اصحاب التجارب التجارية

[a.tegara]

اتفقت مع احد الاخوان اسيوي الجنسيه على ان اعطيه سجل تجاري ليبداء بمشروع وهو عمل وجبات اكل تقريباً لـــ 400 شخص حسب ما قال . انا اعطيه السجل و اوفر له تأشيرة عدد 2 عمال وهو طبعاً راح ينقل على كفالتي في مقابل ذلك كم يجب ان يكون الاتفاق في هذي الحاله وايش نصيحتكم في التعامل معاهم اتمني الافاده من اصحاب الخبره

[شموخ دائم]

,

,

مرحبا

بالفتره الاخيره صار طلب على هذه النوعيه من العمل
توفير وجبات ( لعمال ) شركه معينه

راح يقوم الاسيوي يستأجر بيت في احد المناطق السكنيه
ويطبخ الوجبات فيه ويوصلها بسياره الى سكن العمال
او مكان العمل وقت الغداء والعشاء

وعاده الاسيوي يدفع مبلغ بحدود 3000 ريال لصاحب السجل شهريا
في اول سنه
ويزيد المبلغ اذا تعاقد عدد اكبر في السنه الثانيه يصبح 4000 او 5000 ريال
على حسب الاتفاق

المسئوليات الي على صاحب السجل

1- ايجار المكان
2- قصد سياره
3- رواتب العمال

والمسئوليه القانونيه امام وزاره الصحه والبلديه
على اعتبار انها وجبات اكل وفيها شروط النظافه


اخوي الكريم اذا هذا الاسيوي تعرفه زين ونشيط وشغول وله علاقات طيبه مع الشركات
اشتغل معاه وحذره يتجنب ( الرشاوي ) لان الشغل مع الشركات هذي يطلب دفع رشاوي
لتوقيع عقود وياهم

والله يرزقك الرزق الحلال

بالتوفيق لك

,

,

اخوك


شموخ دائم

[العجي قطر]

يعطيك العافيه وبالتوفيق

[a.tegara]

انا اتفقت معاه مالي شغل غير السجل توفير التاشيره يعني هو راح يتحمل الاجار والرواتب
راح يدفع خلو لمحل بالصناعيه 40 الف والاجار تقريبا3000 ريال مادري اشرايكم ادفع الخلو معاه والا اتركه احسن لي من عوار الراس وهو بيشتغل من قلب لانه دافع وتعبان على الشغل ما راح يتهاون انا ابصراحه طلبت 10,000 ريال في الشهر لانه اعتقد انهم ايدخلون وايد خاصه التعاقد مع شركات.

اخوي شموخ دائم في انتظار ردك والاخوان

[شموخ دائم]

,

,

مرحبا

اخوي انا وضحت لك الامور القانونيه لو الاسيوي عجز عن السداد
انت راح تسدد الايجار ورواتب العمال وكل المصاريف لانك صاحب السجل ولانك الكفيل

انتوا شنو اتفقتوا مع بعض هذا ماله علاقه بالامور القانونيه حزه المشكله انت المسئول
وانت صاحب السجل

القانون يقول القطري 51% والاجنبي شريك 49%
هذا قانون دوله قطر ومافي شي اسمه ( تأجير سجل )

انت الان تعمل بطريقه ان المحل لك كامل لان السجل باسمك ولايوجد شريك معاك
لذلك انت تتحمل كامل المسئوليه والاسيوي مجرد عامل بشركتك

بالنسبه للخلو

اذا تبي رايي ( ادخل معاه شريك رسمي ) وادفع نص الخلو
راح تستفيد اكثر وراح يكون الشركه لك فيها النص وليس مجرد ايجار سجل
راح تكسب وتربح ان شاء الله وتتعلم التجاره معاه وتتوسع الى امور اكثر
بكره بيطلب منك زياده السيارات ويطلب منك زياده عمال ويطلب منك
يعمل فروع ادخل معاه شريك احسن لو انا مكانك
شاركته والله بارك في الشراكه

اما مسئله 1000 ريال ما انصحك فيها لانها في الاخير ما تستاهل تدخل مخاطره في شي
اما تدخل شريك النص بالنص او اطلب مبلغ زين 3000 اقل شي

1000 ريال ما تسدد لك فاتوره جوالك

ما تستاهل




بالتوفيق لك

,

,

اخوك


شموخ دائم

[a.tegara]

انا طلبت 10,000

[a.tegara]

شكلي بدخل شريك مثل ما قلت

[شموخ دائم]

,

,

مرحبا



زين سوري انا شفت 1000 ريال مو 10 الاف

اعتقد ما بيوافق لان اول سنه مو معروف الدخل والحسبه ما تتضح زين له

عموما لو وافق مبلغ زين

والله يوفقك يارب

,

,

اخوك


شموخ دائم

[مشتاقة لقطر]

ماقصر شموخ دائم

والله يوفقك يارب

[a.tegara]

انا اشهد انه ماقصر ودايم سباق في الرد على استفسارات الاخوان عسى الله يوفقه