1) الجو بمكة في هالوقت آخر شهر ديسمبر 12 وبداية يناير ؟
الجَـو حَلو وبـارد ومافية زحمة
كل سَنة متعوده أعتمر أما في نهاية 1 ولا بداية 2 .. والله يكتبها لي السنة إن شاء الله
2) اي الفنادق المطلة الافضل ؟ من حيث السعر ؟ والخدمة ؟ وسعة الغرف ؟ وسهولة الوصول والنزول الى الحرم ؟ وايهم عندهم غرف ثلاثيه ؟
الفنادق بين أختيارين أما " أبراج البيت " زمزم أو دار التوحيد "الأنتركونتيننال" ..
الحجز دايم يكون أما سَويت غرفتين أو غرفتين بينهم باب ..
الأسعار الحمدلله زينة .. في حدود المعقول والغرف مطلة على الحرم ."في هالحال السعر
يختلف ممكن يزيد 200 ريال أو 400 ..
3) آسمع ان هناك آدوار معينة في كل فندق يكون المنظر فيه الافضل وحتى الغرف تكون اوسع من غيرها حتى وان كانت بنفس الدور ؟ وحتى بابراج زمزم هناك ابراج افضل من الاخرى ؟ ياليت حد يفيدني بمدى صحة هالمعلومة ؟ ويقول لي اي دور افضل من غيره واي غرفه هي الافضل ؟
على مدى 3 سنوات ماحددت الدور اللي أبيه بس من الشروط إن تكون الغرفة مطله على الحرم
وكانت الآدوار إذا ماخاب ظني من الـ 11 لين 20 أو 21 ..
برج زمزم الأفضل .. ويقال إنهم إفتتحوا باقي الأبراج ومنها الموفنبيك ؟ "والله أعلم" ..
بالنسبة لسعة الغرف كلها نفس السعه لكن مشكلتها الحمامات الله يكرمج "صغيرة شوي"
4)طريقة الحجز لهذه الفنادق ؟ هل عن طريق النت ؟ او بالاتصال بالفندق مباشرة ؟ او من خلال مكاتب سفريات هنا بقطر او الاتصال بمكاتب داخل السعودية هو الافضل ؟
يعني انتو تحجزون عن طريق اي مكتب ؟
بداية كنت أحجز عن طريق مكتب سفريات ريجنسي من التذاكر والسيارة والفنادق وكل شي
والمرة الأخيرة حجزت عن طريق الأخ بوسعود "من أهل مكه" له مكتب في مكه المكرمة
ممكن تتواصلين معاه بالأيميل والأتصال ويوفر لج كل شي وماعليج غير التذاكر
ويعطيج خصومات بنسبة 10 إلى 20 بالمئة .. هذا غير الرحلات السياحية لو حابة ..
http://www.rehlataleman.com/web/contactus.html
http://www.rehlataleman.com
5) هل الخطوط القطرية هي الافضل للسفر الى جده ؟ وماذا عن السفر مع الخطوط الجوية السعودية ؟
في كلا الحالات أفضل القطرية ..
6) ابغي سائق اجره امين للتوصيل من والى مكة ؟ وهل نحتاج سياره معنا في مكة خلال الاربع ايام ؟ ابغي اشوف مشاعر الحج عرفات ومنى ؟يمدي الوقت ولا مايمدي؟
الفندق ممكن يوفر لج هالشي .. والأخ بو سعود مثل ماذكرت لج في ردي السابق
العام أخذنا في رحلة من بعد صلاة الظهر .. إلى صلاة العصر
وماشاء الله رحلة ممتعه وتعريفية لجميع مشاعر الحج .. عرفة ومنى ومزدلفة والجمرات
وجبل الرحمة ، غار ثور ، جبل النور .. ماشاء الله كل شي ..
وكانت السيارة GMC جديدة .. ونظيفة .. والسائق له محترم و لبق .. عنده طولة بال
7) طيب عندي سؤال أخير بخصوص الاكل والمطاعم في مكه ؟ وين تاكلون ابغي اكل نظيف وراقي ومكان خاص بالعوائل مابغي الاماكن المكشوفة في المجمع او اللي في الابراج ؟
بالنسبة للمطاعم .. الصراحه ما أضمن لج أي مطعم بسبب الزحمة ..وأغلبية مطاعمهم
مكشوفة
أفضل مطعم الفندق نفسة ..أو الفنادق المجاورة اللي يكون مستواها ممتاز 5 نجوم ..
غيرة ممكن لو أخذتي سويت تسوين لج أي شي خفيف ..
/
موفقين إن شاء الله وإن بغيتي شي آمري ..
وربي يكتب لكم ولنا وللجميع عمرة وحجة العام القادم ..