,,, صور ومواقف من الذاكـــرة ,,,,

[المـهـفـة والـســفـرة]

كتبت موقف مؤلم ومسحته

افااا عليك ياأخوووي.

ترى أحنا كالجسد الواحد نتعلم ونستفيد من بعضنا.
واللي يضايقك يضايقنا واللي يسعدك يسعدنا.

جعل آلالام الدنيا ماتوجهك ولاتواجه من يقرى ويانا.
أخوك الصغير.

[المـهـفـة والـســفـرة]

تسلمين يالأصيلـــــة ..
مواضيعــج دايماً لها نكهــة مميزة .. ( ما شاء الله )

و من عقبها .. تعلمت ما أأجل الروحة حق أي مريض .. بالأخص إذا كان قريب علي ..
الله يرحمنا برحمتــــه .. و يشفي جميع مرضانا و مرضى المسلمين ..

اللهم أمين ياأختي.
والله يرحمها ويغمد روحها الفردوس الأعلى يارب.
وهذي الدنيا بكل يوم نتعلم منها شي.
بارك الله فيج وبمشاركتج الطيبة
اللي أستفدت منها.

أخوج.

[الأصيلة]

اللهم أمين ياأختي.
والله يرحمها ويغمد روحها الفردوس الأعلى يارب.
وهذي الدنيا بكل يوم نتعلم منها شي.
بارك الله فيج وبمشاركتج الطيبة
اللي أستفدت منها.

أخوج.

كل الشكر لك يا المهفة والسفرة
حضورك رائع
دمت بود

[المـهـفـة والـســفـرة]

كل الشكر لك يا المهفة والسفرة
حضورك رائع
دمت بود

جعل أيامج دوم بطاعة الرحمن وطلب رضاه يااختي.
ولاشكر على مشاركة .

أخوج.

[ام السعف]

من المواقف اللي احسها انها محفورة في الذاكرة ،،

منظر اب كبير في العمر يمكن يكون جد او رجل متزوج من صغيرة
واقف على الشارع وماسك ايادي 2 من عياله كانوا صغار وناطر تاكسي الميرندة
اقصد التاكسي القديم ،،والكل يمر صوبه ومب لاقي حد يوقف له او ينقله
وهو كبييير في العمر ،، دمعت عيوني يومها لدرجة اني صحت
وليومنا هذا ما اقدر استحمل نظرة رجل كبير في العمر او حرمة كبيرة

[الأصيلة]

من المواقف اللي احسها انها محفورة في الذاكرة ،،

منظر اب كبير في العمر يمكن يكون جد او رجل متزوج من صغيرة
واقف على الشارع وماسك ايادي 2 من عياله كانوا صغار وناطر تاكسي الميرندة
اقصد التاكسي القديم ،،والكل يمر صوبه ومب لاقي حد يوقف له او ينقله
وهو كبييير في العمر ،، دمعت عيوني يومها لدرجة اني صحت
وليومنا هذا ما اقدر استحمل نظرة رجل كبير في العمر او حرمة كبيرة

موقف حزين صراحة...
الله يكون بالعون يا أم السعف
وهل لديك المزيد من المواقف...؟
ماشاء الله عليج أخبر مواقفج كثيرة وحلوة...

[الأصيلة]

أنا الموقف اللي يتكرر امام عيني دايما ومب قادرة
أنساه مع إنه مرت عليه سنوات طويلة...
كنت في يوم راجعة من الجامعة وإلا واحد قطري في منتصف العمر
طايح في وسط الطريق كأنه نايم على جنبه
وسيارة واقفه .. سايقها عربي من المقيمين نازل منها ويضرب
في راسه يطلب من الناس مساعدته..
أكتشفت إنه دعم الرجال وعلى طول توفى الله يرحمه...
والسائق متوهق...
صراحة ما أحب أشوف ها المواقف...

[قطرية فذة]

امممم .. يسعد مساج اختي الاصيلة ..

مادري هل حد فينا جرب احساس " الهندي" الغريب وهو في قطر ؟!

عفوا على السؤال .. بس هو الاحساس اللي جاني لما كنت أمشي في شوارع أحد البلدان البعيدة ..

غربة .. وحدة .. وحشة .. الجو بارد والهواء داير

نمشي في الشارع .. مافي ناس كثيرة ..

وإذا فيه .. على بالهم احنا مهاجرين .. وعلى بالهم احنا تبع معاشات الشؤون والمهاجرين

اللي يعطونه للهنود والباكستانيين .. واحنا شكلا نتبع الباكستان بحكم انا محجبين يالحريم!!

في هالجو القارس .. فجأة طرى على بالي الهندي لي مشى في قطر غريب ..

ينداس وينهان .. لانه غريب .. ماله جماعة ولا عزوة ولا سند يشد فيهم الظهر !!

في هذاك الشارع .. عرفت معنى : الوطن .. الارض .. الاهل .. العزوة والقبيلة والجماعة ..

يمكن لو طحت من البرد في ذاك الشارع .. ماعتقد ان في حد بيلتفت لي بس لآني غريبة عنهم

وصدق سيدنا علي رضي الله عنه حين قال

"اكرم عشيرتك فانهم جناحك الذي تطير به، وبهم تصول وتجول،

هم العدة عند الشدة، أكرم كريمهم وعد سقيمهم، أشركهم في أمورك"


((طبعاً هالموقف صار من زمان .. قبل لاتطلع لجنة حقوق الانسان وقبل لايكونون الهنود في قطر أكثرية موب اقلية ))

تأثرت دمعت عيني حسيت بك

الله يرحمنا برحمته

نفع الله بك زدتي بداخلي الايمان آجرك الرحمن

[قطرية فذة]

بارك الله فيج ياأختي الفاضلة طرح طيب
يذكرنا أنه مهما كبرنا لاننسى ماضينا

وياكثر اللي يسوي روحه مايعرفك بهالزمن ,وانت دايس على بطنه
يومه صغير بالداعوس

والصراحة اشياء تحضرني ومن كثرها ,,, ماأذكر منها الأ القليل.

