صفحة 1 من 4 123 ... الأخيرةالأخيرة
النتائج 1 إلى 10 من 33

الموضوع: زيران . . سامري . . خبيثي .. لا اليوم غير اليوم الاثنين حق المشايخ !! + مقطع فيديو

  1. #1
    عضو مؤسس الصورة الرمزية هدهد سليمان
    رقم العضوية
    21555
    تاريخ التسجيل
    Jul 2008
    المشاركات
    15,584

    Exclamation زيران . . سامري . . خبيثي .. لا اليوم غير اليوم الاثنين حق المشايخ !! + مقطع فيديو

    السلام عليكم ورحمة الله وبركاته ..

    مساكم الله بالخير جميع .. ومبارك عليكم الحيا .. اليوم موضوعنا يمكن يهم شريحه معينه من الناس الا وهو الزار او الخبيثي او السامري واخر شي استنزال !!

    ما هو الاستنزال ؟ عباره عن اغنيه او نشيده او تهليل بشكل معين عقبها يستنزل احد الاشخاص او اكثر من شخص ويبدأ بالتخبط او التنطط او الرقص بشكل عشوائي !! شالسالفه ما يندرى .. يالربع شفيه فلان .. ما فيه الا العافيه بس استنزل زين وبعدين ما عليك شوي يرد مره ثانيه !! شلون يعني لا ذول المشايخ نزلوا عليه !! شنو مشايخ شالسالفه .. انت ما عليك بس شوف وما يصيدك شي .. يا فلان ترى الهدهد عندي !! عندك ليش .. اصبر شوي وبتعرف كل شي .. صبرنا شوي الا بخور ذكر البان .. تبخر فديتك . . لا الشيخ ما اداني ريحته !! اقولك تبخر .. زين انشاء الله اهم شي خلك طبيعي ولا تزعل !!

    الى الآن ما فهمت شي .. قلت انسى يا رجال الموضوع .. وتدور الأيام .. الا جوالي يدق !!

    السلام عليكم .. هلا بالغالي اشحالك امورك طيبه في عندنا اليوم شي ثقيل ها شرايك امرك ونروح !!
    شنو يعني ثقيل وتمرني ونروح ؟؟ اليوم الاثنين صح .. قلت اي صح .. قال اليوم حق المشايخ .. من المشايخ تقصد شيوخ دين ولا شيوخ فلوس ولا شيوخنا !!

    لا الله ايهداك .. شيوخ غير علويين !!
    هاي شنو بعد ؟ .. خلاص بامرك يالهدهد وعقب بتشوف كل شي بعينك .. زين امرنا لله .. مر اخونا علي ورحنا صوب ذاك المكان !! .. الا ذيك الخيمه وذاك البخور اللي يجيب التايه !! شالسالفه .. قال السموحه ذاك اليوم ما شفتك مرتاح .. هالمره بتعجبك السالفه !!

    امرنا لله سامري مره ثانيه .. يا ولد انا ما لي بهالسوالف .. ..المهم يا اخوان السموحه اني طولت السالفه .. قبل لا ادش شوي الا شيبه جا صوبي ويقول لي .. تبخر يا وليدي .. قلت ان شاء الله تبخرنا ..

