتاجين 150 الف رأس مال هذا في حال حصلتي محل جديد وخذتيه من المالك مباشرة دون الحاجة لخلو..وتقدرين تكتفيين في البداية بعاملتين وفي الأغلب من الجنسية الفلبينيةى ورسوم استقدامهم وراتب شهرين مقدم يعني تقريبا 25 الف( حسب شروط السفارة)
والديكورات مثل ما تفضل اخوي اللي قبلي في حدود 70 الف
والمحل وايجاره ما ادارك ما ايجاره عاد الأيجار بيكون غالي وكل ما كان الموقع مميز كل ما ارتفع الأيجار وطبعا موضوع المجمعات انسيه تماما مب تحطيم بس ايجاراتهم تكسر الظهر..
وفي كل الأحوال متوسط الأيجارات 9000 ريال ولا تنسين ان المحل ما بيكون عليه اقبال من اول ما يفتح يعني توقعي انج تدفعين ايجاره ورواتب العاملات وكهرباء وماء لمدة 6 شهور على الاقل ليين ما ينعرف من قبل سكان المنطقة..ويبدأ الشغل

ولو حسبتي مجموع المبالغ السابقة بيطلع المجموع 150 الف تقريبا...
اذا انتي ناوية على هالمشروع ممكن اقترح عليج مواقع جيدة وافكار تجذب الزباين واي سؤال انا حاضر