استفسار : ترتيب خط الرحلة لآوروبا....؟؟

[فرح]

السلام عليكم ورحمة الله وبركاته ..

1) ممكن تساعدوني في ترتيب خط الرحلة لأربع دول ( ألمانيا ، فينا ، بلجيكا ، فرنسا ) ؟

2) جم عدد الأيام المناسبة لكل دولة ؟

3) والرحلة بتكون 20 يوم هل هي كافيه لزيارة الأربع دول ؟

4) شرط أنه تكون ألمانيا أول محطة لآنه أنا عندي أميال على اللوفتنزا وأبي أستغلها


ومشكووورين مقدما

[بن غنيّم]

خط السير الافضل تنزلون في دوسلدورف وتسكنون فيها او في كولون وكلهم نفس المسافه لبروكسل
تقريبا ساعتين بعدها من بروكسل لباريس 3 ساعات وربع .. فيينا بعيييده تقريبا 11 ساعه ليش ماتحطين
بدالها انترلاكن ؟ ومن انترلاكن لـ ميونخ ...

دوسلدورف كافي عليها 3 ايام - بروكسل 3 ايام - باريس 5 ايام يومين ديزني لاند و3 ايام قعده بالشانزليزيه
انترلاكن 5 ايام - 4 ايام ميونخ

بما انج بتروحين على الالمانيه شرايج فيها ؟ مقارنه بالامارات والاتحاد والقطريه؟

[فرح]

مخطط حلو .. بس ما يستوى مثلا أسافر النمسا بالطياره ؟؟

اللوفتانزا روعه فى التعامل والخدمه والمواعيد وأرخص في السعر بس الترانزيت متعب يعني مره من المرات وأنا رايحة لآمريكا كان فالشتا ووتأخرت الطائره لمدة ساعتين من مطار الدوحه وبالتالي تأخرنا في الوصول إلى مطار فرانكفورت وكان المفروض الترانزيت 4 ساعات ووعقب ما وصلنا حاولنا ندور لنا على أي رحلة رايحه لآمريكا ولكن ما لقينا الحجز فل لآنها كانت فترة الكرسمس فاضطرينا ننطر يوم كامل وعقبها لقينا حجز وكان غير مباشر لولايتنا ..
فالأفضل إذا كنت رايح لآلمانيا أو لندن تحجز فيها لآنها بتكون مباشره وإذا أمريكا أو استراليا أفضل أنك تروح للقطرية و الاتحاد والاماراتية ..

[vip8]

مرحبا اخوووي


لو بتحط طياره معينه في راسك وخاصه ان المانيا في نص الدول الي بتروح على خطوطهم فا بتصير سفرتك متعبه انا بالنسبه لي كان خط سيري طرنا على القطريه دوحه - فيينا 5 ايام وبعدها زيلامسي 2 يوم وبعدها على ميونخ 7 ايام وعقبها بروكسل بس تبعد عن ميونخ تقريبا من 8 الى 10 ساعات بالقطار الاوروبي بس كنسلت وبيكون تعب علينا لان معانا اطفال وعقب ميونخ خذت سياره وعلى سويسرا 7 ساعات بسياره بس مرت كنها 2 ساعتين وجلست فيها 3 ايام وعقبها على باريس بسياره من 4- 5 ساعات بس بجد ماتحس بالوقت من المناظر والجو الي ينسيك التعبير ..

فا انا من رايي انك تنزل خريطه اوربا وتشوف وش الدول الي تروحها اول يعني من فوق لين تحت او العكس بدون ماتروح وترجع على نفس الدوله في نص الرحله خلها طلعه وحده او كنسل بلد وحط غيرها او زور مناطق في نفس البلد مثل دزلدورف من ميونخ بدال فيينا ... وارجع واقول خل روحتك لو تبي لوفتنهانزا خط روحه بس والرجعه على الفرنسيه انا جربتها روعه ومواعيدها حلو ومنيو الاكل في الطياره بالعربي واكل حلال وبرامج عربيه ,, وللعلم الطياره طارت بي من فرنسا لين القاهره يعني لو وجهه الرجعه دوله عربيه بيكون كل شي عليها بالعربي حتى الترفييه .. هذا رايي وان شالله تستفيد من تجربتي ..

