وين أنزّل اللغة العربية وكيبورد عربي في الايباد

[(عبدالله)]

استفساري كما هو في العنوان


ممكن حد يفيدني وين أنزّل وبسعر زين؟


أنا من النوع اللي يتعبث ويبحث في النت لين أحصل اللي أبيه
لكن الشهور القادمة ما عندي وقت لوايد أشياء منها تنزيل الكيبورد العربي والستنيق بالعربية
بتاخذ مني كم ساعة

كنت في دبي بمحل شرف دي جي قالوا لي ينزلونه لي ب69 درهم وقبل لا أروح المطار مريتهم
جان يقولون لي الكمبوتر عندنا خربان!!

مريت الرعاية التقنية في حياة بلازا قالوا لي ننزل applications باكيج منها الكيبورد العربي ب200 ريال!! وانا محتاجه هو بس بدون باقي الابليكاشنز...

[عيون قطر]

اخوي اشبك الايباد مع الايتونز واعمل ابديت 4.2.1 عقب ماتخلص ادخل على الستينق > كيبورد > وضيف اللغة العربية
لا يقصون عليك اذا توهقت جيبه عندي حياك باضبط لك امورك كيبورد وجيلبريك اذا تبي بدون مقابل

[*نجمة الليل*]

انا نزلت كيبورد عربي بـ 50 ريال في ديجيتال هاوس في الاند مارك

[المبرمج صلاح]

اخوي اشبك الايباد مع الايتونز واعمل ابديت 4.2.1 عقب ماتخلص ادخل على الستينق > كيبورد > وضيف اللغة العربية
لا يقصون عليك اذا توهقت جيبه عندي حياك باضبط لك امورك كيبورد وجيلبريك اذا تبي بدون مقابل

كلام اخوي صحيح ما يحتاج تروح لمحلات الحين الايباد يدعم العربية بكل خيارتها

زي ما قال اخوي عيون قطر اشبك الايباد على الايتونز وحدثه

[(عبدالله)]

:: عيون قطر ::

تم التنزيل بنجاح
الله يجزيك الخير على نصيحتك .. يرحم لي والديك على مبادرتك الطيبة في ميزان حسناتك


*نجمة الليل*
جزاج الله خير على المعلومة
أنا اتصلت فيهم إذا عندهم فرع قريب مني... فرعهم الوحيد في اللاندمارك
وسعر التنزيل مع كم برنامج ب100... قمت نزلت بنفسي على نصيحة عيون قطر


:: محتـرف ::
وانت صادق
الله يجزيك خير


:: عبدالله ::

[الـقـاسـي]

اخوي انت سو له ابديت بس ولاعليك من محلات النصب

[(عبدالله)]

اخوي انت سو له ابديت بس ولاعليك من محلات النصب

سويت وخلصت

ما قصرت أخوي جزاك الله خير