لكن فيه موقف خلاني اقول توبه ماأعيدها مرة ثانية,

شقحنا على بيت انجليز يومهم مسافرين وكل هالغربال علشان البرجة
خبرج ملينا من البحر ههههه .:d

فقلنا بنغير الجو ,,, ورحنا للطوفة المنشودة للشقحة
ويلا يالربع كلن يمد يده يرفع رفيجه ويساعده بالتعلبش على الطوفة , عااااد الله لايقطك
بواحد متين تشبك له الأصابع وترصهم بقوة علشان ترفعه ,
تتحسف أنك تعرفت عليه هههه

المهم تمت الشقحة
وأستمتعنا بصفاء المياه الزرقاء .



الأ بذاااااك الصوت المرعب ..... يصيح علينا وقف وقف .
أخوج من ضعفه ورشاقته طبعاً سبقت الربع كلهم.

من الروع اللي فيني قمت ,أضحك على الربع اللي توهقوا وخذتني نشوة الأنتصار والشردة من حارس البيت .

وأنا أصرخ عليهم , أٌقولهم اشردوا أشردوا , ومافريت أرقبتي الأ يصادفني
عامود حديد كبر مال الطبيله,,, يقولون أغمى عليّ

ربج ستر الأصابة بس باليابه وخشمي ماأنكسر بس يقولون راح على جنب ,,,, الله يحبني هههه.:d

قلت توبه أطب برجه ,,, البحر أحلى وأشرح .

وحرمت أشقح على بيت فيه برجه

ضحكت كثير تذكرت طفولتي

واحنا صغار امي تنبهنا مانطلع للشارع تقول لنا البتاني بيخطفكم وبيقطعكم وبيحطكم في خيشته وبياكلكم

امي جعلها الجنه يارب ظنت اني بخاف
لكن الحقيقه قلت في داخلي هيهات يبوقني

بعدها بكم يوم قلت بطلع بروح بيت عمتي مشي
معي بنت عمتي
( ايام يوم كان الشارع بخير يربي ، يوم يخاف الجار على جاره)

قلت لها اوصيها حفاظاً للأمن والسلامه ملي مخباك حصى

لجل ان شفنا بتاني راحت عليه

وبالطريق حصلنا بتاني كافي خيره وشره بسيارته اللي قالت عنها امي ( بيكم ) وبنفس ماقالت حصلت داخلها خياش

الرجال كان واقف يملي مطارته ماي

وانا في داخلي اقول : الملعون جاي يبي يقطعنا ويحطنا بالخياش

وماصدقت خبر انا وبنت عمتي الصغيره كسرنا سيارة الرجال بالحصى وهربنا

لجل ماتخاف علي امي مره ثانيه ( مسويه فتوه )


عاد هذا زمان واحنا جهال ايام الاتاري وكمبيوتر صخر

//

موقف لإضفاء الابتسامة

[ام السعف]

موقف حزين صراحة...
الله يكون بالعون يا أم السعف
وهل لديك المزيد من المواقف...؟
ماشاء الله عليج أخبر مواقفج كثيرة وحلوة...

بصراحة من المواقف اللي احب اتذكرها ،، ولدي الصغير كنت العب وياه
واشله على ظهري وكان يخش راسه ويهه في اتجاه ظهري ورقبتي ،،
( لعبة حمالي كولي كولي )
فقبل لا يتعلم يخش ويهه ،، كنت اقول له : وينه وينه حبيبي ( ......) وينه ؟
واسوي نفسي ادور عليه وهو يضحك ضحكة انه قاص علي
ومنخش مني وانا ما اعرف وينه ،،
،، فمرة كنت شالته ومريت صوب المنظرة ،، الا لمحته ،، قلت له :هاااا هذا هو (.......)
اول ما قلت له جذيه : خش ويهه على طووول انه هو محد ( فديته والله يومها )
عرفت له فقلت : يه مب هو ما ادري وين راح (....) واتم اصوت عليه
لين اقول : خلاص انا تعبت ما ادري وين راح (.....) ..يضحك ويطلع راسه ويقول
انا اهنييييييييييييييييه ،،

لين يوم من الأيام ،، قال لي نلعب ؟ قلت له اوكي ،، شلته كالعادة،، وخش راسه
كالعادة ،، فتميت اقول وينه (.....) وينه (.....) وكانوا اخوانه كلهم في البيت ،،
صوتت على اخوانه كلهم
يا (........) و يا (.........) ويا انت (.........) وينكم تحركوا ترى (.....) محد
ما ادري وينه ما ادري وينه ،، مساكين انقزوا كلهم مرة وحدة وطلعوا من
الغرفة اللي كانوا فيها ،، وكنت خاشة يدينه الصغار تحت يديني وهو خاش
راسه،، بسرعة كبيرة انتشروا يومها ،، والخوف بياكل من قلوبهم قطعة ،،
المحه واحد من اخوانه ( وقرب صوبه واضربه ) وقال : والله اني صدقت
والله ،، طلع راسه وهو يضحك ضحك سنة في لحظات ( يا حليله ) ،،
وتميت العب وياه هاللعبة لما زاد وزنه وطول وما اقدر اشله الحين

وللحين يتذكر هاللعبة ومرات يقول لي : خاطري العبها
هذه من المواقف اللي عايشة معاي واتذكرها كل ما شفت ويهه ( فديت ويهه )