تكفون جاوبوني :(

[على قد حالها]

السلام عليكم

بغيت آخذ رأيكم في اسهم المتحدة ، عطتني اختي مبلغ بسيط علشان اشتري لها ناقلات بس قلت لها الحين حرام مب شارية، فقلت اشغل هالمبلغ لها لين شهر 6 فشريت لها في المتحدة بسعر 74.5 تقريبا بمبلغ 15000 (مبلغ فقارة بس لأنها توها مشتغلة) و حطيت في بالي المجاني والمخفض بس الحين خايفة بعد الاكتتاب الجديد ينزل السعر وماقدر اخذ لها في الناقلات على شهر 6 ، فانتوا ياجماعة الخير شنو رايكم ابيع من الحين قبل الاكتتاب اضمن والا اتوكل على الله وانتظر ؟

[ولــ الخاطر ــد]

اختي على قد حالها

والله انصحج انج تبعين المتحده قبل الاكتتاب لانها ميه بالميه راح تنزل بعد الاكتتاب وها اليومين المتحد ه

كله ليمت اب بتكونين استفدتي لج شي بسيط

وانصحج انج تلحقين على ناقلات الغاز بها الاسعار الجيده للشراء والبيع والشراء في الشركه على ما

اظن انه الشيخ الغرداقي اجازه (والله اعلم على حسب كلام الربع)

ومسأله الحلال والحرام يقولون بعد انه المتحده فيها شبهه ؟

بس انصحج بيعي المتحده ..

وهذا رأي الشخصي

والله اعلم

[الزقروطي]

السلام عليكم
ياشباب جاوبو هالمسكينه
انا صراحة ما اقدم المشوره مجانا
وبعدين خبرتي ما اطلعها باي وقت


لا يالربع علمونا خلونا نستفيد انا عندي نفس السؤال وابي اعرف
الله الله فينا حنا الغشاما

[الزقروطي]

بالنسبه للحلال والحرام
انا اتصلت على الدولي الاسلامي
قسم التشريعات او ما دري شنو اسمه
قالولي جائزه بس فيها نسبة تطهير
12 %

وهذا الكلام على مسؤوليتي

[hamad110]

أقترح بيع المتحدة بعد الاستفادة من الارتفاعات هاليومين

وبعدها ابيعه واشتري بالناقلات يكون نزل سعره شوي

مجرد اقتراح

[mubarak2006]

السلام عليكم


اختي على كلامك انتي تقريبا شارية 200 سهم..... صح... على العموم سهم المتحدة انتي سعرك في الشراء زين .... ويمكن يوصل 92 وتربحين فية تقريبا 3300 ريال ......... ولكن السؤال هل في وقت بيعك السهم ب 92 عندك فرصة لشراء ناقلات في هذا الوقت هذا صعب توقعة الصراحة ......... والامر في النهاية يرجع لكي .......


ملاحظة... لو بعتي اليوم الحمد اللة انتي بعد رابحة وشكرا

[boabdullah]

السلام عليكم

بغيت آخذ رأيكم في اسهم المتحدة ، عطتني اختي مبلغ بسيط علشان اشتري لها ناقلات بس قلت لها الحين حرام مب شارية، فقلت اشغل هالمبلغ لها لين شهر 6 فشريت لها في المتحدة بسعر 74.5 تقريبا بمبلغ 15000 (مبلغ فقارة بس لأنها توها مشتغلة) و حطيت في بالي المجاني والمخفض بس الحين خايفة بعد الاكتتاب الجديد ينزل السعر وماقدر اخذ لها في الناقلات على شهر 6 ، فانتوا ياجماعة الخير شنو رايكم ابيع من الحين قبل الاكتتاب اضمن والا اتوكل على الله وانتظر ؟

على قد حالها

مررررراحب

الأسهم اللي عندك تقريبا" 200 سهم على أساس شريتيها 74,50

يعني أنا أشوق أذا خلتيها للأكتتاب يمكن ماراح تلقين ألا شي بسيط وأكيد راح ينزل السعر بعد الأكتتاب

بس تعالي للأختيار الثاني لو تركتيه لحد 26/4 أجتماع الجمعية وتبعينه قبل الأجتماع أنتي هنا ربحانة

خاصة مع أستمرار الأرتفاع فيها اللمت آب (( الحل الأرجح ))

أحسبيها بينك وبين نقسك وتوكلي على الله

وياهلا