صديقتي عندها مبلغ بسيط وتبي تستفيد منه اشلون ؟

[معماري قطري]

إذا الدين بنكي أو حكومي ويتسدد أقساط انا رايي تحط فليساتها في سهم متوقع إنه يرتفع مثل ما ارتفعت دلاله والرعايه والحين سهم المستثمرين شكله يصخن
يعني 5000 وشوي أسهم المستثمرين لو ارتفعت ريالين بتدخل لها 10 آلاف، بس لو ما ارتفعت لتهتم وتصبر ، ولا تسوي محفظة شوي الريان على شوي الرعاية على اللي تبي من السهيمات الزينه وتبيع أول ما توصل 10% ربح وتكرر السالفة أضمن لها من المجهول وأربح لها من الوديعة

عن تجربتي خذت شوية غنيمات .. سهيمات مواشي ... شهر 6 و 7 و بعدها على دفعات وألحين ربحت فيها 8.5% ربح توزيع نقدي ولو بعت هالغنيمات بتدخل علي 9 ريالات في السهم وما يقدر بحدود 26% ربح ولو جمعنا الربح الإجمالي بيكون في حدود 34.5% وهذي لو اقعد انطرها من البنك 7 سنين ما حصلتها، والحمد لله توفيق من رب العالمين واحتمال الخسارة دوم وارد