حد مشترك في البلاكبيري حق فودافون ؟

[abdo222]

السلام عليكم ،، عساكم بخير ،،

بغيت اسأل المشتركين في خدمه البلاكبيري حق فودافون الله لا يهينكم ،،

شلون الارسال ؟
كم مسموح لك تنزل؟ كم ميجا بايت
فيه فيديو ستريم ؟ "افتح اليوتيوب بدون مايحسب علي زياده"
في تأخير في استلام الايميلات؟

كل الشباب كيوتل ويمدحون في خدمتهم في الارسال ،، بس بغيت اعرف عن فودافون اشترك وياهم ولا اجيب لي كرت كيوتل بعد،،،

يعطيكم العافيه ،،

[م. عبدالعزيز]

وعليكم السلام ورحمه الله وبركاته ، سؤالك جميل واتمنى من اللي جرب خدماتهم يعطينا رأيه فيهم، واللي اعرفه الشيخ انه عندهم البلاك بيري متاح لاشتراكات فلكسي الشهريه (الخصم من بطاقة الائتمان او الحساب البنكي) ، ويخصمون 125 ريال شهريا ً وطبعا لازم تشترك بأحد الباقات الشهريه (أقل شي 35 ريال) ويعطونك رصيد مقابلها طبعا ..

وبالنسبه للبلاك بيري 125 ريال بالشهر ومعاه 5 جيجا فقط حق تصفح الانترنت والايميلات والمنسجر وبرامج البلاك بيري الثانيه مثل الفيس بوك ، واعتقد اليوتيوب مثلا ماينحسب من ال5 جيجا وانما ينحسب من الرصيد العادي ، او انك تظيف باقة انترنت اذا تستخدم اليوتيوب وايد، اتوقع اللي جربوا الخدمه يقدرون يفيدونا ، اوممكن تتصل على فودافون 8007111 وتسألهم عن هالشي..

واذا سافرت برع قطر ، ينحسب عليك 125 ريال +الاستخدام ياخذون من الرصيد (رسوم تجوال) وماينحسب شي من 5 جيجا، مثلا اذا رحت السعوديه، تدفع بالشهر 125 ريال وكل ميجا بايت واحد بيانات بالشبكه تستخدمها يخصم 20 ريال من رصيدك سواء مسنجر ولا ايميلات ولا يوتيوب ..

هذا والله اعلم وان شاء الله قدرت افيددك

[bohilal191]

خذلك كرت هلا من كيوتل وحط رصيد 50 ريال لأن رسوم الاشتراك 35 ريال وعقب اسبوعيا يخصمون 35 والحلو في كرت هلا لو ماعندك رصيد عادي كل شي يفتح عندك الا اليوتيوب لازم رصيد وانا ريحت راسي وخذت كرت هلا وخليته حق البلاك بيري والرصيد صفر واول مايطرشون مسج يجب تجديد الاشتراك أعبي 40 ريال عشان يخصمون 35 ريال وبالتوفيق

[HAMADZ]

الفودافون أرسالة ضعييف جدآ كيوتل أفضل بوااايد.

[BIRDS]

الصراحة
انا عندي الخدمه على فودا انا عندي فليكسي اللي ينخصم من البطاقة
رسوم البلاك بيري ينخصم مره كل ما ادري كم شهر يخصمون مره ولا رسوم ولا شي
الارسال جيد اذا انت داخل الدوحة وخل عندك الكيوتل حق الطوارى برى الدوحة
انا عن نفسي عندي بس الفودا ومريحني وافتح فيديوز وما يطلع علي شي
ما ادري اذا كل اللي عندهم فودا جيه ولا انا بس عندي شي في السيستم بس غير رسوم الشهري العادي ماينخصم حق خدمة البلاك بيري

[abdo222]

الله لا يهينكم ،، اسعارهم فرق عن كيوتل بكم ريال ،، hamadz اصلا داخل البيت الارسال حق فودافون مب لهناك ،، تعابنا شوي،،

اخوي birds , شلون خدمه البلاك بيري ما تنخصم الا مره كل شهر ههههه ياحظك لا يصيدونك اكيد غلط من السستم ههه يعطيك العافيه ،،

"الدوحه"،، فكرتك ممتازه لا هنت،اسهل شيء،

المهندس عبدالعزيز،، الله يرحم والديك على المعلومات ،، كفيت ووفيت

[م. عبدالعزيز]

الله لا يهينكم ،، اسعارهم فرق عن كيوتل بكم ريال ،، hamadz اصلا داخل البيت الارسال حق فودافون مب لهناك ،، تعابنا شوي،،

اخوي حياك الله وهذي فرق الاسعار:
1- كيوتل الشهري : 125 ريال لكل شهر (ولازم تلتزم أول 3 شهور)
2- كيوتل هلا: 35 ريال لكل اسبوع ( 140 ريال يطلع عليك بالشهر وبدون التزامات)
3- كيوتل فيرجن موبايل: عندهم باقتين واثنيهم مسبق الدفع (شحن) ، الاولى 35 ريال لكل اسبوع (140 شهريا) والباقة الثانيه تدفع 130ر يال كل شهر.
4- فودافون: حاليا لعملاء الاشتراك الشهري وقيمته 125 ريال قطري كل شهر عن طريق بطاقة الفيزا او الماستر كارد.

واختار اللي يناسبك وبالتوفيق .

[abdo222]

اخوي حياك الله وهذي فرق الاسعار:
1- كيوتل الشهري : 125 ريال لكل شهر (ولازم تلتزم أول 3 شهور)
2- كيوتل هلا: 35 ريال لكل اسبوع ( 140 ريال يطلع عليك بالشهر وبدون التزامات)
3- كيوتل فيرجن موبايل: عندهم باقتين واثنيهم مسبق الدفع (شحن) ، الاولى 35 ريال لكل اسبوع (140 شهريا) والباقة الثانيه تدفع 130ر يال كل شهر.
4- فودافون: حاليا لعملاء الاشتراك الشهري وقيمته 125 ريال قطري كل شهر عن طريق بطاقة الفيزا او الماستر كارد.

واختار اللي يناسبك وبالتوفيق .

لا هنت يالغالي ،، ولا تنسى ال150 ريال حق بدايه الاشتراك للكل ،،

[عزيزوف]

حاليا مافي مقارنه نهائيا بين كيوتل وفودافون من ناحية الارسال..

اكيد كيوتل احسن بمليون مره ..

انا توني من فتره خذيت لي اي فون وعطوني معاه كرت فودافون غصب والله مللني مافي ارسال كلش

بالنسبه للبلاك بيري انا عندي كيوتل هلا كل شهر 140 خذه وريح راسك

فودافون يبيلهم 3 سنين لين الارسال يصير مثل كيوتل

[abdo222]

صادق اخوي "عزيزوف" ،، الله يرحم والديك ،، كرت هلا مافي اسهل منه ،،