الله يشافيه ويفرحك فيه ويكون قرات عين لوالديه
الله يشافيه ويفرحك فيه ويكون قرات عين لوالديه
يخاطبني السفيه بكل قبح فأكره أن أكون له مجيبا
يزيد سفاهة فأزيد حلما كعود زاده الاحتراق طيبا
الله يشفيه ويعافيه
ويقومه بالسلامة وترجعوا وهو بأحسن حال
مطلوب وظيفة في قطر سائق او مرافق شخصي
الله يشافيه
الله يشفيه ويعافيه ويجزاكم كل خير
اصلح النيه دائما
افعل الخير ولا تنظر لما قدمت لانه يبقى صغيرا في ميزان اعمالك الذي هو اوسع من السموات والارض
.
خير تفعل شر تلقى ...الله يسامحج يالغاليه
ربي يجبر بخاطرك فيه ان شاءالله وتقر عينك بشوفته معافى ان شاءالله
ويشافي كل مسلم ومسلمه ان شاءالله
الله يرجعكم سالمين ان شاء الله
اليوم 23/24:
اليوم الاربعاء:الحمدلله الامور صارت طبيعيه..ورجع الجدول اليومي للعلاج..اليوم ابتدوا لنا علاجات صينيه تقليديه..الوخز بالابر الصينيه..وادويه عن طريق الفم..بس الادويه صراحه لو انا يمكن ماقبل اخذها..الطفل تم ساعتين وهو مصكر خشمه من الريحه..في الليل عزمونا المترجمات في مطعم باكستاني..
اليوم الخميس.:موعد الزراعه الثالثه عن طريق الحبل الشوكي..الممرضه من الصبح موجوده في الغرفه لاخذ الحراره والظغط..صحيته اليوم بدري وامس نومته بدري علشان ماتعب وياه عقب الحقنه.عقب الفطور عطيته العلاج الصيني.بس للاسف هاي خلاه يتعب في العلاج الطبيعي وماكان طبيعي...الساعه10 ونص رحت وياه غرفة الوخز بالابر الصينيه..وغير الابر في شغلة جديده (يحرقون شي على بطنه)في الغرفة كان في مريض جديد..هو الليبي اللي وصل قبل كمن يوم..ونفس اللي سووه لنا كانوا مسوينه له..الغرفه صارت شي لايطاق..المهم سألت المترجمه عن هالشغلات وعقب ماسالت الدكتور قالت انها اعشاب صينيه تساعد في الدوره الدمويه.عقب ماطلعنا طلبت الغدا وخليتهم يجيبونه متاخر شوي..بس المفاجئه انهم طرشوا الممرضه تعطيه المخدر الساعه12 ونص..للحين الغدا ماوصل..طلبت من مطعم قريب ومافي فايده..الغدا وصل مع بداية مفعول المخدر..تم الولد يصيح يبي الغدا بس ماقدر يااكل..دخل غرفة العمليات الساعه وحده وثلث...طلع بعد ثلث ساعه..والحمدلله انه تم نايم لين 6 ونص.وحاولت اخليه ياكل بس ماقدر..ورد ينام لين صحيته الساعه 7 علشان ياكل..انتهى اليوم...تحيااتي
التعديل الأخير تم بواسطة خالد1977 ; 20-01-2011 الساعة 02:42 PM
الله يقويك اخوي خالد ويردكم سالمين
اليوم 25/26:
اولا نسيت اقولكم ان الخلايا الجينيه اذا طلعت من المصدر لها فتره صلاحيه بسيطه..حسب كلام الدكتوره لين طلبت منهم التاجيل لمدة ساعة علشان الولد يخلص غداه..قالت انها لوطولت مفعولها راح ينتهي ومالها اهميه.
اليوم الجمعه:كالعاده عندنا التمارين الطبيعيه والابر الصينيه..وتم الاتفاق مع الدكتوره المشرفه تسوي لنا موعد قبل الاجازه الصينيه علشان الفحص الاخير للوجه والتاكدمن العمليه هل هي مستعجله ام لا..الساعه 6 الولد الظاهر اشتاق لخوانه في الدوحه ورد السالفه بكى وانه زهق يبي يطلع..كان مستحيل نطلع في هالبرد وخاصه اني ماعرف اي مكان ولا اعرف الاسواق..بس المترجمه قالت بتودينا السوق يغير جو..(طلعات الطفل من المركز كانت على كفالة المترجمه او في ورقه اوقع عليها)المهم رجعنا عقب ماغير جو واشترى بعض الاشياء يتسلى فيها..
السبت:اليوم اجازه عندهم ومافي شي الا جلسة وحده للعلاج الطبيعي..وطول النهار في الغرفه..اكتشفت وجود عائله جديده وصلت الخميس من ليبيا بس للان ماعرفت شنو نوع المرض او المريض اللي عندهم..تقابلت مع اسره اماراتيه امس بس الظاهر انهم ماكملوا لانهم جايين بدون موعد وعن طريق السفارة..تحيااتي للجميع
بالسلامه ان شاء الله ..
My Insta :- @SalmanQtr
.: إذا خاطبك السفيه فـ لا تجبه فخير من إجابته .. السكوتـ :.