أعضاء المنتدى
السلام عليكم ورحمة الله
إذا الله وفقك وعندك أرض وما تعرف شتسوي فيها
فما أفضل طريقه لاستثمارها؟
بصراحة اللي خلاني أفكر في الموضوع أن عندي أرض ، وأعرف وايد شباب عندهم أراضي إما ملك خاص أو من الدولة ومب عارفين إيش يسوون فيها
بالنسبة لي عندي أرض مساحتها 1000 في عين خالد خاصة و1200 في ام نسيم حكومية
من الشباب من قالي سورها واجرها حوطه
وفي من قالي الأرض الحكومية ما تقدر تأجرها لكن الخاصة أوكي
وفي من قال خل البنك يبنيها ويأجرها
فإيش رايكم من واضع خبراتكم؟؟؟
,
,
مرحبا
اول نصيحه تبعد عن البنك وتتحرك براس مال حر
يعتمد على تفكير صاحب الارض في 3 نواع من التفكير
(1)
نوع يمسك الارض للزمن ولاولاده ومن المستحيل يبيع الارض لانها عزيزه عليه ويخليها ذخر
(2)
نوع يستثمر في الارض ويحرك السيوله اذا كانت ب مليون ريال يبيع الارض ويروح يشتري في منطقه اطراف الدوحه ويصبر عليها شوي ولما يرتفع الفوت يرجع يبيع بمليون و 300 الف على سبيل المثال ويربح له مبلغ ويرجع يشتري في الاطراف ايضا ويبيع له الى ان يوصل المبلغ مليونين ريال .... الخ احنا نسميها مضاربه في الاراضي بيع وشراء
ويقدر اخر المشوار يكون عنده سيوله تكفي لبناء ( فيلا ) للايجار او البيع
(3)
يشارك شخص من القرايب او صديق عزيز او احد الاهل الزوج او الزوجه او الاخ او الاخت
هو بالارض يقيمون سعرها وقت الاشتراك والشريك بالمال للبناء يبنون( فيلا) عليها ويبيعونها
وكل شريك بنسبته او حصته او النص بالنص حسب الاتفاق
يصير مبلغ راس المال اكبر ويكررون العمليه في مكان مختلف ويربحون باذن الله
حتى يصير لكل شخص ( فيلا ) لحاله ويقررون يستمرون او ينفصلون كل واحد لحاله
والله سبحانه وتعالى يرزق الجميع
اولا واخيرا كلها ارزاق من رب العالمين وما على الانسان الا الحركه والعمل وما يخاف من شيء ولا يتردد لان الله سبحانه يسهل الامور بطريقه محد يتوقعها
شكرا على الموضوع
,
,
اخوك
شموخ دائم
كفيت ووفيت شموخ دائم
وبالتوفيق يا darkuae
" اَللّهُمَّ ارْزُقْني حَجَّ بَيْتِكَ الْحَرامِ ، فِي عامي هذا يا رب "
ضوابط المشاركة
رد مع اقتباس