وضع البلاد المادي

[*محمد*]

السلام عليكم ورحمه الله وبركاته

كلنا سمعنا بالخبر المفاجئ برتفاع سعر البترول !
والتصريح بانه الارخص في المنطقة !


وايضا بوقف صرف للموظفين المقيمين بدل التنقل وهذا ماحدهم عليه الا الشديد القوي .

وانه تم تقليص ميزانيات الوزارات . ( والي يعرف حد في المالية يسأل ويتاكد ) !!

مما يؤثر على اشياء عدة في الوزارات التوظيف والدورات والبعثات الخ ..

هل هذا بعد بيؤثر على الموعد المحدد لصرف 5000 قطعة ارض في الاشهر المقبلة !!

الي نشوفه ونسمعه ونقراءه ان البلاد خيره وواجد ولله الحمد .

اتمنى التعليق على هذا الموضوع بخصوص الارتفاعات القادمة .

[الـقـاسـي]

ماظن في نقص في الميزانيه لان اشوف الصرف مستمر مثل ماهو ..

[BURBERRY]

يقولك فيه عجز في الميزانية

و مافي توظيف في الوزارات إلا بعد شهر 4

[bo_hamad]

البلد ولله الحمد فيه من الخيرات وأمورنا ماشيه لا تحااااتي واستعذ بالله هد بالك بس وانتظر

[*محمد*]

ياهلا فيكم كلكم القاسي ان شاء الله يكون كلامك صح ومايكون فيه غلا .

BURBERRY اهلين نورتي الموضوع اذا على شهر 4 اعتقد مافيه مشكلة .
bo_hamad مرااحب نورت الموضوع انا مستعذ من الزمان وبالي مهدي بس قلت اسال واشوف الخبر منكم .

[النائب]

لا ابشرك الحمد لله وضع البلد المادي اكثر من ممتاز والحمد لله على نعمته واللهم إدمها نعمه لا تنقطع .

ولكن الخطير هو وضع المواطن الذي يعيش بين سندان الغلا وسندان القهر من المصروفات التى لا تسمن ولا تغني من جوع وخصوصا التى تصرف في غير محلها .

[بوخالد911]

نتامل خيرا

............

[BURBERRY]

.

Burberry اهلين نورتي الموضوع اذا على شهر 4 اعتقد مافيه مشكلة .

الله ينور دربك اخوي محمد لكن انا رجال

[المزن الرياني]

خطير !!

تعرف كم بتوفر الدوله من دعمها للمشتقات البتروليه اللي رفعتها وصارت ضجه عليها
1,5 مليار ريال فقط لاغير

بالنسبه لقطع بدل التنقل للأجانب فهذا مذكور بقانون الموارد البشريه وحان وقت تنفيذه

البلد بخير ولله الحمد والجماعه توهم عارضين 1,5 مليار جنيه أسترليني مايعادل 8 مليارات ريال لشراء نادي مانشستر والفائض المتوقع لميزانيه السنه الحاليه أكثر من 50 مليار ريال


يعني لا تحاتي وأحمد ربك على فضله
الله يدوم هالنعمه

[شبعان]

اشلون الوضع المالي خطير والدوله عارضه حوالي 15 مليار ريال لشراء نادي رياضي( انجليزي على ماعتقد) !!!