عندي مبلغ وابي اسثمره ( انا في امريكا )

[المجروح]

السلام عليكم
اخواني انا عندي مبلغ ابي استثمر فيه مع اني طالب وفي امريكا واجي الدوحه كل كمن شهر
عندي مبلغ حلو بس ما ابي اجازف فيه بالكامل بابتدي بمبلغ بسيط وبعدين اقدر ازيد راس المال على حسب نجاح الفكره
يعني ابي استغل وجودي في امريكا
ياريت لو تعطوني المشاريع ومثل ما قتلكم انا طالب يعني جزء من وكتي اداوم وجزء ادرس فيه
فعندي وقت فراغ اقدر افضى فيه

ياريت تعطوني فكره حلوه وناجحه ومربحه بنسبه زينه

ومشكورين على افكاركم الحلوه مقدما

[البدع]

اشتر اسهم الريان

واول ماتتخرج بتشووووفهم قريب 40

وارباحهم قوية

وبالتوفيق

[المجروح]

اشتر اسهم الريان

واول ماتتخرج بتشووووفهم قريب 40

وارباحهم قوية

وبالتوفيق

مشكور اخوي البدع
انا 90 في الاميه من فلوسي بالاسهم فحبيت انوع
وعندي كاش الحين وقلت يمكن في فرصه استغلها دامي في امريكا
عشان جذي قلت اذا ابتديت في مشروع ونجح اقدر ارفع راس مالي اني ابيع شوية اسهم
فبغيت بعض الافكار
ومشكور على الرد

[المليونير الفقير]

اشتر سيارات من امريكا وبيعها بالدوحه اوعالطلب وايضا شوف الشركات القويه الي فامريكا وافتح معاها خط او خذ وكالتها وبالتوفيق انشالله

[qatarlands]

والله ياخوي فكرتك صح

عندك مشاريع كثيره تقدر تسويها بحكم انك في امريكا
1- تشتري سيارات وتبيعها في قطر على شرط يكون عندك واحد يسوق لك
2- مواد الكترونيه وبضائع من امريكا تعمل لك موقع ولكه فكره معينه للتسويق
3- تتعامل مع وكالات جديده في امريكا وتفتحها في قطر لانه فيه اشياء كثيره حلوه هناك
4- استيراد بعض المواد العاليه التكلفه في قطر اكيد بتكون اقل هناك
5- الدرجات الناريه والسيارات الصغيره البقي والرينو والبولارس انا اقصد نفس التشكيله يعني بس شيء جديد

واي خدمه انا حاضر اخوي

[المجروح]

والله ياخوي فكرتك صح

عندك مشاريع كثيره تقدر تسويها بحكم انك في امريكا
1- تشتري سيارات وتبيعها في قطر على شرط يكون عندك واحد يسوق لك
2- مواد الكترونيه وبضائع من امريكا تعمل لك موقع ولكه فكره معينه للتسويق
3- تتعامل مع وكالات جديده في امريكا وتفتحها في قطر لانه فيه اشياء كثيره حلوه هناك
4- استيراد بعض المواد العاليه التكلفه في قطر اكيد بتكون اقل هناك
5- الدرجات الناريه والسيارات الصغيره البقي والرينو والبولارس انا اقصد نفس التشكيله يعني بس شيء جديد

واي خدمه انا حاضر اخوي

مشكور اخوي قطر لاند افكارك حلوه انا كمن فكره من الي كتبتهم كانو في بالي بس قلت خل استشير قبل
وعن الوكالات انا ما عندي مشكله لو اتخاطب مع شركه وحتى لو اروح حق الشركه نفسها
بس عطني فكره اييب وكالت شنو ؟ يعني شي ماشي بقطر او شي يديد تتوقعه يمشي؟ وخصوصا اني بخلص في خلال سنه ونص يعني اقدر ادور على شركه واتفاهم معاهم
واجهز نفسي في هالسنه ونص

[البدع]

كم راس مالك؟

[المجروح]

كم راس مالك؟

250000 راس المال
طبعا ما بحط كل راس المال الا اذا كان المشروع يسوى وان كان ربحة مضمون اقدر اييب اكثر من هالمبلغ

[qatarlands]

اخوي الوكالات ترى وايد زينه واريح شيء

بس لازم يكون عندك شركه في قطر لانهم بيطلبون منك البروفايل حق شركتك

[QtrGate]

عندكم في امريكا نفس الكرفان لاكن يتسكر وينفتح بضغطة زر

شفته عند ولد عمي جايبه من امريكا

اشتر كم واحد وبيعه بسعر حلو في قطر

ولاتنساني جيبلي واحد بس بدون فايده هههه


وعندك وكالات الكمبيوترات

دور وكاله ممتازه ولبتوباتهم حلوه وافتح لك وكاله

ماعندنا وكالات وايد للبتوبات والي موجودين أماكنهم غلط

يعني افتح في مجمع او في النصر او .......
*