استفسار بخصوص المشتريات من النت ()()()()()()()()()

[الجوكر90]

السلام عليكم ورحمه الله وبركاته
شحالكم يا اخوان




عندي استفسار بسيط









ابي اطلع لي بطاقه امريكانا مادري اذا الاسم صح ولا غلط
المهم هالبطاقه حق المشتريات من النت
وانا ابي احط فيها 300 ريال بس ابي غرض من النت

الحين من واين اطلع هالبطاقه
او في بطاقه ثانيه احسن منها بس اهم شي ان مب لازم كل شهر اعبيها مثل الفيزا


وبالتوفيق ان شاء الله

[شبح الصمت]

السلام عليكم ورحمه الله وبركاته
شحالكم يا اخوان




عندي استفسار بسيط









ابي اطلع لي بطاقه امريكانا مادري اذا الاسم صح ولا غلط
المهم هالبطاقه حق المشتريات من النت
وانا ابي احط فيها 300 ريال بس ابي غرض من النت

الحين من واين اطلع هالبطاقه
او في بطاقه ثانيه احسن منها بس اهم شي ان مب لازم كل شهر اعبيها مثل الفيزا


وبالتوفيق ان شاء الله

اخوي مسمى الجوكر ,,
جزاك الله الف خير
وارحم الله والديك

روح جرير عندهم بطاقة كاش يو

تشتريها وتعبي على حسب الي تبيه الميت الي تبيه
روح وادخل على موقعهم وسجل فيه وشوف شنهي الجهات الي تقدر تشتري منها بس حسب ظني وايد وايد امكان تقدر تشتري منها
او قبل كل شيء ادخل على موقعهم شوف إذا انت محتاج لها والا لا

[صاحبة إمتياز]

أي والله وأنا بعد أبي أعرف من زمان أفيدوني وإياكم جزاكم الله خير..

[جوهرة قطر]

اللى يعرف عن بطاقه الكش يو والمواقع اللى ممكن انه نشترى منها ياليت يفيدنا ولا يبخل

علينا وهل هى مثل الفيزا يعنى نقدر نستخدمها حق المحلات العاديه او لا

[The Watcher]

امريكانا !!

اخبر هاي شركة لحوم ودواجن هههههههههههه

عالعموم
ممكن تاخذ بطاقة فيزا من مصرف الريان Pay&Go
تحط فيها الرصيد وتشتري .. ولما يخلص الرصيد ممكن تعبيها متى ما احتجت

[mohd89]

في بطاقه ممكن تاخذها من بنك الدوحه تروح عندهم وتقولهم ابي البطاقه اللي اشتري
فيها من النت
تاخذها وتعبيها اي وقت تبي وتطلب
بالنسبه لطريقة الطلب تسجل البطاقه او الفيزا مالتك في موقع paypal
افضل لك وأأمن حتى لو بتشتري من ايباي اغلب البايعين يطلبون الدفع عن طريق الـpaypal
المهم تسجل البطاقه في باي بال وتروح اراميكس تسويلك حساب عندهم عشان توصلك الاغراض اللي انت
طالبها
ومكانهم عند دوار قطر للديكور وتدفع تقريبا 120 ريال رسوم فتح الحساب
وهم يعطونك عنوان اذا شريت شي تحط هالعنوان وبعد اسبوعين تقريبا تروح اراميكس وتستلم الاغراض اللي انت طالبها
بالتوفيق

[البيت القديم]

""
امس المصرف طرشو لي مسج بخصوص ان عندهم بطاقة جديدة للتسوق عبر الانترنت..

اتصل فيهم اخوي الجوكراذا حاب تستفسر عن البطاقة ومميزاتها..

..

[ALA1574]

وعليكم السلام

هلا اخوي

عندك المجموعة قرب اشارات التويوتا
تعبي بإي ملبغ ومو لازم تعبيها كل شهر
تلفون
44487888


بالتوفيق

[BURBERRY]

احسن شي بطاقة هديتي من المصرف و نوعها visa

بطاقة ممتازة بس عقب مايخلص المبلغ ماتقدر تعبيها

بطاقة فئة 100
فئة 250
فئة 500
فئة 1000
فئة 2500
فئة 5000

تعبي الطلب مع صوره من البطاقة الشخصية و البطاقه تشتغل بالكثير خلال نص ساعه

و عندك بطاقة المجموعة بعد ممتازه لكن تاخذ وقت يبيلك اقل شي 24 ساعه

و بالتوفيق

[Qtr Denver]

عليكم السلام ورحمة الله

عندك بطاقة E-Card من بنك قطر الوطني بعد تقدر تعبيها وتشتري فيها من النت ..
ومب لازم تعبيها كل شهر ..