مشاركة العنابي المتواضعه في عدن

[Arab!an]

اتوقع ان الكثيرين ماعاد يهمهم المنتخب مثل قبل ..

والمسؤولين مصرين اصرار عجيب على الاستمرار في موضوع التجنيس رغم ان النتائج مخيبة على مدى السنين اللي فاتت ..

خلاص رجعوا منتخبنا الوطني وخلوه فعلا منتخب وطني وخلونا انشجعه ونحس فيه .. وخلوه يخسر مافيها شي المهم يبقى يعنينا ويهمنا ..

اللي يغيض منظر انس مبارك يوم ضيع الفرصة وقام يسوي علامة الصليب ! شدعوه الى هالدرجة وصل الامتهان

اقول يا مسؤولين بسكم .. كفاية بسكم عناد

واحد كان عنده فكرة جهنمية ويعتقد انها اللي بستوي وبتفعل وبتخلينا اقوى منتخب في العالم .. ماصار اللي يتمناه وطلعت الفكرة فاشلة .. ليش الاصرار على الاستمرار فيها ؟

كل المجنسين امس ماقدموا ما يشفع لهم .. وان قدموا في الماضي فإن ماقدموه يوازي ما يقدمه الآخرون وليسوا بالافضل

يعني .. سبستيان وانس مبارك وكسولا وفابيو وغيرهم .. يفشلون امام منتخب - صف ثالث - ؟ وهم من المعتبرين بأنهم خبرة اصلا

يعني قمة الفشل واذا لم يتخذ تعديل في أصل المشكلة وليس القشور .. فأن المشكلة ستظل بدون تغيير

[الألماسي]

الـدوري القطـري يمتلك لاعبين على اعلى مستوى . . و لكن الحلقه الاضعف هي المدرب اللي صار له يتخبط سنتين . .

يتوقع المحللين و النقاد ان نهايه ميتسو " كتبت " بعد مباراه السعوديه امس . . و قضيّه تعيين المدرب البرازيلي " لازاروني " مسأله وقت . .

هنـا انا متفـائل في " اسيـا " . .

هـارد لك للجميـع . .