افضل ارضية لغرف النوم ؟؟ ساعدوني ؟؟

[الورد مفتوني]

شنو افضل ارضية لغرفة النوم سيراميك ولا بورسلان ولا باركيه أرجو مساعدتي ؟؟ وجزاكم الله خير جمعياً

[MAZEN37]

بورسلان وقطع سجاد افضل شي
انا مجرب كل الاشياء

[ذيب سرحان]

سيراميك أحسن والسيراميك انواع على حسب الكواليتي وانصار سيتي اسعارة مناسبة جداً

[الأصيلة]

السيراميك بارد على غرف النوم
الأفضل وعن تجربة باركية جلد عند العمودي
دافي وممتاز لـ غرف النوم
وماله صوت عند المشي عليه...
وسعره مناسب...

[naklan]

حياك الله اختي الورد مفتوني

اختي الكريمه

صالات الفلل والمجالس رخام

وغرف النوم حسب الرغبه الشخصيه

ممكن بلاط شعبي ونفرش عليه سجاد

وممكن بورسلان وممكن سيراميك

وممكن باركيه مثل ما تفضل الاخوان

انا افضل البورسلان الراقي واوزع قطع سجاد صغيره

شكل انيق وصحي واحسن من السجاد

تفرجي على شغل مركب لكل الانواع

وشوفي قناعتك الشخصيه

موفقه ان شاء الله



اخوك/naklan

[فتى الجود]

السلام علييكم

خلك على البلاط الشغبي وافرشه موكت احسن لك ياخوى

ترى الباركية والبورسلان مايجيب الا المرض
لانه يكون جسمك دافى لما تجلس من النوم
ولما تلامس رجولك الراض ام صداع والا اسخونه

فذلك تركب الموكيت العادى احسن وانظف 100 مرة

وماتشوف شر

[نور قطر 1]

يفضل لغرفة النوم سجاد

البورسلان يفضل بالممرات وصالات

غرفة النوم يجب تكون دافئ بالسجاد

[ماجد]

السيراميك والبورسلان بارد حتى بالصيف لو المكيف شغال

وحط ببالك ان لابس تكون لابس نعال على طول لان الارضية تكون باردة

ان بالنسبة لي غرف النوم أفضل بلاط شعبي وفرش موكيت ادفى وافخم

ولو جا على بالك (تتمغط) على الارض ماراح تواجة اي مشكلة

[LOLOO]

بالنسبة لي ركبت باركية من عند مفروشات صلاح بصراحة طلع واااجد حلووو بالغرفة وخاصة اذا وزعتي فوقه قطع سجاد واذا حابه البورسلان فيه منه نفس تشكيلة الباركيه....ا

[مهل]

الظاهر انتو في بيوتكم تمشون بنعل اعزكم الله

عن نفسي ما احب الا السجاد (كاربت) و تحته الاسفنج