أنواع الجاناش :
1 جاناش ثقيل :
3 أجزاء شكولاته لكل جزء كريمة ( بالوزن ) يعني لو عندي 100 جم كريمة 300 جرام شكولاته .
طبعا هاذا يستخدم عشان تغطون فيه الكيك قبل ما يتزين وبشرحلكم الطريقة تحت .
2 جاناش وسط :
جزئين شكولاته لكل جزء كريمة .
وهذا ينفع حشوة إذا تبغين الحشوة تكون شوي ثقيلة .
3 جاناش خفيف :
جزء شكولاته لكل جزء كريمة .
وهذا ينفع برضه حشوة للكيك والحلويات وراح يكون خفيف وهو النوع اللي بستخدمه هنا.
4 الجاناش المخفوق :
جاناش خفيف يبرد في الثلاجة بعدين تخفقونة بالخلاط الكهربائي إلين ما يسير زي الكريمة المخفوقة .
طبعا هذا ينفع يزين فيه الكيك من فوق و ينفع ينحط حشوة للحلويات .
هاذي وصفة لجاناش خفيف عشان حشوة الماكرون.
300 جرام شكولاته غامقة
300 جرام كريمة
ملعقتين زبدة
رشة ملح
الطريقة فوق وعدلوا الوصفة عشان تسوون باقي أنواع الجاناش لو تبغون.
طبعا هذا الطريقة للجاناش الأساسي بس طبعا تقدرون تعدلون عليه بسهولة
تقدرون تحطون أي نكهات تحبونها مثلا لو تحبون النعناع مع الشكولاته تقدرون تستخدمون الشكولاته اللي مع النعناع
نفس الشي للبرتقال أو الفلفل
( صدقوني الفلفل و الشكولاته نكهة ممتاااااااااااااااازة جربوها وشوفوا )
أو تقدرون تحطون النكهة بنفسكم مثلا حطي شوي نعناع مع الكريمة أو شوي فلفل أحمر مع الشكولاته أو قشر برتقال مع الكريمة ولو عندكم نكهات حقتكم حطوها على كيفكم
اللي يحبون النوتيلا جربوا هذي حمصوا حوالي
ربع كوب بندق في الفرن إلين ما يتحمص ويصير طعمه رهييييييييب بعدين
خلوه يبرد شوي وبعدين قطعوه زييييييين وحطوه مع الكريمة وهي تغلي . الحين لكم الخيار لو تبون نكهة بندق قوية و يسير الجاناش شوي يقرمش ( جربوها فوق كب كيك فانيلا يميييي )
لا تصفون الكريمة لو تبون بس نكهة البندق صفوا الكريمة من البندق
بعدين كملوا بوصفة الجاناش العادية .
طبعا هنا قلت بدقت بس أرجع وأقول أي لوز ينفع أي نكهة تشوفون إنها تمشي مع الشكولاته يمديك تسوونها مع الجاناش .
كيف تحشون الماكارون ؟
شخصيا أنا أستخدم كيس الحلويات لأنه ما ينقط على الجوانب ويسير شكلها أنظف بس لو تبون حطو الحشوة على ظهر الماكارون ملعقة صغيرة تقريبا بس شوي وحطوا الحبة الثانية فوقها ما أظن صعبة .
وعليكم بالعافيه لاعدمت دعائكم بظهر الغيب
/
اختكم
فذة