المشاركة الأصلية كتبت بواسطة فواز1976
بالنسبة للوكالات تحتاج راس مال اكبر من الي انت ودك تبتدئ فيه هذا غير انهم يحتاجوا شركه لها خبره في مجال عملهم او عندها خبره وراس مال كبير نوعاً ما .هذا طبعاً اذا كانت الشركه الي انت ناوي تاخذ وكالتها كبيره.
الي اشوفه انك ماتستعجل ومن الافضل تخلص دراستك اول وبعد ما ترجع تدرس السوق وحاجته ومن الافضل انك تشتغل بشركه تجمع خبره عمليه وفلوسك تحطها بارض وانشاء الله يرتفع سعرها مع الايام ومتى ما درست مشروع دراسه وافيه تسيل فلوسك وتستثمره بمشروعك ...
بس اذا بغيت شي خفافي فانا اعرف انه اسعار الملابس الماركات والاكسسورات بعد الخصم من محلات متخصصها سعرها مرره حلوو ممكن تشتري بمبالغ معقوله وترسلها لقطر
او
تضبط مع شركات تعليميه تعطي دورات متخصصه وتنظم لهم دورات على مستوى الخليج وهذي مكسبها حلو بعد
استيراد قطع غيار السيارات يعد منافس ... والي اقصده المستخدم
اذا أعجبتك اي فكره من الي ذكرت لك واحتجت تفاصيل اكثر راسلني
واخيراً احيي تفكيرك العملي وحبك لاستغلال وقتك
بالتوفيق