اخواني انصار ستي مسوي عرض حلو وهو انك تشتري بنصف قيمة ما شريته مجانا
وانا افكر آخذ من عنده اطقم الحمامات فما ادري شرايكم هل النوعيات جيدة ولا ماتسوى
واذا لا وش تنصحونا فيه شي يكون سعره مقبول ويكون مضمون ومتانته ممتازة والخلاط ما يخترب بسرعة
شكرا مقدماً
,
,
مرحبا
ما انصحك تاخذ اطقم الحمامات من انصار نهائيا
اخذ من عنده امور ثانيه بس اطقم لا
الاطقم بعطيك 3 خيارات
1- توايفورد ( شبيب العطيه )
2- ايديل ستاندرد ( كافود )
3- توتو ( نابينا )
اذا تبي شي عملي ويعيش معاك وتحط فلوسك
في المكان المناسب
,
,
اخوك
شموخ دائم
امريكان ستاندر وين احصله ؟
او الاطقم الامريكية وين احصلها؟
اخوي شموخ
وش رايك في ماركة كلوهر ؟
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
,
,
مرحبا
ايديل ستاندر
و
امريكان استاندر
نفس الجوده ونفس المواصفات الاثنين كانوا عند كافود
بس انا معلوماتي قديمه شوي ما اعرف لسه عندهم او لا
والنوعين ممتازين جدا ويركبونهم في الفنادق
لمتانته
كلوهر
ماركه ممتازه جدا وماعليها كلام
من اقوى الماركات بالسوق ومشهوره اكثر في المملكه العربيه السعوديه
انا كتبت ال 3 انواع المنتشره والاكثر مبيعا في قطر
وما شاء الله انت اثريت الموضوع
ب كلوهر وامريكان ستاندر وصار معانا
ونقدر نقول اشهر اطقم الحمامات واكثرها متانه بالسوق
1- توايفورد ( شبيب العطيه )
2- ايديل ستاندرد ( كافود )
3- توتو ( نابينا )
4- امريكان ستاندر
5- كلوهر
ماركات معروفه ولها سمعتها العالميه
,
,
اخوك
شموخ دائم
التعديل الأخير تم بواسطة شموخ دائم ; 12-02-2011 الساعة 01:14 PM
تسلم يا شموخ
فعلاً .. اهم شئ الواحد مايسترخص بالحمامات والادوات الصحيه ولا الكهربائيه
التوفير يكون في امور اخرى نفس البلاط والسيراميك وغيرها
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
المشاركة الأصلية كتبت بواسطة شموخ دائم
يعطيك العافية اخوي وانا مريت اليوم نابينا وشفت توتو بس اسعارهم غالية ارخص واحد فوق 1000 ريال
عموما ماركة توايفورد هي نفس اللي موجودة عند البشري لأني لقيت هالماركة عنده وقيمتها تقريبا 450 ريال وهي صينية فهل هي المقصودة وهل تنصح بها ؟؟؟
والله يجزاك خير على كل ما تبذلة من خدمة الاعضاء
,
,
مرحبا
الله يوفقك يارب
هذي ماركه توايفورد
صناعه انجليزيه
ووكيلها شبيب العطيه
بالنسبه للسعر 1000 او 2000 ريال
او الطقم 3 قطع يكلف 3000 ريال
يعتبر سعر عادي جدا وليس غالي
هذا راح يبقى بالبيت سنوات طويله ان شاء الله
احنا الان نشتري موبايل 2000 ريال وما يكمل معانا سنه ونرميه
موفق ان شاء الله
,
,
اخوك
شموخ دائم
التعديل الأخير تم بواسطة شموخ دائم ; 12-02-2011 الساعة 11:49 PM
الشيخ الله لا يهينك ممكن تقولي وين مكانه شبيب العطية لأني اول مرة اسمع عنه
وأبي اسئلك الله لا يهينك عن بلاط الحوش لأني لقيت إسباني عند نابينا وسماكته ١٣ ملل وم ادري يتحمل السيارة ولا لأ لأني مب مقتنع بكلام البياع واللي يقولي انه يتحمل سيارة
شبيب وعلي العطية بالقرب من دار الكتب القطريه جنب استاد حمد لو انا مب غلطان ..على الشارع الرئيسي و بجانب قهوة الغواص
بخصوص بلاط حوش سماكته 13ملم ما اعتقد انه يتحمل ابدا...المفروض اقل شي 30ملم
اذا تبي كوهلر او جاكوب دولف
دوار قطر للديكور وانت رايح باتجاه دوار مدماك قبل الدوار بتلاقي مكتوب كوهلر على يمينك بالخط الكبير حق العطيه طبعا
ضوابط المشاركة
رد مع اقتباس
