محتار بين البلاك بيري او الايفون ماذا أشتري / نصيحتكم

[مرتبش]

ايفون بالنسبة لي
جربت البلاكبيري..في النهاية ماعجبني لانه للشات فقط
واغلب مسجاته مكررة او شبيهة بالمنتديات..واشاعات..

فقمت احطه على الصامت وقت الدوام ووقت الراحة في البيت على الصامت الى ان انتهيت بالغاء الاشتراك

شاشة الايفون احسن واكبر ومناسبة للنت ..والحين لما اسافر ما اشيل اللابتوب..
هذا اللي حبيت اضيفه من تجربتي

[نجم سهيل]

السلام عليكم

مافي أي وجه مقارنة .. أنا عندي الاثنين

البلاك بيري حق السوالف والمحادثات والبرودكاست فقط

أما الآيفون فايدته كبيرة بالنسبة للانسان العملي

من ناحية البرامج العملية بذكر لك منها كذا واحد :

- برنامج المورد القريب وهو عبارة عن قاموس ( عربي انجليزي ) (انجليزي عربي ) مصمم بشكل احترافي ويشمل القواعد من تصاريف وأفعال وغيرها من نطق للكلمة في بعضها

- برنامج اتجاه القبلة .. في منه عدة برامج في بوصلة تحطها وين مابغيت وتحدد لك قبلتك .

- برنامج القرآن الكريم .. غني عن التعريف طبعا ..

- برنامج تفسير القرآن الكريم ومعانيه

- برنامج موسوعة الحديث الشريف .. ويشمل مجلدات الحديث من صحيح البخاري وصحيح مسلم وسنن الترمذي وابن ماجه وابن داوود والنسائي ... إلخ

- برنامج تفسير الأحلام ( لإبن سيرين والنابلسي ) مجلدات كاملة طبعا ً

- برنامج للأذكار

- برنامج الأربعين النووية

- برنامج لسان العرب وأيضا ً القاموس المحيط

- برنامج مشاهدة قناة الجزيرة الإخبارية والرياضية مباشرة وعلى درجة وضوع عالية وفي قنوات اخرى قليلة

وغيرها الكثير اخوي

وبالنسبة للميزات الأخرى ..

جودة الجرافيك في الجهاز

أسرع شاشة لمس

سهولة الاستخدام

بتنسى سالفة التعليق في الجهاز مثل البلاك بيري وبقية الاجهزة

ان كنت من اللي يحبون الألعاب بتلقى اللي يسرك

وعطني خبر ان عزمت
ولك هالبرامج مني مجانا ان شالله

بالتوفيق ان شالله

[بولينجر]

الايفون طبعا وعن تجربة للجهازين لفترة طويلة.... هو جوال المستقبل بكل تأكيد.....

[doha_vip]

السلام عليكم ..

اخوي الغالي محد يقدر يحكم لك اي الجهازين افضل لانه مافي بينهم مقارنه لاختلاف الغرض منهم

يعني مثلا البلاك بيري مخصص للاعمال ولكن ماقصرنا احنا فيه وخليناه للكل بس الاي فون مخصص للكل طبعا والمواصفات لها دور يعني ... اذا انت تستعمل النت بكثره وتتراسل بالايميلات والمسجات
وتحتاج دايما تكون متواصل مع العالم الخارجي بالانترنت فما لك غير البلاك بيري لانه مخصص لهالامور بالاضافه انه عندك الرسايل الفوريه والمسنجر والياهو وغيره من البرامج واضافه حسابات بريد الكتروني ( انبكوس)

اما الاي فون فهو اقل سرعه فالكتابه من البلاك بيري لانه باللمس لكن مواصفاته جدا قويه ويمكن استخدام الانتر نت فيه لكن مش بتقنية البلاك بيري ونفس الخدمه والسعر في اختلاف طبعا

الاي فون شكله حلو واستعماله جميل .. ومسلي
لكن مايصلح في مجال الاعمال والمراسلات

انا شخصيا كان عندي الاثنين .ز واستغنيت عن الايفون لانه ماكان لي حاجه فيه غير اني العب فيه وانزل برامج والعاب ولكن فايده تذكر مافي

اما البلاك بيري ليومك اراسل وتراسل فيه وماحس بالوهقه اذا ابي اطرش ايميل او افتح ايميلي ومافي لاب توب

لانه فعلا يغني نوعا ما عن الاب توب

وارد واقول مافي بينهم مقارنه شوف حاجتك وشوف شلي يتناسب معاها

تحياتي والسموحه على الاطاله
وأي شي انا حاضر

انا معاك .. وماشاء الله ردك وافي .. ومشكله الايفون البطارية لازم على طول معاك الجارج

وبالتوفيق

[simsim1963]

بلاك بيري افضل للتواصل . الآي فون كمبيوتر + تلفون

[top_telecom]

بلا بلاك بيري بلا ايفون HTC جمع كل شي بجهاز واحد


http://www.qatarshares.com/vb/showthread.php?t=424382

[toomi9]

iphone

[بوحارب]

خذلك بي بي عشان اضيفك

عندي لك شغلات حلوة ههههههههههههههههههههه

[meeemz]

انا عندي الاثنين وبصراحه البلاك بيري جهاااز غبي وسخيف وتافه .. والناس خلصت من النكت اللي تظحك وقاموا يطرشون نكت سخيفه تفقع المراره .. والله من سخافه اللي يرسلونه سكرته ولا جددت اشتراكي
الاي فون من افضل الاجهزه اللي اخترعوها بعد الكمبيوتر لانه يجمع كل انواع التكنولوجيا في جهاز صغير

['Des]

شوف انا عندي الاثنين بس كل واحد له مميزاته
اذا تحب التغيير اخذ الآيفون لأن ما يملل كل مرة بتلقى شي جديد من تحميل برامج وألعاب وغيره
أما البلاك بيري الأغلبية ماخذينه عشان المسنجر وما نفعنا الا فتكسر اليد من كثر مانسولف