    وكان بعد شوي يبتدي التهليل .. الا يا جماعه شوي واحد نقز من مكانه قلت بل شالسالفه وشلون نقز وش له نقز ؟؟!
    المشكله ان الرجال الي نقز اول شي ما يشوف الله لا يبلانا .. ثاني شي الرجال يوم ما وصل اثنين مجودينه لأنه ما يقدر يمشي هل هو مريض او بسبب انه بعافيه ما شاء الله من الوزن الثقيل لكن اللي شفته .. اي شفته اخوكم الهدهد شاف شي ما لا يصدقه عقل .. الرجال استوى بخفة الريشه !! ويناقز .. شوي الا حولوا اغنيه ثانيه كان واحد احداي يقط الغتره على وجهه قلت لا حول ولا قوة الا بالله .. ياليل مطولك .. اشفيه هذا بعد كان رفيجي يقولي ابد استنزل واللي فيه وحده !! .. المهم قلت زين خلني اروح بيتي ابرك عند عيالي وام عيالي شللي خلاني ارد عليك .. قال اصبر توه الثقل ما جا .. قلت لا ثقل ولا بقل الله يرحم والديك ابي اروح البيت .. .. بالفعل عشر دقايق حركنا من هناك .. قلت له يابوفلان شالسالفه وش هالخرابيط اللي تصير؟ .. قال ابد مجرد تغير جو ..قلت تغير جو هالشكل .. امحق تغير ..ناس الله لا يبلانا فيها ما فيها .. وش لنا بهالسوالف .. ورديت البيت ولله الحمد وما فينا الا العافيه ..

    سؤالي .. هل الزار هو علاج؟ ام هو حالة شرود نفسي ؟ وما هي علاقة الجن بذلك ؟ اليس الزار هو استدعاء للجن على حسب ما شفت ؟ يا جماعه في حد ياكل جمر؟؟؟ في حد يقدر يمشي على الجمر ؟؟؟ الجواب لا لكن هذا اللي شفته .. وعندي لكم مقطع بسيط لشخص استنزل وشوفوا طريقة استنزاله .. كنه واحد يشله شل من الأرض .. يوم يمشي كنه يطير ما يمشي !!

    يرجى الضغط على الرابط

    وحياكم للنقاش .. ان اردتم النقاش .. وليس الجدال !

    والله لا يبلاكم ويبعد عنكم كل شر وكل جن .. مع ان الجن حلوين

  2. #2
    عضو مميز الصورة الرمزية الخفي
    رقم العضوية
    1093
    تاريخ التسجيل
    Mar 2005
    المشاركات
    4,498
    (( انا اعتبر حفلات السامري والخبيتي وهالسوالف نوع من تحضير الجن الله لايبلانا

    وهناك شباب يحبون هالنوع من الحفلات ولا تخلو من الجن والاستنزال ))

  3. #3
    عضو مميز الصورة الرمزية عضو قديم
    رقم العضوية
    37
    تاريخ التسجيل
    Jan 2005
    المشاركات
    3,560
    على طاااااااااااار السامري والخبيتي
    بكرة الخميس وابي اروح لحفلة سامري حد يخبر لنا حفلة
    ‏الجفا لاضم خطواتك طلبتك لاتضمه !!!الجفاء كافر وانا وياك من نفس الديانه

  4. #4
    عضو مؤسس الصورة الرمزية روح الاطلس
    رقم العضوية
    13041
    تاريخ التسجيل
    Apr 2007
    المشاركات
    6,350
    هالموقف حقيقي؟؟

    وصار بقطر؟

    غريبة اول مرة اسمع بهالاشياء انها موجودة

    وبعدين السامري والخبيتي ومدري شنو هاي اعتقد حفلات كلها غناء ومعازف يعني مايحتاج اقول لكم الحكم

    وبعدين ملاحظين يالهدهد ان فيه جزء من ثقافتك مرتكز بشكل مكثف على هالسوالف الجن والاستنزال والسحر والشعوذة !
    مالك ومال العالم الخفي خلك بالنور ابرك لك
    وخل العالم الخفي بحاله

    إلا بسألك عندك النسخة الاصلية لشمس المعارف الكبرى؟ << اتغشمر ^_^

  5. #5
    عضو مميز الصورة الرمزية مهل
    رقم العضوية
    165
    تاريخ التسجيل
    Feb 2005
    المشاركات
    3,995
    السلام عليكم ورحمة الله و بركاتة


    والله يالهدهد اول مااسترسلت في قارءه الموضوع ،، اقول هدهدنا شفيه وش هالطاري الله لايبلانا ولا يبلا المسلمين ، و استغربت حقيقتا انك تروح لمكان مثل هذا .
    ولكن هو موضوع و واقع ولا باس في النقاش فيه .