[بن غنيّم]

مخطط حلو .. بس ما يستوى مثلا أسافر النمسا بالطياره ؟؟

اللوفتانزا روعه فى التعامل والخدمه والمواعيد وأرخص في السعر بس الترانزيت متعب يعني مره من المرات وأنا رايحة لآمريكا كان فالشتا ووتأخرت الطائره لمدة ساعتين من مطار الدوحه وبالتالي تأخرنا في الوصول إلى مطار فرانكفورت وكان المفروض الترانزيت 4 ساعات ووعقب ما وصلنا حاولنا ندور لنا على أي رحلة رايحه لآمريكا ولكن ما لقينا الحجز فل لآنها كانت فترة الكرسمس فاضطرينا ننطر يوم كامل وعقبها لقينا حجز وكان غير مباشر لولايتنا ..
فالأفضل إذا كنت رايح لآلمانيا أو لندن تحجز فيها لآنها بتكون مباشره وإذا أمريكا أو استراليا أفضل أنك تروح للقطرية و الاتحاد والاماراتية ..

اذا طياره
خلي مثل ماهو مخطط دوسلدروف - بروكسل - باريس - فيينا بالطياره
هذا طيران اقتصادي
http://www.airberlin.com

[خشوف]

اختي دشي هالموضوع بيفيدك واجد

http://www.qatarshares.com/vb/showthread.php?t=391739

[فرح]

مرحبا اخوووي


لو بتحط طياره معينه في راسك وخاصه ان المانيا في نص الدول الي بتروح على خطوطهم فا بتصير سفرتك متعبه انا بالنسبه لي كان خط سيري طرنا على القطريه دوحه - فيينا 5 ايام وبعدها زيلامسي 2 يوم وبعدها على ميونخ 7 ايام وعقبها بروكسل بس تبعد عن ميونخ تقريبا من 8 الى 10 ساعات بالقطار الاوروبي بس كنسلت وبيكون تعب علينا لان معانا اطفال وعقب ميونخ خذت سياره وعلى سويسرا 7 ساعات بسياره بس مرت كنها 2 ساعتين وجلست فيها 3 ايام وعقبها على باريس بسياره من 4- 5 ساعات بس بجد ماتحس بالوقت من المناظر والجو الي ينسيك التعبير ..

فا انا من رايي انك تنزل خريطه اوربا وتشوف وش الدول الي تروحها اول يعني من فوق لين تحت او العكس بدون ماتروح وترجع على نفس الدوله في نص الرحله خلها طلعه وحده او كنسل بلد وحط غيرها او زور مناطق في نفس البلد مثل دزلدورف من ميونخ بدال فيينا ... وارجع واقول خل روحتك لو تبي لوفتنهانزا خط روحه بس والرجعه على الفرنسيه انا جربتها روعه ومواعيدها حلو ومنيو الاكل في الطياره بالعربي واكل حلال وبرامج عربيه ,, وللعلم الطياره طارت بي من فرنسا لين القاهره يعني لو وجهه الرجعه دوله عربيه بيكون كل شي عليها بالعربي حتى الترفييه .. هذا رايي وان شالله تستفيد من تجربتي ..

مخطط حلو وان شاء الله بحجز نفس هالمخطط الدوحة- فيينا -زيلامسي - ميونخ - سويسرا عقب باريس

يعطيك العافيه أخوي

[فرح]

اذا طياره
خلي مثل ماهو مخطط دوسلدروف - بروكسل - باريس - فيينا بالطياره
هذا طيران اقتصادي
http://www.airberlin.com

مشكووور أخوي وما قصرت

[فرح]

اختي دشي هالموضوع بيفيدك واجد

http://www.qatarshares.com/vb/showthread.php?t=391739

دشيت الرابط واستفدت منه ،،

يالله يرزقج بالذرية الصالحة يارب ،،