الي اثث بيته من الصين ياريت>>>>>

[أم شيوخ]

اخواني الموضوع معروف من عنوانه
من زمان ابغى اعرف احد اثث بيته من اسره وطاولات وكنبات واكسسوارات وكل شي من الصين ياريت يعطيني فكره والافضل الصور لاهنتوا

[بنت البدر 77]

هالمواضيع راح تفيدج ان شاء الله وحياج الرحمن الشيخه .

http://www.qatarshares.com/vb/showth...C7%E1%D5%ED%E4

http://www.qatarshares.com/vb/showth...C7%E1%D5%ED%E4

[أم شيوخ]

شكرا اختي بنت البدر
بس بعد حابه اشوف الاثاث الي شروه من هناك او اي شي

[ليث المعاني]

والله ترى يا أم شيوخ يمدحون تاثيث الصين وانا رايح في الصيف اذا الله راد لكن من خلال الناس اللي راحوا اقدر اقولج انه كلمة روعة قليلة عليه !!! باقولج ليش اولا راح تلقين احدث ماوصل له الاثاث والديكور في العالماشلون باقولج ربعي اللي راحوا كانوا مايعرفون شي لكن انصدموا من الاسعار والجودة الرائعة خاصة ان هناك في مناطق ومحلات تصدر لامريكا واوروبا يعني كواليتي نمبر 1 وفوقها خمس نجوم هذا مستحيل تلقينه في قطر
او الخليج ولو حصلتيه بيكون بسعر خيالي !! اتصدقين رفيجي حصل طاولة مكتب سعرها مايعادل
800 ريال قطري وبعد حب خشوم وصلوها له 500 ريال قطري .. تدرين ابكم حصلها في محل
في طريق سلوى .. حصلها ب 25000 عقب الخصم صج مسخرة والله اتصدقين
عندهم نوع من البلاك اوت او مثل مانسميه عازل او حاجب ماينزل عندنا والله يقول مثل الغشوة
او العباية خفيف لكن لو اتحطينه على الدريشة ماتشوفين ضوء الشمس ..مب الطربال اللي عندنا انحطه في بيوتنا ورا الستارة وعقب يتقطع مع الايام وانا لو حبيتي باسال ربعي لان عندهم ارقام مكاتب يوفرون لج مترجمين لا ويتكلمون عربي بعد ومسلمين بعد فيهم
امانة وماعندهم غش وخداع في الاسعار مثل اخوانا العرب !!! يعني انتي بس يبيلج سفرة لاتقل
عن شهر ويمكن ثلاث اسابيع لان اللي راحوا كلهم يقولون من كثر الاشياء صعب تختارين
يعني لازم من ثلاث اسابيع الى شهر والفنادق رخيصة هناك وفي طبعا فايف ستار بس اشوي بعيد عن الاسواق لكن اهم شي معاج مترجم وطبعا عقب ماتختارين الاغراض اتروحين مكتب
وهم يشحنون لج الاغراض بحدود 2200 - 2400 دولار للحاوية الواحد طبعا تستحمل حمولة
27000 الف طن وممكن اتزيدينها لين 29000 الف طن بس على مسوؤليتج بس يقولون عادي كل الناس يسوون هالطريقة طبعا هذي تكون للبلاط والحمامات والتحف للاشياء الثقيلة
لكن في حاوية اكبر تتسع للاثاث بس حمولتها اقل لان الاثاث وزنه اقل طبعا بس هم سووها
علشان الاثاث يحتاج حاوية اكبر حتى لو كان اخف !!!والربع اللي راحوا يقولون انهم اثثوا
فلة صغيرة بحدود 100000 الف ريال وواحد قال لي اثث فيلتين بحدود 70000 الف لكل فيلا
بس تأثيث ممتاز الى جيد جدا لكن لو بغيتي تأثيث ارقى بيكلفك 200000 الف للفيلا الوحدة بس تأثيث راقي وممتاز .... لكن الربع يقولون هذا لو في الدوحة بيطلع لج من 700000 الف الى
900000 الف يعني قريب المليون هذا لو كان في خصومات بعد !!!

