استفسار: السفره على اوربا ؟؟؟؟

[عربسات]

السلام عليكم

بغيت مساعدتكم وادري فيكم ما راح تقصرون .... بخصوص سفره لاوربا مع زوجتي من غير الاعيال لان سوينا مضاهرات انا والمدام في البيت عند (( ليوان التحرير)) حالنا من حال تونس ومصر ههههههههههه لين وافقت الولده فديت عمرها لمطالب الشعب وانها تتكفل فيهم

المدة = تقريباً 8 لين 10 ايام .... والوقت نص ابريل ( شهر4 )

المكان = فرنسا(الشانزيليزيه) واسبانيا(برشلونه) وكنت ناوي ايطاليا بس غيرت رايي من بعد ما سمعت بعض الملاحظات الي خلتني اهون (ملل-غاليه-غيرنظيفه) امممممممممممممممم

المطلوب = (1) افضل طريقه لاستخراج التأشيره وبكم (2) الاماكن الرئيسيه السياحيه (3)كم معدل الصرف اليومي غدا عشا مواصلات

وانشاءالله انكم ماراح تقصرون ... وراح انتظركم

[خشوف]

مر على تقريري

http://www.qatarshares.com/vb/showthread.php?t=391739

[عربسات]

والله يا خشوف موضوعك متعوب عليه يعطيك الف عافيه ما قصرتي ...

وبخصوص اسبانيا عندك اي فكره عنها ؟؟؟ لاني لقيت في الارشيف موضوع عن برشلونه بس للاسف قديم (2005) والصور مو موجوده !!!

وبغيت لو تكرمتي رقم المندوب الي يسوي تأشيرة اوروبا الله لا يهينك

[طماطه]

خشوف ..

ماعليج امر طرشي لي رقم المندوب ..

[لطآم]

روح السفاره الألمانيه اخذ ورقة طلب الحصول على فيزا
بيقولون لك المطلوب وفي ورقه مترجمه للعربي عندهم بعد
عب الطلب وقع ود لهم جوازك والرسوم وبيعطونك فيزاء خلال 3 ايام

[عربسات]

مشكور لطام

انا اتصلت بالسفاره الاسبانيه ونفس ما قلت .... بس لازم اضيف فاوشرات وحجوزات السكن والتذاكر ؟؟؟ وكنت ناوي احجز عن طريق النت بس مادري اخاف ادفع فلوس الحجوزات بعدين ما يعطوني الفيزا !!!! يعني ممكن الفلوس تروح علي

[لطآم]

روحي مكتب سفريات يسويلج حجز مبدئي للفندق والتذكره
ويخلص لج الفيزاء تقريباً 700 ريال السعر

[عربسات]

روحي مكتب سفريات يسويلج حجز مبدئي للفندق والتذكره
ويخلص لج الفيزاء تقريباً 700 ريال السعر

امس رحت على سفريات ريجنسي وقالوا لازم انا الي اروح السفاره واقدمها بنفسي ولازم الحجز يكون عادي مش مبدئي !!!!!!!!! وبعد نص ساعه بترخص من الدوام واروح السفاره عشان اخذ طلب الفيزا

انا قلت راح اتوكل على الله واحجز عن طريق النت التذاكر والفنادق( اول مره اسويها ) لاني اكتشفت اني بوفر حول ال3000 ريال

[لطآم]

امس رحت على سفريات ريجنسي وقالوا لازم انا الي اروح السفاره واقدمها بنفسي ولازم الحجز يكون عادي مش مبدئي !!!!!!!!! وبعد نص ساعه بترخص من الدوام واروح السفاره عشان اخذ طلب الفيزا

انا قلت راح اتوكل على الله واحجز عن طريق النت التذاكر والفنادق( اول مره اسويها ) لاني اكتشفت اني بوفر حول ال3000 ريال

حلو الله يوفقج ان شاءلله
قولي لي شلون بتحجزين عن طريق النت
لاني ولا مره حجزت عن طريق النت سكن طبعاً مب تذكره
ابي سكرن في أمريكا ولاية ميشغان مدينة لانسينغ بالتحديد

[عربسات]

حلو الله يوفقج ان شاءلله
قولي لي شلون بتحجزين عن طريق النت
لاني ولا مره حجزت عن طريق النت سكن طبعاً مب تذكره
ابي سكرن في أمريكا ولاية ميشغان مدينة لانسينغ بالتحديد

ويوفج انتي بعد ... وعلى فكره انا رجال

والله يا اختي انا للحين ما حجزت وناوي انشاء الله احجز اليوم بس مو بروحي لان اول مره اخاف اخنبقها هههههههههه .... مش لان الموضوع صعب بس الحرص واجب

والاخ ( غير البشر ) سهل علي وايد بهذا التقرير
http://www.qatarshares.com/vb/showthread.php?t=336766

وراح اخبرك بالي راح يصير معاي