مبروك ,, ارتفاع اسعار الحديد !!!

[بنت قطريه]

هناك قناعة واحدة يجب أن يعيها كل قطري ..

من اليوم إلى الـ 10 سنوات القادمة ، يجب على كل فرد قطري مراجعة نفسه من ناحية مداخيله و سلوكه التجاري والاستهلاكي ، يجب أن يدخل القطري معترك التجارة وان قلت وصغرت ، فالمشاريع الكبيرة لم تبدأ إلا صغيرة، كل واحد يتوكل على الله وينوع مصادر دخل منيه مناك يمين يسار لازم في طرق و أساليب، حتى يستطيع توفير متطلبات الحياة عليه وعلى أسرته .

ومن جلس في بيته و مجلسه و تكيسل .. فلا يلوم إلا نفسه فقط .

دعوة للعمل والاجتهاد والإقدام ..

كلامك صح أخوي وانا معاك .... بس شلون واذا الواحد عليه دين ينتظر يخلص منه والمشكله على ارتفاع الاسعار المستمر يعني بيخلص الدين وعقب مانقدر نفتح مشروع متوسط التكاليف حتى .... الله المستعان وربي يساعدنا من التضخم المتوقع .... الله يحفظ قطر وشعبها من كل شر

[الـقـاسـي]

اييييييه عز الله رحنا ملح ,, وش لنا بكاس العالم وبلاوية كنا ولازلنا معارضين كاس العالم عشان عاداتنا وتقاليدنا وارتفاع بعض الاسعار والحين كل شي بيرتفع وارتفع ..
معاد تنفع ياليت ولو الحين البلا التوجهات الحين للحكومة انها ترفع الدعم عن كل شي بحجة الاجانب اللي تارسين البلاد وبطيح في روسنا احنا وطبعا احنا عاله ع الدولة وناسينا اصلا فلاتتوقعون يكون في خير في الايام الجايه كلها ارتفاعات وغلا واستملاك اراضي ووقف المشاريع المهمه لعيوووووون كاس العالم وسمعة قطر