تقرير رحلتي الى العمرة 2011 hd
السلام عليكم ورحمه الله وبركاته
تقرير رحلتي الى العمرة
تابعوني وفالكم الكرك
طبعا السفرة جات فجأة وكلمني واحد من ربعي وقالي ربعي جايين من امريكا ويبغون يروحون العمره
فياريت لو تخاوينا يابوحارب <<<خبركم الأخ ملتزم جدا جدا
وكان التخطيط انروح للدمام بالسيارة ونركب طيارة لـ جدة
والرحلة كانت على خطوط ناس
ماراح اكثر في الكلام لأنه خير الكلام ما قل ودل
التعليق راح يكون تحت الصور
الجنطة مالتي وتسلم الأنامل اللي رتبتها
الأحرام وزين اني كنت محتفظ بالأحرام القديم ولا كان توهقت لأني بديت ارتب احرامي قبل السفرة ب ساعة
الشباب طالبين علي اسويلهم كرك
بنك بوحارب الدولي
تم فصل البطاريات وعلى فكرة وحشوني
خلال ترتيب الأغراض مرلي واحد من الربع عشان نحتسي كوب سليماني مع النعناع قبل ما اسافر
تسلم يابوفلان ادري انك تحبني
رجعت البيت
وكملت الترتيب
وفجأة اتصلي الدريول الخاص وقالي بوحروب انا برع
كنت بذبحة لأنه عبى ماي المشاش بالجيك مال الشاي
التم الشمل كامل والى بوسمره درب السلامة
كان عددنا 4 نفر
مركز بوسمره
احلا مركز في الخليج
بعد المركز الربع وقفوا يحتسوون شاي كرك واخوانا السعودييين يسمونه شاي عدني
الى هنا انتها الجزء الأول
وطبعا من بعد ما طلعنا من المركز اخوكم بوحارب كان في قمة التفهي لأني مسافر وانا سهران وهذي غلطة عمري
ومن مركز بوسمره الى مطار الدمام وانا انام واقوم
والجزء الثاني راح يكون من الحرم مباشرة
تابعوني وفالكم العمرة
|
