هل مناقشة المرأه للرجل بمواضيع جاده بالمنتدى حرام؟؟؟

[MAZEN37]

السلام على اهل السلام
افكر بهالموضوع وخاطري باجابه ,, بس مقنعه ومن الشرع والدين
كيف النقاش كذا عادي بين الرجل والمراءه حتى لو النقاش جاد
نساء متزوجات ورجال متزوجين
بنات واولاد غير متزوجين
هل هذا الوضع مقبول ولا هو خيانه
هل تقبل زوجتك تناقش رجل على المنتدى عادي يعني
هل تقبلي زوجك يناقش مرأه على المنتدى عادي ونقول نقاش برىء
يمكن التكنولوجيا الحديثه غيرت تفكيرنا ومعتقداتنا
امرنا غريب واحس انه الاغلب يناقض نفسه
:secret:

[شبح الصمت]

انزين وانت اشله مشارك في المنتدى !!!

دامك مش مؤيد للفكره !!!

ياخي اهم لا تكشفو علينا والا احنا تكشفنا عليهم

ترى هي كلها نكات ولاحدن يعرف الثاني !!

مابي افتي بس موضوعك يسبب الفتــنه !!

وشيء ثانــي حطه في بالك كل واحد وتفكيره شنو الي يبـي يوصله منها أو هي شلي تبيه منه !!!
:anger1:

يرجى الحذف

[بوعبدالله779]

السلام عليكم اولاً لابد من وجود الثقة بين الزوج والزوجة وهاي الاساس في الحياة الزوجية يعني المنتدى شي بسيط جدام بلاك بيري عند الزوجة وثانياُ : مافي اي مشكلة في مناقشة الهادفة واللي تنفع الطرفين وتنفع عامة الناس مدام الاحترام موجود وحسن النية

[بـــــــنت النوخـّــــذه]

ما الفرق بين تعامل الناس (المحترمين)

داخل المنتديات
و
بالمستشفيات

و

بالوظائف الحكوميه

و

بالاماكن التي تستدعي مناقشه وحديث بين الطرفين امام الملأ (ضمن حدود وشروط)

صراحه بعض المواضيع اسمحولي اتثير الشك وتكون دافع لاثارة الفتن00من الاخر كلن يعمل بأصله وبتصرفه والاهم من هذا وذاك لانجعل الله اهون الناظرين إلينا وين ماكنا وبس^_^
وللعلم ترى وايد ناس ماهمهم غير المناقشه الفعّاله فقط
وملاحظه أخيره : الحلال والحرام هذي كلمات صعبه ومهب بالساهل نجي ونحكم على قوله القائل من قال لا فقد افتى000

مازلت استعجب ويزيد استعجابي بكثره المواضيع الي تركز على الاماكن وتترك الصفات الشخصيه والشاذه لدى البعض يعني لماذا نربط التصرفات الشاذه بالاماكن ليش مايتم مناقشه التصرفات الشاذه بعيد عن تحديد مكان معين امركم عجيب والله بعد ماناقص الا اتقولون ان هالمشاركات تساعد على التعدد0
تحياتي للجميع


سلام (ن) عليكم escape

[do7awi]

ياحبكم لهذي السوالف. تدورون الهواش على حلال و حرام. هل هم شافوا بعض؟ تغزلوا في بعض؟ مسكوا بعض؟

مش مسألة نكات والا لا ..

موضوع تافه و طفولي

يرجى الحذف

[مخطط قطري]

مرحبا اخوي داش على كبير انت شكلك يايبه ترى على فكره يعني لو فرضنا انه في ناس يتناقشون على المنتديات ولا حتى اي وسيله اتصال ماتقدر تمنع لانه هذا صار ومع احترامي لموضوع ياخوي ترى المنتدى من زمان ومختلط في كل شي فا اجابتك طبعا بيكون لي يبي يناقش مع بنات كيفيه بيناقش لاي مايبغي براحته:)

[العقل المدمر]

ماعرف عن راي الدين
بس دام نقاش هادف وله مغزى ومافيه فتنه ولا خلوه
عادي شالمشكله
ارضى اي حد من هلي يناقش عالمنتدى :)

[همر]

السلام على اهل السلام
افكر بهالموضوع وخاطري باجابه ,, بس مقنعه ومن الشرع والدينكيف النقاش كذا عادي بين الرجل والمراءه حتى لو النقاش جاد
نساء متزوجات ورجال متزوجين
بنات واولاد غير متزوجين
هل هذا الوضع مقبول ولا هو خيانه
هل تقبل زوجتك تناقش رجل على المنتدى عادي يعني
هل تقبلي زوجك يناقش مرأه على المنتدى عادي ونقول نقاش برىء
يمكن التكنولوجيا الحديثه غيرت تفكيرنا ومعتقداتنا
امرنا غريب واحس انه الاغلب يناقض نفسه:secret:

وانت ما تلاحظ انك مناقض نفسك يوم انك تبي اجابه مقنعه ومن الشرع والدين جاي تسأل علماء دين في منتدى للافتاء مثلاً ؟!!

ماتدري ان طرحك للموضوع في "الحوار العام" بيسوي بلبله وكل من هب ودب بيخيط ويبيط ؟!!

ولا تدري ومتحمس للأكشن ؟!!

زين واذا ردت عليك وحده الحين بترد عليها ولا شسالفه بالضبط انا مش فاهم شالفايده وين جوهر الموضوع ؟!!

[مخطط قطري]

اختي العقل المدمر كيف حالك هو يقصدر ايش موقف الموطن القطري هل يسمح انا اشوف نعم ممكن يصير وممكن ناس ترفض

[ودي أكون]

ياجماعة البنت ماحرمت ولا حللت .. يالسه تسأل هل حرام أو حلال ..

وين الغلط في سؤالها !!


بالعكس اشوفه سؤال صريح وحلو ..


المناقشه لو كانت في حدود .. ولو كانت بالفعل مناقشه للوصل الى نتيجه وهدف للمعرفه والاصلاح .. فهي مناقشه بالطبع حلال ..


ولازم مانغض البصر عن بعض المناقشات اللي اتكون سليمه واهدافها سليمه لكن قد تاخذ منحى اخر !! واهني على الطرفين الوقووف !! والا فالمناقشه ماراح اتحقق اي نتيجه غير .. !!


واحيانا في مواضيع موشرط لازم اقنع اطرف الثاني فيها .. كلن له وجهة نظر .. بس انلاحظ بعضهم لا .. الا اقنعك !! .. الا اتناقش معاي !!

هل هاذي مناقشه ؟!


الموضوع اشوفه عادي ومايستدعي الحذف .. والسموحه ..