رحلتي..مع العلاج بزرع الخلايا الجنينيه

[ام عبدالعزيز]

ربي يشفي مريضكم

[منآكير]

ماعليكم شر ان شاء الله ...

[حقيقه]

قلوبنا معاك

وشد حيلك ولاتيأس من شيء
يمكن مع التاخير بتحصل نتيجه ممتازه

[adel777]

الله يكون في عونك ويشفي ولدك وتشوفه يركض قدامك
حبيت اقولك ان الامور طيبة بس في تاخير في iad
f-222 فيه مشاكل
f-238 كالعاده
15 موقف جديد في ال echo
وترجع انشالله بالسلامة

[Noora.]

ربي يشفي ولدك ويرجعكم بالسلامه !!

شكله مامعاكم حرمه ولا كان بتطبخ لكم وبتسنعكم !!

الله يعينكم على الاكل الصراحه ×___× جزاهم الله كل خير الليبين ماقصروو

لو تشتري عيش وتسويه عيش ابيض عادي وتشترون روب على الاقل اكل يششبع وتطلبون دجاج من ماك وبتكون وجبه لذيذه للطفل الي معااك

الله يرجعكم بالسلامه غانمين بإذن الله

[خالد1977]

ربي يشفي ولدك ويرجعكم بالسلامه !!

شكله مامعاكم حرمه ولا كان بتطبخ لكم وبتسنعكم !!

الله يعينكم على الاكل الصراحه ×___× جزاهم الله كل خير الليبين ماقصروو

لو تشتري عيش وتسويه عيش ابيض عادي وتشترون روب على الاقل اكل يششبع وتطلبون دجاج من ماك وبتكون وجبه لذيذه للطفل الي معااك

الله يرجعكم بالسلامه غانمين بإذن الله

طلبنا مره وحده دجاج من ماك عقب قالوا لنا مب حلال ..بطلنا وقمنا نطلب منهم سمك..الحين تعودنا على الاكل الصيني اللي يسوونه في الدوحه..عيش مغلي مع البيض والخضره..ومشكلتنا في السكر..يحطونه في كل شي...

[خالد1977]

الله يكون في عونك ويشفي ولدك وتشوفه يركض قدامك
حبيت اقولك ان الامور طيبة بس في تاخير في iad
f-222 فيه مشاكل
f-238 كالعاده
15 موقف جديد في ال echo
وترجع انشالله بالسلامة

[خالد1977]

اليوم27/28:
يوم الاحد:اليوم اجازة نهاية الاسبوع ومافي شي سوى الملل ومطالعة التلفزيون..
يوم الاثنين:اليوم بداية الدوام..رجعنا للجدول الاعتيادي..علاج طبيعي وابر صينيه..المترجمه كانت وعدت الطفل توديه حديقة الحيوانات واليوم اول ماشافها(زووو) على قولته...المهم قبل المغادرة اخذت لنا الاذن بالخروج من المشرفه وجات الغرفه تشوف لبس الطفل اذا كان كافي او لا..وجابت بطانيه غطت فيها جسمه بالكامل واصرت على ارتدائه جاكيت اضافي ..من كثر الملابس والبطانيه والقناع مايبين منه الا عيونه..وصلنا الحديقه بس الجو كان بااارد ونا اللي طلبت منها ترجعنا..اهم شي الطفل غير جو ومعنوياته صارت احسن..

[Navigator 85]

ربي يشفي ولدك و يقومه بالسلامه و تفرحون فيه يارب

[خالد1977]

اليوم29/30:
اليوم الثلاثاء:كالعاده..العلاج الطبيعي (فترتين)والابرالصينيه..من الساعه 7ونص نبتدي في الفحوصات الاعتياديه..عقب علاج طبيعي 45 دقيقه..الساعه 10 ونص للابر الصينيه..والساعه 11 وربع يركبون له سائل عن طريق الوريد..وبنفس الوقت نتغدي..الساعه 1 الظهر الفتره الثانيه للعلاج الطبيعي..نخلص الساعه 2..عقب فترة الملل في الغرفه..
اليوم الاربعاء:كان المفروض نروح مستشفى ثاني لعمل منظار او فحص للانف.بس الدكتور عنده اجتماع واتصل في المركز علشان ياجل الموعد لبكره الصبح..نتيجة الفحص تحدد اذا بنستمر في الصين او نرجع الدوحه والاكتفاء بالزراعه..اليوم الدكتوره عطتني جدول العلاج في قطر.ومن ضمن اللي قالته انه لو شفت في تحسن بامكاني العوده وعمل زراعتين بحد اقصى..واذا مافي تحسن فماله داعي اني ارجع لان جسم الطفل لم يقبل الزراعه السابقه..وبكره انشالله بتكون الزراعه الاخيره..