نصيحة للقطرية اللي تفكر تتزوج من شخص معدد؛ تزوجي أجنبي ولا تتزوجي قطري

[@فهد@]

قول من حق كل زوجه قطريه للمعدد بيت آخر مستقل(حقوق المرأه والطفل)..بدل المرمطة بالايجارات..او اشراك الزوجات في بيت واحد..لأن الزوجه القطريه هي المتضررة أكثر(بالتغاضي عن الاذى النفسي الذي يكون من نصيب الرجل)

صح لسانك ... والحين الدوله بتخسر شي لو عدلت القانون .. يعني الحين من كثركم ياهل قطر ... لكن وين الي يرفع صوته و يتكلم كلن في همه سرا ...

[القيادة]

مو عارف شنو أكتب عندي كلام كثير

بس خير الكلام ماقل ودل

حسبى الله ونعم الوكيل

[الـعــضــيـد]

يعني بس الحين همك 2000 ريال

قصدك ابعد من اكذا

وبديت احس انك مب قطري

والقطرية طال عمرك اغلاء من ماتتصور والله

والقطرية مب اي شخص يستاهلها

[<اضرب واشرد>]

اخوي العضيد المسألة مسألة مساواة وحق ، مب مسألة واحد يفكر في 2000 !!

[بوخالد911]

عجيييب

[chillis]

والله انه شعب ما يجي بعينكم شي يوم سوا القانون ذي لان يدرون انه الي زوجها اجنبي راتبه ماراح يساعده يشتري بيت بحكم انه راتبه شوي اغلبهم فقالوا يساعدون القطريه بدال ماتم طول عمرها في بيت ايجار
والقانون يشمل المطلقه وذوي الاحتياجات الخاصه والارامل والزوجه المتزوجه من اجنبي

[ابو علاوي]

انا مافهمت هالقانون لكن حبيت اشارككم
هل احد منكم يعرف او شاف او سمع ان قطرية متزوجة اجنبي استفادت من القانون هذا؟
اتوقع لا
لان اللي متزوجين قطريات يمكن ينعدون على اصابع اليد الوحدة
باستثناء الاقارب في جنسيتين مختلفتين

[بـــــــنت النوخـّــــذه]

السلام عليكم
لو تزوجت الموظفة القطرية من قطري عنده زوجة سابقة فمعناته إنها تقلص على نفسها الاستفادة من العلاوة الاجتماعية ومن بدل السكن.. وما تقدر تستفيد من نظام السكن الحكومي
في الوقت نفسه لو كان حسن الحظ شخص أجنبي فبيكون العكس؛ حيث يقرر القانون حقها في الاستفادة من كل تلك الامتيازات
يعني واقعيا ممكن نجد أجنبي متزوج 4 زوجات قطريات والدولة موفرة له من خلالهن 4 مساكن.. بينما لو اختارت الزواج بقطري عنده زوجة سابقة فالله يعينها على شرشحة الاستئجار والتنقل بين شقق أو بيوت الإيجار، والله يصبرها على تقلص علاوتها الوظيفية
حد منكم كان يتخيل كيف نكرم الأجانب ؟*

ماشاء الله وصل الكرم لزواج القطريات من المغترب وتقديم كافه التسهيلات له

يعني لو حسبناها كمعادله حسابيه يطلع معنا:

قطريات + زوج مغترب+ تسهيلات = مستقبلا" الجواز العنابي معقوله


وعليه عليكم ياشباب قطر لكم الله الي الواحد مهب محصل دعم مادي لاستكمال مصاريف العرس لجل يستر على عمره 000


بس انتو متأكدين من هالخبر يمكن اشاعه انزين

[captin]

كلن بينولد ورزقه معاه

لا بينقص ولا بيزيد

مثل ماربه كاتب له

عين العقل

يجب ان لانقيس كل أفعالنا وما نقدم عليه في حياتنا من أعمال بمقياس مادي فقط

[شمس قطـر]

اخوي ياليتك قلت ان من حق المرأة الثانيه اللي بتتزوج قطر معدد بيت حكومي وكل اللي ذكرته من العلاوات والبدلات الاجتماعيه ،،، مو تدخل " الطرف الاجنبي بالموضوع" !!!

وانا عن نفسي ووجهة نظري الدولة تكرم المواطنة ما اكرمت الزوج الاجنبي اللي بياخذ المواطنة ،،، المفروض تقول شوف شقد الدولة اكرمت بنت البلاد واعطتها حقوقها حتى لو هي متزوجه اجنبي لان البدلات والبيت مب حق الاجنبي ولا منحتها الدولة للاجنبي ،، صح ولا انا غلطانه

وانت بلسانك قلت

حيث يقرر القانون حقها في الاستفادة من كل تلك الامتيازات

يعني الدولة منحت البيت للمرأة القطرية وليس الأجنبي


وفي نقطة حبيت اضيفها :: انت كقطري أكرمتك الدولة عن المقيم بواااايد اشياء ،،، مثلا : الكهرباء والماي مجانا + المدارس مجانا + قرض للبناء + أرض حكومية + احيانا بيت حكومي + الدراسة فالجامعة مجانا + العلاج فالمستشفيات والمراكز الصحية والأدوية مجانا + ووغيرها من الامور اللي ماقصرت فيها الدولة ومنحتها للمواطن القطري

ما ننكر خير البلاد علينا والحمد لله

فالنهاية " كل مولود يجي معاه رزقه ،، ربك هو الرزاق