السلام عليكم و رحمة الله وبركاتة
انا مسافره لـ دبي .. و ابغي كذا شغله اتمنى القى تجاوب معاي ..
و ابي اعرف كل واحد لو يروح دبي اش يبي من هناك ؟
ووو الله يخليكم ممكن تدلوني على :
1- محلات حلوة ومب موجوده فالدوحة ..
2- مطاعم و كافيات حلوة ورومانسية خصوصا ان هالرحله تصادف ذكرى زواج ..
3- اماكن لتجهيز المواليد ..
4- وووووووو كل مكان حلووو و كل شي حلووو تعرفونه قولولي عنه ..
وشكرا
و حياكم الله
((اللهم زملني بالعلم و دثرني بالحلم و أكرمني بالتقوى وجمّلني بالعافية ))
(( اللهم صبّ عليّ الرزق صباً صباً ، و لاتجعل عيشي كدّاً ولانكدّاً ))
(( اللهم سهّل لي بالعلم طريقاً إلى الجنة ))
[/COLOR]
السكن في فندق المنزل بجانب برج خليفه
التسوق من مول دبي بجانب الفندق وهناك الكثير من الاشياء الرائعه
من كفيهات ومحلات
اما فندق المنزل عجيب خاصه البانيو الي وسط الغرفه ترا حركته عجيبه الصراحه سكنته اول مافتح 2007 وعليك بلكوفي الي في مول الأمارات تطلعله بمصعد لتوضيح واتلانتس وفيه اكوريوم وبسلامه
مرداك ياوقت(ن)فنيت المناعير اضحى الثعل عندك سواة الذيابه
أولا رحلة موفقه
ثانيا الاماكن التي انصح بزيارتها:
المولات:
1- دبي مول
2- سيتي سنتر - مردف "جديد"
3- مول الامارات
4- ميركاتو - جميرا
5- سوق جميرا
6- Uptwon - مردف
7- فستفال سيتي مول
الاماكن السياحيه
1- الممشى The Walk - JBR
2- المرسى
* لكن يشترط ان الجو يكون حلو لانها أماكن مفتوحه
المقاهي:
1- أرماني كافيه - دبي مول
2- فوشون - دبي مول
3- جوز كافيه - دبي مول و أنصح بطبق الحلوى المعروف Sticky Date Tart
المطاعم:
1- برج الحمام - جميرا
2- قصر الهند
3- وافي قورميه - دبي مول أو فستفال مول
4- و هناك مطاعم كثيره في المجمعات اللي ذكرتها
هذا اللي عندي في الوقت الحالي
و بالتوفيق ان شاء الله
*¤ أشـتـريـج بـمـاي عـيـنـي يـا قــطـــر ¤*
مول دبي في كل شي ويغني عن كل المجمعات
مول دبي
سوق التنين
مركز الهيل حق العبي <<<< لعبتنا يالحريم
مطاعم حلوه
امممممممممممممممممممممم
مطعم في فندق القصر اولد تاون في وسط البحر عجيب واكله مب واجد حلو لاكن قعدته رومنسيه حدها وفي نص البحر يطل على النافوره الراقصة هاي اذا كنتو برع وداخل الطوفه زجاج على البحر المطعم قمه في الرومنسيه و النور خفيف لدرجة انه فيه ليت صغير في المنيو
ادري طولت عليكم
(( لا اله الا الله ))
مول دبي احلى من امارات مول بمليووووووووووووون مره وبتلقى فيه كل شي
وبالنسبه للكوفي شوب
انصحك بجوز كافيه
وتجرب فيه طبق الروزاريتو وكيكة التمر
وبتلقاه في تقريري لسفرة دبي
وتروح وترجع بالسلامه
مشكووووووووووووور
كل شئ في دبي حلو
ضوابط المشاركة
رد مع اقتباس