[كبتشينوو]

ممكن ارقام المترجمين

انشالله اخر4 رايح الصين

[بوخالد911]

الله يوووفق

[أم شيوخ]

ليث المعاني مشكور وماقصرت.....
انا اذا بروح بس حق الاثاث لاغير لنه كل شي خالصين منه ان شالله عما قريب عشان جي ابي اعرف كم بيكلفني وخصوصا اذا قعدت في فندق تقريبا 3 اسابيع كم بيكلفني تقريبا لنه ابي احسب التذاكر والاقامه هاي لحاله والفلوس الي تنصرف على الاغراض بروحهم
فكرتب ب 200 الف وقالولي تقدرين بأقل ويكون الاثاث اكثر من رائع...
قالولي في مكان كله حق اثاث القصور والفخم عشان جي حاطه في بالي هالمكان وابغى اعرف كم بيكلف كلللشي وكنت حابه الي خذ اثاث من هناك يحطلنا صور
وماعليكم قصور

[qtr.2002]

والله ترى يا أم شيوخ يمدحون تاثيث الصين وانا رايح في الصيف اذا الله راد لكن من خلال الناس اللي راحوا اقدر اقولج انه كلمة روعة قليلة عليه !!! باقولج ليش اولا راح تلقين احدث ماوصل له الاثاث والديكور في العالماشلون باقولج ربعي اللي راحوا كانوا مايعرفون شي لكن انصدموا من الاسعار والجودة الرائعة خاصة ان هناك في مناطق ومحلات تصدر لامريكا واوروبا يعني كواليتي نمبر 1 وفوقها خمس نجوم هذا مستحيل تلقينه في قطر
او الخليج ولو حصلتيه بيكون بسعر خيالي !! اتصدقين رفيجي حصل طاولة مكتب سعرها مايعادل
800 ريال قطري وبعد حب خشوم وصلوها له 500 ريال قطري .. تدرين ابكم حصلها في محل
في طريق سلوى .. حصلها ب 25000 عقب الخصم صج مسخرة والله اتصدقين
عندهم نوع من البلاك اوت او مثل مانسميه عازل او حاجب ماينزل عندنا والله يقول مثل الغشوة
او العباية خفيف لكن لو اتحطينه على الدريشة ماتشوفين ضوء الشمس ..مب الطربال اللي عندنا انحطه في بيوتنا ورا الستارة وعقب يتقطع مع الايام وانا لو حبيتي باسال ربعي لان عندهم ارقام مكاتب يوفرون لج مترجمين لا ويتكلمون عربي بعد ومسلمين بعد فيهم
امانة وماعندهم غش وخداع في الاسعار مثل اخوانا العرب !!! يعني انتي بس يبيلج سفرة لاتقل
عن شهر ويمكن ثلاث اسابيع لان اللي راحوا كلهم يقولون من كثر الاشياء صعب تختارين
يعني لازم من ثلاث اسابيع الى شهر والفنادق رخيصة هناك وفي طبعا فايف ستار بس اشوي بعيد عن الاسواق لكن اهم شي معاج مترجم وطبعا عقب ماتختارين الاغراض اتروحين مكتب
وهم يشحنون لج الاغراض بحدود 2200 - 2400 دولار للحاوية الواحد طبعا تستحمل حمولة
27000 الف طن وممكن اتزيدينها لين 29000 الف طن بس على مسوؤليتج بس يقولون عادي كل الناس يسوون هالطريقة طبعا هذي تكون للبلاط والحمامات والتحف للاشياء الثقيلة
لكن في حاوية اكبر تتسع للاثاث بس حمولتها اقل لان الاثاث وزنه اقل طبعا بس هم سووها
علشان الاثاث يحتاج حاوية اكبر حتى لو كان اخف !!!والربع اللي راحوا يقولون انهم اثثوا
فلة صغيرة بحدود 100000 الف ريال وواحد قال لي اثث فيلتين بحدود 70000 الف لكل فيلا
بس تأثيث ممتاز الى جيد جدا لكن لو بغيتي تأثيث ارقى بيكلفك 200000 الف للفيلا الوحدة بس تأثيث راقي وممتاز .... لكن الربع يقولون هذا لو في الدوحة بيطلع لج من 700000 الف الى
900000 الف يعني قريب المليون هذا لو كان في خصومات بعد !!!

الشيخ الله لا يهينك بغيت رقم المترجمين ومكاتب الشحن .. ويعطيك العافيه