المشاركة الأصلية كتبت بواسطة قطر70
مرحبا اختي فراشه ناعمه بسويلج جدول راح تستانسين منه
((اليوم الاول))
(( القريه العالميه ))
اول يوم خليها تمشى فى القريه العالميه وراح تعيدونها يوم ثانى لانها ونيسه وما تملين منها
واصلاا ما يكفيج يوووم تتمشين فيها
وراح يكون فيها كل اللى تبينه والقريه تفتح من الساعه 4 العصر الى 2 في الليل
((اليوم الثاني))
تقدرين تروحين الضحى
سوووق مرشد وعكاظ سوق قديم دايم يترددون له اهل قطر خاصه الحريم واذا مالج في الاسواق القديمه عندج برجمان في محلات للماركات والقهوه فيه
وعقبها عااد وقت الغداء
روحوا حق (( امارات مووول ))
وبعدها روحوا فوق تغدوا
عندج اكثر من مطعم
هندى / لبنانى / ايطالى
مطعم الحلاب (( لبنانى ))
وفيه مطعم هندى بس والله ما اذكر اسمه
وبعدها تقدرين تطلعين على سكى امارات مول
(( اليوم الثالث ))
طبعا الصبح تروحون حق
السوق التنين (( دراغون ))
وقت الغداء لدبى مووول
عندهم مطعم الايطالى
اسمه بييلا biella
وتمرين على الاكواااريوم
وفي المسا روحي حق النافوره الراقصه اللي عند برج خليفه وعقب تعشوا في اعلى مطعم في العالم في برج خليفه
(( اليوم الرااابع ))
الصبح روحى تمشى فى صحارى مول في الشارقه يبعد عن دبي 10 كيلو
وفي المسا انصحج في القرية التراث و قرية الغوص
المكان حلو على خور دبي...تقدرون تأجرون قارب وتاخذون جوله فالخور
والأجواء حلوه للعشاء عالخور عندهم كذا مطعم فالقريه
الموقع بالقرب من نفق الشندغه وفي فترة المهرجان يكون فيها فعاليات منها الفرق الشعبية وفلق المحار
مسرح قرية التراث ، وفيه بعض العروض والمسابقات الشعبية للأطفال
وقسم الاكلات الشعبيه
(( اليوم الخاامس ))
الصباح
فيستفال سيتي او وافي سنتر
وبعدها على وقت العصر روحى
حديقة خور دبي حديقه عجيبه بما تحمله الكلمه من معنى ومطله على البحر
او عندج مرسى دبي طبعا كله كوفيهات ومطاعم واحلى وقت بعد الساعه 7 في الليل
(( اليوم السادس ))
the walk
يكون فيه الفطور وتمشون فيه وعقب تمرون على القهاوى الموجوده هناك
وعلى وقت الغداء
روحي المطاعم اللى موجوده
مطعم الايرانى صدف
او مطعم برج الحمام
او مطعم المكان
مطعم الصفدي بشارع الشيخ زايد
مطعم ريم البوادى
بعد ما تخلصون الغداء وعليكم بالف عافيه
اختارى بين انكم تتجهون الى المقهى الثلجي اسم المطعم في تايمز سكوير دبي
في قانون في المطعم ما تقدر تقعد اكثر من 40 دقيقه اعتقد بعدين يطلعونك من المطعم حفاظا على السلامه لانه ثلج من داخل
او الباص العجيب
وترا اتلانتس ما انصحج فيه كله مفاصيخ
ولا حتى المركب البوم لان اكله مب ذاك الزود
هذا بنسبه لدبي
وذا ناويه تروحين العين عندج العين الفايضه والمبزره الخضرا وجبل حفيت والعين مول
وابوظبي كوبي بيست من الدوحه
وبنسبه حق اسعار الشقق او الفنادق اسعارهم مب ثابته لان عندهم مواسم بس اوقات تحجزين من سفريات واذا رحتي حق الشقق تلقينها اقل من السعر اللي خذتيه من السفريات
واي استفسار انا حاضر واسمحيلي على الاطاله