    عن نفسي شفت مثل الي في الفيديو و سمعت عن الي ياكلون الجمر و شخصيات اعرفهم ( ربع مدرسه وخلافه) لكن ماشفتهم لاني ما احظر السامري و ان حظرت عرس و كان فيه سامري امشي بدري ،، و الحكم الشرعي فيها ما اعرفه بصراحه او حتى وش الهدف منها.

    الاكيد هو مجال له ناسه المتخصصين الله يهديهم .

    و الاكيدين ان هذا ابتلاء من الله لهالناس الله يعفي عنا و عنهم .

    اظيف سؤال الى موضوعك ان استمر النقاش .
    ماهو سبب ان اكثر الي يستنزلون من اصحاب البشره السمراء ؟

  6. #6
    عضو مميز الصورة الرمزية khaleeji
    رقم العضوية
    566
    تاريخ التسجيل
    Feb 2005
    الدولة
    ام صلال
    المشاركات
    1,359
    اكثرهم من وليس كلهم من اخواننا السمر

    الظاهر لأنهم يحبون الطرب

  7. #7
    عضو مميز
    رقم العضوية
    4167
    تاريخ التسجيل
    Oct 2005
    المشاركات
    2,144
    قصه حصلت لي في احد الاعراس ولكن من زمن بعيد ....ايام الشباب

    كنت حاضر سامري وحسيت برقله وبروده وشي غير طبيعي

    قلت لفريقي مشينا وطلعت والحمدلله ماصر شي ..ولكن ماحضرت اي سامري بعدها


    هذه الاشياء تعتبر تحضير للجان مثل الزار وغيره


    يعطيك العافيه اخوي -الهدهد على الموضوع

  8. #8
    عضو فعال الصورة الرمزية theeb_qatar
    رقم العضوية
    8873
    تاريخ التسجيل
    Mar 2006
    المشاركات
    1,835
    يابنت ياجــان وشفيـــك تبــكين ...؟
    قــــالت أبــويــــا مــــات وتــركني ... !

    واشكي حالي على الله يا شيوخ المدينه
    واشكي حالي على الله يا شيوخ المدينه
    حالتن في ضميري حسرت كل حالي
    حالتن في ضميري حسرت كل حالي
    اهـ ويلاه قلبي اهـ ويلاه عيني
    اهـ ويلاه قلبي اهـ ويلاه عيني

    تنكس هههههههه

    بس صج السامري بدى ينتشر بكثره في قطر
    تتوقعون اغلب الشباب فيهم زار ؟
    WE BACK AGAIN
    THE NEW SERVER

    SINE UP HERE
    - / -

  9. #9
    Banned
    رقم العضوية
    1612
    تاريخ التسجيل
    Apr 2005
    الدولة
    qatar
    المشاركات
    2,288
    الله يسكنهم مساكنهم عاششششو

    من شفت سوالفك كلها عن الجن وانا داري

    ولا اشوف فيها أي متعه ولا طرب ولا رمنسيه منت بشايف الا خبلان يارب تعافينا مما ابتليتهم

    الي أولها دلع تاليتها ولع

    اخبر عندنا عرس واخر العرس الشباب سامري وانا واقف الا واحد نقز بجنبي نفس الي في المقطع ضربني رووووع

    حطيت نفسي اتكلم في التلفون وانا شال عليه للسياره

    يعني لو نط علي وخنقني من الي بيفكه مني ولا يطرش الي فيه يجي فيني وين اترقع بعدها من سامري لسامري

    ماقول الا الله لايبلانا وتحذف عليهم شراخيات أم خياش القويه في وسطهم

  10. #10
    عضو فعال الصورة الرمزية الحره
    رقم العضوية
    4915
    تاريخ التسجيل
    Nov 2005
    المشاركات
    2,498
    اخوي ابعد عن الخوال

    الحمدلله والشكر والله لا يبلا المسلمين ماتعرف ان هالحفلات حرام

صفحة 1 من 4 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •