استفسار : محتاج فندق او شقة في دبي بالقرب من حمر عين

[ثاني]

السلام عليكم
ادري ازعجتكم بالاستفسارات بس لان السفرة قربت وانا للحين ماحجزت الفندق...

انا كتبت موضوع عن شقة ديباج الخبيصي بس محد مدحها لي

وبس بغيت منكم تساعدوني في شقة او فندق قريب من مجمع حمر عين واتمنى تعطوني رقم تلفون الفندق او الشقة ويعطيكم العافية واسف على الازعاج

[La Bella]

أخوي في شقق الماريوت
قريب من حمر عين
ووايد ممتازة ونظيفة أذا تبيها
أخوي عطني الفتره الي بتروحها والتفاصيل على الخاص وبحجز لك عن طريق موقع بوكنغ

http://www.booking.com/hotel/ae/marr...out=2010-12-28

وهذا النك تقدر تشوف الصور

[لمعة الالماس]

فندق جي دبليو ماريوت دبي 5 نجوم

وبصراحه هادي وممتاز وخدمة روعه بس اطلب الغرف اللي تطل على داخل الفندق عشان الهدوووء

وهو لازق بمجمع حمر عين بينهم ممر

وهذا موقع الفندق

http://www.marriott.com/hotels/trave...t-hotel-dubai/

[البحار00]

الماريوت بينه وبين حمرعين باب

وبعدين الفندق حلو وهادي وسعرة رخيص

وميزتة انه كل يوم جمعه يحطون العاب ونطاطيات لليهال الي ساكنين مع اهلهم في الفندق

[ثاني]

هلا اخواني ...
ماقصرتو ولله بس ممكن تعطوني فنادق متوسطة مثل 4 او 3 نجوم وتكون شقق او فنادق وشكرا لكم

[حالي الذوق]

فندق الماريوت غالي هذي الايام بحدود الالف وميتين ريال ويقع يمين المجمع ( ممتاز)
شقق نجوم تقريبا 600 ريال مع الفطوروتقع يسار المجمع (ممتاز)

شقق اسفار خلف المجمع تقريبا 300 ريال بس ما جربتها بصراحه
شقق ديباج مجربها وما انصح فيها ابدا وخاصه للعوايل اذا بروحك توكل على الله هي ليله وتعدي

فندق رمال روتانا في شارع المرقبات مقابل مطعم بيت المندي والمطعم الشامي يعتبر قريب من المجمع تقطع الشارع بس والليله فيه 535 ريال مع الفطور ( ممتاز)

[ثاني]

ماقصرت يالغالي وتم الحجز في اي بي اي اس الرقة وشكرا

[البدع]

الماريوت حمر عين كان معروف انه فندق اهل قطر في التسعينات وبداية 2000

الله يرحم يوم كنا ناخذ الغرفة ب 300 ريال في الماريوت

الحين الف وطالع

سبحان مغير الاحوال

[بوبندر]

شقق النجوم الفندقيه بينها وبين حمرعين طوفه

[القلم الصريح]

الخبيصي ورا حمر عين