ما هي أفضل أنواع البلاط للـحوش :..ـــــــــــــــــــــــــــــــــــــــــــــــ ـ !

[بو الجوري]

اعتقد يقصد بلاط كسر رخام اللي يشبه الشعبي

هو فعلا الحين قديم بس جيد و الانترلوك يجيب النمل حتى لو جبت شركه متخصصه بالحشرات و القوارض

في حاليا clay tiles و في رخام صيني رخيص

الخيارات كثيره اخوي

هلا أخوي خلدون :..
صحيح الخيارات كثيره :.. لكن الإختيار صعب :..

أنا خاطري في سراميك الأحواش اللي يجيك مخصص للحوش :.. سميك ويستحمل :..
لكن أنتظر النصايح وبعدين بقرر :..
شاكر مرورك و مداخلتك يالغالي :..


هذا المقصود :.. و في منه سعودي و اسباني و صيني :..
و وشو تنصحوني بخصوص السماكه :.. ؟

[العولقي]

اخوي بو الجوري والله انا نفسك محتار بعد لاني متفق مع المقاول بناء البيت تسليم مفتاح ومن ضمن المواصفات ان بلاط الحوش راح يكون بلاط اماراتي بسعر 25 ر.ق للمتر مب بلاط شعبي وسألته عن الشكل وقالي تو الناس بدري وقت نوصل للمرحله بوريك اياه ! وصراحة انا اثق في المقاول ثقه عمياء لاني مجربه من قبل وهلي كلهم بانين عنده.

ولاكن من حب استطلاع مريت على شارع سلوى ومالقيت بها السعر والنوع وخصوصا التيماء لان عنده انواع حلوه! فالحين انا محتار من وين راح يجيب هالنوع بالسعر المذكور!

أخوك: العولقي

[بو الجوري]

الله يوفقك فالبنيان أخوي العولقي :..

و الله أكيد هو يجيبهم بسعر خاص :.. أو هذا سعرهم :..
مر على نابينا :.. يمكن من هناك :..

تسلم عالمرور :.. و حياك فمنتدانا :..

[yawwar2]

في محل اسمه العاصمه و عندهم تشيكله من سراميك الحوش اسباني و انا خذت من عندهم من 3 سنين ولحين سكله حلو و ما انكسر. اعتقد سمكه 13 م م. واسعاره في الاربعينات

[بو الجوري]

في محل اسمه العاصمه و عندهم تشيكله من سراميك الحوش اسباني و انا خذت من عندهم من 3 سنين ولحين سكله حلو و ما انكسر. اعتقد سمكه 13 م م. واسعاره في الاربعينات

الموقع لوسمحت :..

[ورقــة أمــل]

الاماراتي مركبين منه اهلنا وطلع مب شي كللش حق الحوش

نصيحتي لك الكاشي مال اول يعمممررر وشكثر بيوت قديمة حوالينا من رسنين مركبينه ولا صار فيه شي

[السد]

الشيخ عندك مركز الرخام والجرانيت عندهم بلاط اسمه بلاط البورجلينا
المتر ب 45 ريال السماكه 3 سم - صنع قطر
الوان متعدده
موقعهم
قرية بروة - طريق الوكرة
وبالتوفيق

ولكن السؤال المهم
دفان الحوش كيف؟؟
ناس اتقول رمل مغسول
وناس اتقول بودرة دفان
وناس اتقول صبية
والله احترنا !!!!!

[الجووري]

افضل نوع لبلاط الحوش من وجهة نظري الانتر لوك اللامع وماشفته منه الا بجامعة قطر

وحسب علمي انه مستورد ..

[سما الوطن]

السلام عليكم

اشكال البلاط اللي ب تيماء جميله جدا
شفت بيت مركب بلاط للحوش من التيماء من النوع اللي فيها ديزاين اجزاء به لمعه واجزاء مافيها لمعه
بعد فتره الشمس من تأثير الشمس عليه صار شكله كلش موب حلو
واللمعه ضاعت

[yawwar2]

اجوي بو الجوري
موقع شركه العاصمه عند دوار سناء جنب محطة البترول