-
عضو
اي فنادق مكة المطله على الحرم الافضل ؟ وشلون طريقة الحجز ؟
مسائكم خير وبركه
والله يقر عيونكم بشوفة الكعبة
ربي يكتب لي عمره ان شاءالله بنهاية شهر 12 هذي السنة ويتممها علينا بخير
والعدد 2 حريم و3 شباب وان شاءالله راح يزيدالعدد
فبغيت استفسر من اهل الخير وزوار مكة ومحبيها عن شوية امور
1) الجو بمكة في هالوقت آخر شهر ديسمبر 12 وبداية يناير ؟
2) اي الفنادق المطلة الافضل ؟ من حيث السعر ؟ والخدمة ؟ وسعة الغرف ؟ وسهولة الوصول والنزول الى الحرم ؟ وايهم عندهم غرف ثلاثيه ؟
3) آسمع ان هناك آدوار معينة في كل فندق يكون المنظر فيه الافضل وحتى الغرف تكون اوسع من غيرها حتى وان كانت بنفس الدور ؟ وحتى بابراج زمزم هناك ابراج افضل من الاخرى ؟ ياليت حد يفيدني بمدى صحة هالمعلومة ؟ ويقول لي اي دور افضل من غيره واي غرفه هي الافضل ؟
4)طريقة الحجز لهذه الفنادق ؟ هل عن طريق النت ؟ او بالاتصال بالفندق مباشرة ؟ او من خلال مكاتب سفريات هنا بقطر او الاتصال بمكاتب داخل السعودية هو الافضل ؟
يعني انتو تحجزون عن طريق اي مكتب ؟
5) هل الخطوط القطرية هي الافضل للسفر الى جده ؟ وماذا عن السفر مع الخطوط الجوية السعودية ؟
6) ابغي سائق اجره امين للتوصيل من والى مكة ؟ وهل نحتاج سياره معنا في مكة خلال الاربع ايام ؟ ابغي اشوف مشاعر الحج عرفات ومنى ؟يمدي الوقت ولا مايمدي؟
7) طيب عندي سؤال أخير بخصوص الاكل والمطاعم في مكه ؟ وين تاكلون ابغي اكل نظيف وراقي ومكان خاص بالعوائل مابغي الاماكن المكشوفة في المجمع او اللي في الابراج ؟
وبس وربي يجزيكم كل خير ويبلغكم كلكم مكه عمرة وحج ان شاء الله
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى